Sámediggeválggat 2019

Sámiid parlameanta dahjege Sámediggi lea Suoma sámiid alimus politihkalaš orgána, mii ovddasta sámiid sisriikkalaš ja riikkaidgaskasaš oktavuođain.

Sámedikki 21 lahtu ja njeallje várrelahtu válljejuvvojit juohke njealját jagi doaimmahuvvon válggain. Sámiid ruovttuguovllu juohke gielddas válljejuvvojit uhcimustá golbma ovddasteaddji.

Válggain jietnavuoigadahtton leat sápmelaččat, geat leat merkejuvvon sámedikki válgalogahallamii. Jietnavuoigadahtton sápmelaččat leat maiddái válgagelbbolaččat ja sáhttet álgit válggain evttohassan.

Áigetávvalat
31.12.2018 ovdal dmu 16Válgalogahallamii ohcan nohká
28.2.2019 Válgalávdegoddi nanne válgalogahallama
4.3.2019 Almmuhankoarttat postejuvvojit jietnavuoigadahtton olbmuide
18.-29.3.2019 Válgalogahallan ásahuvvo oaidnin láhkai
12.4.2019 ovdal dmu 16 Njulgengáibádus válgalávdegoddái válgalogahallamis
2.8.2019 ovdal dmu 16 Evttohasa ásaheapmi nohká
2.9.-30.9.2019 Válggaid doaimmaheapmi
2.10.2019 Válgalávdegoddi nanne válggaid bohtosa

Válggaid doaimmaheapmi

Sámedikki válggat doaimmahuvvojit 2.9.-30.9.2019. Jietnavuoigadahtton sáhttá jienastit juoga poastta bokte dahje máhcahemiin válgaáššegirjjiid válgalávdegottit doaimmahahkii 16.-27.9.2019. Dasa lassin olbmot, geat leat divššus lágádusas dahje ruovttus sápmelaččaid ruovttuguovllus ja eai muđuid sáhtášii jienastit almmá badjelmeare váttisvuođaid, ožžot jienastit dikšunbáikkistis.

Válggaid jienaidrehkenastin

Válgalávdegoddi álggaha jienaidrehkenastima válgadoaimmahusa maŋŋá vuossárgga 30.9.2019 dmu. 18 Sajosis Anáris. Jienaidrehkenastima álggaheami maŋŋá boahtán sáttakonfeluhtat guđđojuvvojit rabakeahttá válddekeahttá vuhtii. Doaimmahusas dollojuvvo beavdegirji.

Válljensearvvi áššeolbmos dahje várreáššeolbmos lea vuoigatvuohta leat báikki alde jienaidrehkenastimis.

Válgaáššegirjjiid seailluheapmi

Sámedikki válggaid válgaáššegirjjit ja eará válggain geavahuvvon materiála fertejit seailluhuvvot nu, ahte diehtosuodji lea sihkkarastojuvvon. Áššegirjjiid seailluheamis bissovaččat ásahuvvo arkiivalága (831/1994) 8 §:s. Eará áššegirjjit seailluhuvvojit dassážii, go čuovvovaš válggat leat doaimmahuvvon, lohpeohcamušat ja daidda ožžojuvvon vástádusat sihke mearrádusgirjjit goittotge válgalávdegotti mearridan mearreáiggi.

Válggaid bohtosa mearrašuvvan

Sámedikki áirrasin bohtet válljejuvvot 21 eanemus jienaid ožžon evttohasa, gáibádusain, ahte sin joavkkus leat uhcimustá golbma evttohasa sápmelaččaid ruovttuguovllu guđege gielddas. Juos mas nu dáin gielddain eai leat dán joavkkus golbma evttohusa, bohtet válljejuvvot dan gieldda golbma eanemus jienaid ožžon evttohasa.

Áigeguovdilis

Sámediggeválggaid nannekeahtes boađus

Sámedikki válgalávdegoddi lea čoahkkimis 1.10.2019 olggosaddán…

Sámedikki válggaid jienaidrehkenastin lea álgán – Vuosttaš eahpevirggálaš bohtosat bohtet iđđes dmu 10

Sámedikki válggaid jienaidrehkenastin lea álgán odne 30.9.2019…

AHR feaillalaš mearrádusain fas ođđa guoddaleapmi

Sámedikki válgalávdegoddi šattai guoddalit vel oasis alimus…

Girjejuvvon válgaáššegirjjit leat fas viežžanláhkái Ohcejogas

Girjejuvvon válgaáššegirjjit leat fas viežžanláhkái gaskavahkus…

Válgalávdegoddi dieđiha

Poasta seailluha girjejuvvon válgaáššereivviid Davvi-Suoma…

Jienastanrávvagat Sámedikki válggain

Oahpásmuva fuolalaččat jienastanrávvagii!   …

Sámedikki válggain 2.9.-30.9.2019 jienasteapmi

Válgaáššebáhpárat leat postejuvvon girjejuvvon reiven juohke…