Pyeremuu feerim faallâm tiet mij kevttip teknologiaid, tego niästádâsâid, vâi mij pyehtip vuorkkiđ já/tâi kevttiđ piergâstiäđuid. Tai tekniikij tuhhiittem addel mijjân máhđulâšvuođâ kieđâvuššâđ tiäđuid, tego laađđâmlattim tâi individuaallijd tubdâldâsâid taan sijđostuvâst. Miettâm kyeđđim tâi maassâdkeessim sáttá vaiguttiđ háitulávt tiätu jiešvuođáid já toimáid.
Teknisâš vuorkkim tâi peessâm lii absoluutlávt velttidmettum tuhhiittum tárguttâs várás, mii taha máhđulâžžân ton palvâlus kiävtu, maid tiätu tiilájeijee tâi kevttee lii nomâlâssân pivdám, tâi peri viestâdem jyehimân šleđgâlii viestâdemviermi peht.
Tekninen tallennus tai pääsy on tarpeen laillisessa tarkoituksessa sellaisten asetusten tallentamiseen, joita tilaaja tai käyttäjä ei ole pyytänyt.
The technical storage or access that is used exclusively for statistical purposes.
The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Teknisii vuorkkimtile tâi peessâm annoo kevtteeprofilij rähtimân máinusij vuolgâttem várás tâi kevttee čuávumân nettisijđostuvâst tâi maaŋgâin nettisijđostuvâin västideijee markkânistemtárguttâsâi várás.
Sämitige valjâlävdikodde almoot uuccâmnáál valjâvuávájeijee meriáigásii pargo – Sämitigge juátká uuccâmääigi 15.5.2022 räi
/in Uđđâseh, Vaaljâlävdikode tiäđáttâsah /by SámediggiPargo álgá 1.6.2022 tâi sopâmuš mield já pištá 31.12.2022 räi já máhđulávt ton maŋa. Valjâlävdikode toimâsaje lii sämikulttuurkuávdáš Sajosist, Anarist. Valjâvuávájeijee pargon lii huolâttiđ valjâlävdikode vyelni ive 2023 sämitiggevaaljâi vuávámân já olášutmân lahtojeijee pargoin.
Asâttâsvuáđuslâš tohálâšvuotâvátámâššân lii paargon heivejeijee škovliittâs já sämikielâ táiđu (asâttâs 1727/95). Hárjánem valjâlävdikode pargoost kiäččoo hiättun.
Pälkki miärášuvá sämitige pälkkivuáháduv IV/III – V/I mield (vuáđupälkki kooskâst 2645,46 e/mp – 2492,97 e/mp). Vuáđupäälhi lasseen máksojeh 24 % sämikuávlu lase já pargofeerim mield miärášuvvee feerimlaseh.
Ucâmušâid labdosijdiskuin kalga toimâttiđ sämitige čäällimkoodán majemustáá 15.5.2022 čujottâsân: https://www.sympahr.net/public/pq.aspx?0758ce03
Lasetiäđuid pargoost adelává valjâlävdikode čällee Antti Aikio p. + 358 10 839 3148 já valjâlävdikode saavâjođetteijee Heikki Paltto p. +358 10 839 3159.
Sämitige toimáid puáhtá uápásmiđ nettičujottâsâst www.samediggi.fi.
Anarist 8.4.2022
Sämitige valjâlävdikodde
Valjâlävdikode čällen väljejum Antti Aikio
/in Uđđâseh, Vaaljâlävdikode tiäđáttâsah /by SámediggiSämitige valjâlävdikodde lii valjim čuákkimistis 10.1.2022 valjâlävdikode čällee paargon riehtitiettuu maister Antti Aikio. Antti Aikio lii porgâškuáttám kuovâmáánu aalgâst.
Sämitige valjâlävdikodde almottij valjâlävdikode čällee pargo uuccâmnáál 20.12.2021. Valjâlävdikode čällee pargon lii valjâlävdikode vuálásâžžân valmâštâllâđ já olášuttiđ vaaljâid sehe toimâđ valjâlävdikode oovdânpyehten já čällen čuákkimijn. Pargoid kuleh meid valjâlävdikode toimâttuv hovdâpargoh.
Sämitige valjâlävdikodde almoot uuccâmnáál valjâlävdikode čällee pargo
/in Uđđâseh, Vaaljâlävdikode tiäđáttâsah /by SámediggiSämitige valjâlävdikodde almoot uuccâmnáál valjâlävdikode čällee meriáigásii pargo ááigán 1.1.2022-31.12.2023. Pargo álgá sopâmuš mield. Valjâlävdikode toimâpäikki lii säämi kulttuurkuávdáš Sajosist, Anarist. Čällee pargon lii valjâlävdikode vuálásâžžân valmâštâllâđ já olášuttiđ vaaljâid sehe toimâđ valjâlävdikode oovdânpyehten já čällen čuákkimijn. Pargoid kuleh meid valjâlävdikode toimâttuv hovdâpargoh.
Asâttâsân vuáđuduvvee tohálâšvuotâvátámâššân lii pargo vaattâm škovlim já sämikielâ táiđu (asâttâs 1727/95). Pargo miänástuvvee hoittáámist iššeed hiäivulâš ollâškovlâtođhos sehe haaldâtlij pargoi já sämmiláid kyeskee vuoigâdvuođâlij aašij tubdâm. Pälkki meriduvvoo sämitige pälkkivuáháduv III/I-II – IV/I mield (vuáđupälkki 2828,57-3194,73 eurod /mp). Vuáđupäälhi lasseen pargoost máksoo 24 % sämikuávlu lase já hárjánemlaseh pargohárjánem mield.
Ucâmušâid lahtosijguin kalga toimâttiđ sämitige čäällimkoodán 3.1.2022 räi čujottâsân https://www.sympahr.net/public/pq.aspx?9425248f
Lasetiäđuid pargoost adelává valjâlävdikode saavâjođetteijee Heikki Paltto p.+358 4075 69075 tâi värisaavâjođetteijee Maria Sofia Aikio p.+358 4002 82202 Sämitige tooimân puáhtá uápásmuđ nettičujottâsâst www.samediggi.fi
Anarist 16.12.2021 Sämitige valjâlävdikodde
Lovottâh sämmilij meereest ive 2019 Sämitige vaaljâin lii valmâštum
/in Uđđâseh, Vaaljâlävdikode tiäđáttâsah /by SámediggiSämmilij meeri ive 2019 Sämitige vaaljâin
Sämitiggevaljâi puáđus
/in Uđđâseh, Vaaljâlävdikode tiäđáttâsah /by SámediggiSämitiggevaaljâi vuáđusteijee puáđus
/in Uđđâseh, Vaaljâlävdikode tiäđáttâsah /by SámediggiSämitige valjâlävdikodde lii čuákkimistis 1.10.2019 adelâm sämitiggevaaljâi vuáđusteijee puáttus. Sämitiggevaaljâ vuáđusteijee jienâstemprooseent lii 48,58. Jienâvuoigâdvuođâ vaaljâin kevttii ohtsis 2853 jienâvuoigâdvuođâlâžžâd.
Sämitiggevaaljâi vuáđusteijee puáđus (PDF).
Sämitige vaaljâi jienâirekinistem lii álgám – Vuosmuuh epivirgáliih puátuseh puátih iđedist tme 10
/in Uđđâseh, Vaaljâlävdikode tiäđáttâsah /by SámediggiSämitige vaaljâi jienâirekinistem lii álgám onne 30.9.2019 tijme 18 Sajosist Anarist. Jienâirekinistem algâttem maŋa puáttám vuolgâttâskovertijd kyeđih leehâsthánnáá já huámmášumán väldihánnáá. Toimâttâsâst tuálloo pevdikirje. Väljejeijeeseervi äššiulmust tâi väriäššiulmust lii vuoigâdvuotâ leđe mieldi jienâirekinistmist.
Vuosmuuh epivirgáliih puátuseh puátih 1.10.2019 iđedist tijme 10, ko valjâlävdikodde tuálá tieđettemtilálâšvuođâ Sajosist.
Luuvâ lase:
AHR (KHO) puástumiärádâsâin oppeet uđđâ kuoddâlem
/in Uđđâseh, Vaaljâlävdikode tiäđáttâsah /by SámediggiSämitige valjâlävdikodde koolgâi vala kuoddâliđ juávhust alemuu haldâttâhrievti miärádâsâin, moiguin AHR komettij valjâlävdikode syeinimáánust toohâm jiešvuoigimijd. Kuoddâlmijn paijeelmiärálâš nubástusuuccâmvyehhin váttoo, ete AHR meddâlist jieijâs puástumiärádâsâid.
Ovdeláá porgemáánust tohhum, siämmáá äššiubâlâšvuotân lohtâseijee kuoddâlmij vuáđustâssân lijjii maaŋgah feeilah, tego vuoigâlii riehtijotteem vuáđuprinsiipij luávkkám já tuámustoovli jiešmerideijeevuođâ já pelettemesvuođâ luávkkájeijee čuávdusij almos munedem. Tai lasseen tääl kuoddâlem čuosâttâhhân orroo 27 AHR miärádâsâin lii uđđâ puástuvuotâ.
Tain uđđâ miärádâsâin AHR meridij valjâlävdikode sajanmäksiđ väidei riehtijotteemkoloid, mutâ väridij valjâlävdikoodán tilálâšvuođâ celkkiđ tuše riehtijotteemkoloin, ige ollágin jieš väidimist. Te väidim válduääšist iä kuullâm valjâlävdikode ollágin, mii oppeet rikoi vuoigâlii riehtijotteem vuáđuprinsiipijd, tego äššiomâhái oovtâitosii prosessuaallii sajattuv já kuullâm vátámâš.
AHR maŋaluvâi adelum miärádâsah aneh sistees siämmáá stuárusii riehtijotteemkoloi sajanmáksusume. Iänááš uási riehtijotteemkolovátámâš siskeldeijee väidimijn lâi oovtâ já siämmáá äššialmai rähtim. Väidimijn riehtijotteemkolovátámâš ij vuáđustâllum tuođâlijn koloin, peic ulmen lâi panâštiđ sämitige já valjâlävdikode nuuvt, ete toh iä eeppid jo pahudum AHR oovdeb miärádâsâid olmoošvuoigâdvuođâid luávkkájeijen. Tággáár jurdâččem lii Suomâ riehtioornigân vieres, veikâ AHR oro tääl riemmâm ton toorjân.
Valjâlävdikodde lii jieijâs räijejum toimâvääldi siste viggâm huolâttiđ OA olmoošvuoigâdvuotâkomitea Suomân adelum laŋgâtteijee miärádâsâi olášutmist já uđđâ olmoošvuoigâdvuotâluávkkámij velttimist. Áinoo já alemuš nubástusuuccâmtäässin AHR lii riemmâm suojâliđ jieijâs árvuvääldi sämmilij olmoošvuoigâdvuođâin peerusthánnáá. Valjâlävdikodde lii páguttum kuoddâliđ AHR:n ko mihheen eres peelijd ko AHR jieš ij pyevti čuávdiđ feeilâid.
Lasetiäđuh
Valjâlävdikode saavâjođetteijee Janne Näkkäläjärvi, +358 10 839 3190 / +358 40 626 7255, janne.nakkalajarvi(at)samediggi.fi
Valjâlävdikode čällee Antti Aikio, +358 10 839 3127 / +358 40 184 6829, antti.aikio(at)samediggi.fi
Valjâlävdikodde tieđeet
/in Uđđâseh, Vaaljâlävdikode tiäđáttâsah /by SámediggiPostâ siäilut kirjejum valjâäššikirjijd Tave-Suomâ postânummeerkuávlust 84-99 (Ylivieska-Njuárgám) tuorâstuv 26.9.2019 räi, mon maŋa toh macâttuvvojeh valjâlävdikoodán.
Täärhist postâtoimâsoojij ávusorroomaaigijd tääbbin: https://beta.posti.fi/fi/palvelupisteet-kartalla
Jis jieh lah finniim puáttimalmottâs, vääldi ohtâvuođâ valjâlävdikode toimâttâhân puh. +358 10 839 3120.
Luuvâ lase:
Ohtâvuotâtiäđuh:
Sämitige valjâlävdikodde
Sämikulttuurkuávdáš Sajos
Menesjärventie 2A
99870 AANAAR
+358 10 839 3120 | +358 10 839 3138
vaalit(at)samediggi.fi
Jienâstemraavâ Sämitige vaaljâin
/in Uđđâseh, Vaaljâlävdikode tiäđáttâsah /by SámediggiUáppáásm huolâlávt jienâstemravvui!
Postâ siäilut kirjejum valjâäššikirjijd Tave-Suomâ postânummeerkuávlust 84-99 (Ylivieska-Njuárgám) tuorâstuv 26.9.2019 räi, mon maŋa toh macâttuvvojeh valjâlävdikoodán.
Täärhist postâtoimâsoojij ávusorroomaaigijd tääbbin.
Jis jieh lah finniim puáttimalmottâs, vääldi ohtâvuođâ valjâlävdikode toimâttâhân puh. +358 10 839 3120 | +358 10 839 3138.
Luuvâ lase:
Ohtâvuotâtiäđuh:
Sämitige valjâlävdikodde
Sämikulttuurkuávdáš Sajos
Menesjärventie 2A
99870 AANAAR
+358 10 839 3120 | +358 10 839 3138
vaalit(at)samediggi.fi
Sämitige vaaljâin 2.9.-30.9.2019 jienâstem
/in Uđđâseh, Vaaljâlävdikode tiäđáttâsah /by SámediggiValjâäššikirjeh láá pieijum poostân kirjejum reivân jyehi jienâstemvuoigâdvuođâlâžân vuossaargâ 2.9.2019. Kirjejum reivâ lii árvupostâ, et jienâsteijee kalga jieš viežžâđ tom jieijâs postâtoimâsaajeest, ko lii finnim almottâs poostâst.
Vaaljâin jienâstem tábáhtuvá nuuvt, et jienâsteijee maaccât valmâšin maksum já tevdum vuolgâttâskovertist kirjejum reivân poostâ pehti jieijâs vuáláčäällim vuolgâttâsreeivâ já valjâkovertân toppum valjâliipu.
Valjâäššikiirjijd kalga pieijâđ poostân nuuvt puorijn aaigijn, et toh kiergâneh Anarân majemustáá 30.9.2019 ovdil jienâirekinistem algâttem. Taan äigimudo; 30.9.2019 tijme 18.00 maŋa puáttee valjâäššikiirjijd valjâlävdikodde ij pyevti väldiđ vuotân jienâirekinistmist.
Poostân pieijâm sajan puáhtá jienâsteijee meiddei macâttiđ valjâäššikirjijdis persovnlávt virgeääigi 16.9. – 27.9.2019 valjâlävdikode toimâttâhân: Sämitigge, Valjâlävdikode toimâttâh, čujottâs: Sämikulttuurkuávdáš Sajos, Menesjärventie 2 A, 99870 Aanaar.
Sämmilij päikkikuávlust orroo lájádâsâin tipšomnáál ulmuuh, sehe tagareh pääihist tipšomnáál ulmuuh, kiäh iä mudoi pastaččii jienâstiđ, uážžuh táárbu mield išedeijee tipšosaajeest jienâstem várás. Ääšist kalga väldiđ ohtâvuođâ valjâlävdikode toimâttâhân jo-uv puhelin tâi šleđgâpoostâ peht.
Valjâpeeivi jienâstem ij uárnejuu ive 2019.
Keejâ iävtukkâsluvâttâllâm täst.
Sämitige vaaljah toimâttuvvojeh 2.9. – 30.9.2019. Vaaljâin väljejuvvojeh 21 jesânid já nelji värijeessân sämitige toimâpajan 2020 – 2023. Jienâsteijee finnee valjâäššikiirjijd kirjejum vuolgâttâssân postâčujottâsân, mon sun lii almottâm aalmugtiäđoid 31.12.2018 räi.
Lasetiäđuh
Sämitige valjâlävdikodde
Sämikulttuurkuávdáš Sajos
Menesjärventie 2A
99870 Aanaar
+358 10 839 3120, +358 10 839 3127
vaalit(at)samediggi.fi
Sämitige vaaljah 2.9.–30.9.2019
/in Uđđâseh, Vaaljâlävdikode tiäđáttâsah /by SámediggiVaaljâäššikirjeh postâduvvojeh kirjejum reivân jyehi jienâstemvuoigâdvuođâlâžân 2.9.2019 rääjist.
Jienâstemvuoigâdvuođâlâš puáhtá jienâstiđ maaccâtmáin vaaljâäššikiirjijd poostâ pehti teikkâ maacâtmáin vaaljâäššikiirjijd nuolgist vaaljâlävdikode toimâttâhân. Poostâ pehti vuolgâttum äššikirjeh kalgeh leđe vaaljâlävdikode toimâttuvâst Anarist majemustáá 30.9.2019 ovdil jienâirekinistem algâttem. Jienâstemvuoigâdvuođâlâš puáhtá meid macâttiđ jieijâs vaaljâäššikiirjijd persovnlávt 16.9.–27.9.2019 koskâsii ääigi vaaljâlävdikode toimâttâhân; Aanaar, Sajos, Menesjärventie 2A.
Ulmuuh, kiäh láá sämikuávlu lájádâsâin tipšoost sehe toh ulmuuh, kiäh láá pääihist tipšoost, ege mudoi puávtáččii jienâstiđ, uážžuh táárbu mield išedeijee tipšosaajeest jienâstem várás. Ääšist kalga väldiđ ohtâvuođâ vaaljâlävdikode toimâttâhân čuj. Sajos, Menesjärventie 2A, 99870 Aanaar, puh 010 839 3120, tâi vaalit@samediggi.fi
Anarist 8.8.2019 Vaaljâlävdikodde
www.samediggi.fi/vaaljah-2019/?lang=an
Valjâlävdikodde lii ráhtám iävtukkâsluvâttâllâm valjáid 2019
/in Uđđâseh, Vaaljâlävdikode tiäđáttâsah /by SámediggiSämitige vaaljâi iävtukkâsasâttâllâm nohá vá 2.8. tme 16
/in Uđđâseh, Vaaljâlävdikode tiäđáttâsah /by SámediggiSämitige valjâlävdikodde muštoot, et sämitige vaaljâi 2019 iävtukkâsasâttâllâm nohá vá 2.8. tme 16. Väljejeijeeseervi vuáđudemäššikirje/iävtukkâsucâmuš kalga leđe valjâlävdikoddeest Anarist Saijoos toimâsaajeest ovdil nomâttum äigirääji (čujottâs: Säämi kulttuurkuávdáš Sajos, Menesjärventie 2A, 99870 AANAAR).
Väljejeijeeseervih kalgeh väldiđ taan ääši huámmášumán eromâšávt talle, ko toimâtteh äššikiirjijd poostâ peht. Valjâlävdikoddeest ij lah eres toimâsaje, mast äššikiirjijd váldáččii vuástá.
Jienâvuoigâdvuođâlâš puáhtá kuullâđ tuše oovtâ väljejeijeesiärván, tâi mudoi suu nommâ sihâstuvvoo meddâl puoh väljejeijeeseervijn. Väljejeijeeseervi äššialmast lii máhđulâšvuotâ tievâsmittiđ tâi njuolgiđ ucâmuš tiäđuid ma 6.8. tme 16 räi.
Iävtukkâsasâttâllâmluámáttuvah kávnojeh Sämitige internetsiijđoin čujottâsâst www.samediggi.fi/vaaljah-2019/?lang=an já taid finnee valjâlävdikode toimâttuvâst säämi kulttuurkuávdáš Sajosist.
Lasetiäđuh
Sämitige valjâlävdikodde
Sämikulttuurkuávdáš Sajos
Menesjärventie 2A
99870 Aanaar
+358 10 839 3120, +358 10 839 3138
vaalit@samediggi.fi
Jienâstemvuoigâdvuođâlâš – Almoot muttum čujottâs valjâlävdikoodán
/in Uđđâseh, Vaaljâlävdikode tiäđáttâsah /by SámediggiČoovčâ 2019 sämitiggevaaljâin puáhtá jienâstiđ poostâ mield tâi maaccâtmáin äššikiirjijd valjâlävdikode toimâttâhân. Valjâäššikirjeh vuolgâttuvvojeh jienâstemvuoigâdvuođâláid kirjettum reivân Suomâ aalmugtiätuvuáhádâhân merkkejum čujottâsân.
Sämitiggevaaljâin jienâstemvuoigâdvuođâ almotteijee almottâskoortah láá vuolgâttum njuhčâmáánu aalgâst. Valjâlävdikodde lii finnim maassâd almottâskoortâid, moh iä lah juksâm jienâstemvuoigâdvuođâlijd. Eromâšávt olgoenâmijn ässei almottâskoortah láá puáttám ennuv maassâd.
Jis tun tiäđáh, ete tust lii jienâstemvuoigâdvuotâ sämitiggevaaljâin jiehke lah finnim almottâskoortâ, vääldi ohtâvuođâ valjâlävdikoodán majemustáá syeinimáánu loopâst.
Valjâäššikirjeh vuolgâttuvvojeh čohčâmáánu aalgâst. Valjâäššikirjeh vuolgâttuvvojeh kirjettum reivân, nuuvt ete toh puátih jienâstemvuoigâdvuođâlii aldemuu Poostâ palvâlemsajan. Valjâäššikiirjij viežâdijn viežžee kalga tuođâštiđ jieijâs persovnvuođâ. Kirjettum reeivâ puáhtá viežžâđ nube ulmuu peeleest tuše väldikirjijn. Väldikirjevuáđu kaavnah Poostâ nettisiijđoin. Meiddei väldikirjijn valduuttum viežžee kalga tuođâštiđ jieijâs persovnvuođâ.
Valjâäššikirjeh vuolgâttuvvojeh jienâstemvuoigâdvuođâláid Suomâ aalmugtiätuvuáhádâhân merkkejum čujottâsân. Valjâäššikiirjij vuolgâttem várás lii tehálâš, ete valjâlävdikoddeest lii jienâstemvuoigâdvuođâlii olmâ čujottâs. Jis tun lah varrim ive 2019 ääigi tâi tun lah kiäldám jieijâd čujottâstiäđui luovâttem, almoot muttum čujottâs sämitige valjâlävdikoodán majemustáá syeinimáánu loopâst. Mušte meiddei mutteđ čujottâs virgálávt. Tun puávtáh tärhistiđ maistraatist, ete tuu čujottâstiäđuh láá olmânáál (www.maistraatti.fi).
Lasetiäđuh
Sämitige valjâlävdikodde
Sämikulttuurkuávdáš Sajos
Menesjärventie 2A
99870 Aanaar
+358 10 839 3120, +358 10 839 3138
vaalit@samediggi.fi
www.samediggi.fi/vaaljah-2019/?lang=an
Iävtukkâs asâttem sämitige vaaljâin
/in Uđđâseh, Vaaljâlävdikode tiäđáttâsah /by SámediggiValjâlävdikodde valmâštâl sämitige vaaljâid äigitaavlu mield. Sämitiggevaaljah toimâttuvvojeh 2.9–30.9.2019.
Sämitiggeest adelum laavâ (974/95, nubástum 1279/02) 27 § mield iävtukkâs sämitige vaaljâin pyehtih asâttiđ ucemustáá kulmâ ulmuu, kiäh láá merkkejum jienâstemvuoigâdvuođâlâžžân sämitige valjâluvâttâlmân. Iävtukkâsasâttâllâm várás tiävdoo väljejeijeeseervi vuáđudemäššikirje já iävtukkâs miettâmluámáttâh, mon kalga macâttiđ vuáláčallum häämist valjâlävdikoodán majemustáá porgemáánu 2. peeivi 2019 tme 16.00. Luámáttuvâid já tärhibijd tiäđuid finnee valjâlävdikode toimâttuvâst čuj. Sajos, Menesjärventie 2A, 99870 Aanaar, puh. 010 839 3120, 010 839 3138 tâi šleđgâpostâ vaalit@samediggi.fi. Luámáttuvâid puáhtá meiddei printtiđ www.samediggi.fi.
Valjâlävdikodde
Luámáttâh iävtukkâsasâttem várás
Sämitige vaaljah 2019
Kove: Juha Kauppinen
Sämitige vaaljah 2019 – Valjâluvâttâllâm lii uáinimnáál 18.-29.3.2019
/in Uđđâseh, Vaaljâlävdikode tiäđáttâsah /by SámediggiSämitige vaaljah tuállojeh 2.9. – 30.9.2019 koskâsii ääigi. Valjâluvâttâllâm tuálloo uáinimnáál njuhčâmáánu 18.3. – 29.3.2019 peeivij ääigi argâpeeivij vu-vá tijme 13.00 – 16.00 čuávvoo soojijn:
Tuodâr-Laapi luándukuávdáš Hetta, Peuratie 15
Sämitige toimâttâh Sajos, Menesjärventie 2A
Sämitige toimâttâh Ucjuuhâ, Kieldâtáálu, Luossatie 1
Vuáču škovlâ Vuáčču, Ivalontie 8716
Juáhháást lii máhđulâšvuotâ tärhistiđ jieijâs kyeskee valjâluvâttâlmân merkkejum tiäđuid njuolgist valjâlävdikode toimâttuvâst puh. 010 839 3120, 010 839 3127, tâi šleđgâpostâ; vaalit@samediggi.fi tâi eelâšmáin keččâmin valjâluvâttâlmist paajaapiäláin soojijn mainâšum ääigi.
Kote uáiná, et sun lii vuoigâdvuođâttáá kuođđum meddâl valjâluvâttâlmist tâi sunjin kyeskee merkkim valjâluvâttâlmist lii puástud, puáhtá kirjálávt vaattâđ njuolgim valjâlävdikoddeest majemustáá cuáŋuimáánu 12. peeivi ovdil tijme 16.00.
Njuolgimmonâttâllâmravvuid finnee valjâlävdikode toimâttuvâst tâi taid puáhtá printtiđ www.samediggi.fi
Anarist 28.2.2019 Valjâlävdikodde
Sämitige ive 2019 valjâluvâttâlmân ucâlum
/in Uđđâseh, Vaaljâlävdikode tiäđáttâsah /by SámediggiSämitige čuávvoo vaaljah toimâttuvvojeh čohčâmáánust 2019. Jienâvuoigâdvuođâliih vaaljâin láá puoh toh sämmiliih, kiäh láá merkkejum sämitige valjâluvâttâlmân.
Valjâlävdikodde merkkee ive 2019 valjâluvâttâlmân taid sämmilijd, kiäh lijjii jienâvuoigâdvuođâliih sämitige vaaljâin 2015. Puoh iärráseh kalgeh ucâluđ valjâluvâttâlmân majemustáá taan ive loopâ räi. Valjâluvâttâlmân puáhtá ucâluđ sämitiggelaavâ 3 § 1 moomeent 1,2 já 3 já 21 § vuáđuld (eeji tâi eeni vuoigâdvuođâ vuáđuld, lappalii maajeeldpuátten já sämmilâžžân, kote olgoeennâm aalmugjesânin áásá Suomâst).
Pivdem valjâluvâttâlmân merkkiimân teikâ tast meddâlistmân kalga toohâđ kirjálávt majemustáá 31.12.2018 ovdil tme 16.00. Valjâlävdikode nanodem uuccâmluámáttuv já lasetiäđuid finnee valjâlävdikode toimâttuvâst čuj. Kulttuurkuávdáš Sajos, Menesjärventie 2A, 99870 Aanaar, puhelin 010 839 3120, šleđgâpostâ: vaalit@samediggi.fi. Uuccâmluámáttuv puáhtá meid printtiđ www.samediggi.fi.
Anarist 30.10.2018 Valjâlävdikodde
Sämitige vaaljâlävdikodde almoot uuccâmnáál VAALJÂLÄVDIKODE ČÄLLEE meriáigásii pargo
/in Uđđâseh, Vaaljâlävdikode tiäđáttâsah /by SámediggiSämitige vaaljâlävdikodde almoot uuccâmnáál
VAALJÂLÄVDIKODE ČÄLLEE
meriáigásii pargo ááigán 1.6.2018-31.12.2019. Vaaljâlävdikode toimâsaje lii sämikulttuurkuávdáš Sajosist, Anarist. Čällee pargon lii vaaljâlävdikode vuálásâžžân valmâštâllâđ já olášuttiđ vaaljâid sehe toimâđ vaaljâlävdikode oovdânpyehten já čällen čuákkimijn.
Siäđusvuáđustâslâš tohálâšvuotâvátámâššân lii pargo vaattâm škovlim já sämikielâ táiđu (asâttâs 1727/95). Pargo miänástuvvee hoittám iššeed hiäivulâš ollâškovlâtođhos sehe haaldâtlij pargoi já sämmiláid kyeskee vuoigâdvuođâlij aašij tubdâm. Pälkki meriduvvoo sämitige pálkkááttemvuáháduv vátávâšvuotâtääsi III/I-III – IV/II mield (vuáđupälkki 3064,92-2596,52 eurod /mp).
Ucâmušâid lahtosijdiskuin kalga toimâttiđ sämitige čäällimkoodán 9.5.2018 tme 15:00 räi čujottâsân Saamelaiskäräjien vaalilautakunta, Sajos, 99870 Inari. Lasetiäđuid pargoost addel vaaljâlävdikode saavâjođetteijee Janne Näkkäläjärvi, šleđgâpostâ: janne.nakkalajarvi(at)gmail.com. Sämitige tooimân puáhtá uápásmuđ nettičujottâsâst www.samediggi.fi
Anarist 9.4.2018, Sämitige vaaljâlävdikodde