Sääʹmteeʹǧǧ vaal tooiʹmtet 4.9.-2.10.2023. Jiõnnvuõiggâdvuõttneǩ vuäitt jiõnsted juʹn-a pååʹšt mieʹldd leʹbe maaccteeʹl vaaläʹššǩiiʹrjid vaal-luʹvddkååʹdd konttra leʹbe sääʹmvuuʹdest jooʹtti vaalauʹtte 18.-29.9.2023 kõskksaž ääiʹj.

Lââʹssen säʹmmlai dommvuuʹdest stroiʹttlest da pääiʹǩstes håiddamnalla åårrai oummu, kookk jie muđoi vuäitči jiõnsted toolkteʹmes vaiggâdvuõđitaa, vuäǯǯa jiõnsted håiddpääiʹǩstes.

Vaal-luʹvddkåʹdd âânn huõl tõʹst, što vaaläʹššǩiiʹrjid seeiltet vaalkäittmõõžž staaneeʹl. Vaal-luʹvddkååʹdd tuâjjla vuâsttaväʹldde vaaläʹššǩiiʹrjid. Maacctemkuõrid seeiltet ääʹveeǩâni jiõnnlaʹsǩǩummuž altteem räjja.

Vaaltooimtõõzz alttummuš da vaaläʹššǩeeʹrj

Vaaläʹššǩeeʹrj lie pååštʼtum ǩeeʹrjuum vuõlttõsân juõʹǩǩ jiõnnvuõiggâdvuõttnekka vuõssaarǥ 4.9.2023. Ǩeeʹrjuum ǩeʹrjj lij ärvvpååʹšt da jiõnsteei âlgg viǯǯâd tõn jiiʹjjes pååʹšt-toiʹmmpääiʹǩest mâŋŋa tõʹst ko lij vuäǯǯam iʹlmmtõõzz pååʹštest. Vaaläʹššǩeeʹrj lie vaal-luʹvddkååʹdd leeiʹmin vaʹrrjum jiõnstemlipp, vaalkuõrr, sättǩeʹrjj, sättkuõrr, võboršeǩloǥstõk da jiõnstemvuäʹppõs.

Jiõnstummuš pååʹšt mieʹldd

Jiõnnvuõiggâdvuõttneǩ vuäitt ââʹnned jiõnnvuõiggâdvuõđâs mâŋŋa ko lij vuäǯǯam vaaläʹššǩiiʹrjid. Jiõnstummuš lij tuejjuum, ko jiõnnvuõiggâdvuõttneǩ lij kuâđđam jiõnstemliipp seʹst õõʹnni kattum vaalkuõr da vuâllaǩeeʹrjteʹmes sättǩeeʹrj kattum sättkuõr sizz pååʹšt jååʹđtemnalla ǩeeʹrjuum vuõlttõsân nuʹtt, što vaaläʹššǩeeʹrj lie kuåsttuum Sääʹmteeʹǧǧ vaal-luʹvddkådda mââimõõzzâst 2.10.2023 čiâss 18.00.

• Ǩiõčč vuäppõõzz!

Jiõnstummuš maaccteeʹl vaaläʹššǩiiʹrjid vaal-luʹvddkååʹdd konttra leʹbe sääʹmvuuʹdest jooʹtti vaalauʹtte

Jiõnnvuõiggâdvuõttneǩ vuäitt maaccted vaaläʹššǩiiʹrjid še jiõčč vaal-luʹvddkååʹdd konttra leʹbe sääʹmvuuʹdest jooʹtti vaalauʹtte 18.-29.9.2023 kõskksaž ääiʹj. Jiõnstummuš lij tuejjuum, ko jiõnnvuõiggâdvuõttneǩ lij vuäǯǯam kuuit vaaläʹššǩiiʹrji kuâđđmõõžžâst.

• Vaalaaut äiʹǧǧtaaul da årstempaaiʹǩid kaaunak tääiʹben!

Jiõnstummuš håiddstroiʹttlest da dååma

Säʹmmlai dommvuuʹdest åårrai stroiʹttlest  håiddamnalla åårrai oummu di tõk dommvuuʹdest pääiʹǩstes håiddamnalla åårrai oummu, kookk jie muđoi vuäitči jiõnsted toolkteʹmes vaiggâdvuõđitaa, vuäǯǯa jiõnsted håiddpääiʹǩstes.

Håiddpääiʹǩest jiõnstem vääras vaal-luʹvddkåʹdd mieʹrrad kõõččmõõžžâst åårrai kååʹdd vaal-luʹvddkååʹdd eeʹttkõʹstti vuäzzla da väärrneeʹǩǩ vaaltoiʹmmneʹǩǩen da suu väärrneʹǩǩen.

Håiddpääiʹǩest jiõnsteeʹn jiõnstummšest âlgg jiõnsteei da vaaltoiʹmmneeʹǩǩ lââʹssen leeʹd mieʹldd jiõnsteei vaʹlljeem leʹbe priimmâm sääʹmteeʹǧǧ vaal-loǥstõʹǩǩe jiõnnvuõiggâdvuõttneʹǩǩen mieʹrǩǩuum ooumaž.

Ääʹšš diõtt âlgg väʹldded õhttvuõđ vaal-luʹvddkååʹdd konttra juʹn-a teʹlfoon leʹbe neʹttpååʹšt mieʹldd.

Sääʹmteeʹǧǧ vaal-luʹvddkåʹdd

040 530 9 513 / 010 839 3 155
040 193 1653 / 010 839 3 174
040 487 2164 / 010 839 3 177
040 557 2717 / 010 839 3 153

vaalit(at)samediggi.fi

Vaal-luʹvddkådda vuäitt vuõltteed suõjjuum neʹttpååʹšt addrõõzzâst: https://secmail.com/send/vMJaNprX.

Jiõnstummuš suudišttâm tuʹmmstõõǥǥ vuâđald

Ooumže, kååʹtt õuʹddel jiõnnlaʹsǩǩeem alttummuž čuäʹjat vaal-luʹvddkådda ââʹlmõs vaaldâšmvuõiggâz tuʹmmstõõǥǥ jiõnnvuõiggâdvuõđstes, vaʹrrjet vuäittmõõžž vuäǯǯad vaaläʹššǩiiʹrjid da jiõnsted. Vaal-luʹvddkåʹdd alttad jiõnnlaʹsǩǩummuš vuõssaarǥ 2.10.2023 čiâss 18 Sajoozzâst Aanrest.

Ooumaž lij õõlǥtum luõvted vaal-luʹvddkådda leʹbe vaʹstteei nalla vaaltoiʹmmkådda tuʹmmstõõǥǥ leʹbe tõn vuõiggân tuõđštum kopio vaal-loǥstõʹǩǩe ääʹššest tuejjeemnalla åårrai mieʹrǩǩummuž vääras.

Vääʹld õhttvuõđ vaal-luʹvddkååʹdd konttra!

Sääʹmteeʹǧǧ vaal-luʹvddkåʹdd
sääʹmkulttuurkõõskõs Sajos
Menesjärventie 2A
99870 Aanar

040 530 9 513 / 010 839 3 155
040 193 1653 / 010 839 3 174
040 487 2164 / 010 839 3 177
040 557 2717 / 010 839 3 153

vaalit(at)samediggi.fi

Vaal-luʹvddkådda vuäitt vuõltteed suõjjuum neʹttpååʹšt addrõõzzâst: https://secmail.com/send/vMJaNprX.

Teâttkäivv: Lääʹǩǩ sääʹmteeʹǧǧest 17.7.1995/974