Sämmiliih láá Euroop Union kuávlu áinoo algâaalmug. Sämmilij algâaalmug-sajattâh lii nanodum Suomâ vuáđulaavâst. Suullân 6 prooseent ubâ maailm aalmugist ađai 476 miljovn olmožid kuleh algâaalmugáid. Algâaalmugeh eleh 90 eres staatâ kuávlust.
Čääiti puohSämitige 21 jesânid já nelji värijeessân väljejuvvojeh sämmilij kooskâst jyehi niäljád ive olášuvvee vaaljâin. Sämitige čuákkim oovdâst Sämitige alemus meridemvääldi.
Čääiti puohSämitiggeest mij porgâp oles sämiaalmug pyerrin, vâi sämikielâin já -kulttuurist ličij eellimsaje meid puátteevuođâst.
Čääiti puohSämitigge muštâl toimâinis median já eres perusteijeid eereeb iärrás tiäđáttâsâin. Tiiláá Sämitige tiäđáttâsâid jieijâd šleđgâpoostân.
Čääiti puoh
Alemus haldâttâhriehti (AHR) lii meridâm, ete Sämitige vaaljâin, moh uárnejuvvojeh uđđâsist, kiävttoo ive 2023 sämitiggevaaljâi valjâluvâttâllâm, moos lasettuvvojeh AHR meridem 65 olmožid. Tastko uđđâsist ornimnáál vaaljâin kiävttoo siämmáš valjâluvâttâllâm ko ive 2023, te uđđâ ucâmušah iä kieđâvuššuu tai vaaljâi ohtâvuođâst. 31.12.2022 maŋa puáttám ucâmušah kieđâvuššojeh, ko ráhtoo čuávuvái vaaljâi valjâluvâttâllâm.
