Sámedikki válgalávdegoddi lea nannen ohcanskoviid jagi 2023 sámediggeválggaid válgalogahallamii ohcama várás. Ohcanskoviid sáhttá deavdit dál vuosttas háve elektrovnnalaččat.

Mii geavahit nana elektrovnnalaš identitehta sihkkarasttima elektrovnnalaš ohcanskoviin. Nana elektrovnnalaš identitehta sihkkarastin dáhpáhuvvá neahttabáŋkodovddaldagaid dahje mobiilasihkkarastima bokte.

• Deavdde elektrovnnalaš skovi, man gávnnat dás vuolde.
• Vuolláičále skovi nana elektrovnnalaš identitehta sihkkarastima bokte.
• Skovi doaimmaheami maŋŋá oaččut dieđu iežat šleađgapostii das, ahte skovvi lea vuostáiváldon.
• Jus bohtet čuolmmat váldde oktavuođa Sámedikki válgadoaimmahahkii: tel. 010 839 3155, šleađgapoasta: vaalit(at)samediggi.fi, suddjejuvvon šleađgapoastta sáhttá sáddet liŋkka: https://secmail.com/send/m7jcWH7Bbokte, vuostáiváldi vaalit(at)samediggi.fi