Sääʹmteeʹǧǧ vaal-luʹvddkåʹdd lij raavääm ooccâmlomaakkid eeʹjj 2023 sääʹmteʹǧǧvaali vaal-loǥstõʹǩǩe ooʒʒõõttmõõžž vääras. Ooccâmlomaakk vuäitt tiuddeed vuõssmõs vuâra še liâđǥlânji.

Liâđǥlaž ooccâmlomaakkin ââʹnnep raavâs liâdǥlaž tobddõõttmõõžž. Raavâs liâdǥlaž tobddõõttmõš âlgg tuejjeed baŋkktiõtti leʹbe mobiilstaanõõǥǥ veäkka.

• Tiuddâd vueʹlnn åårrai liâđǥlaž lomaakk.
• Vuâllaǩeeʹrjet lomaakk raavâs liâdǥlaž tobddõõttmõõžž veäkka.
• Lomaakk tooiʹmtem mâŋŋa vuäǯǯak kuiʹttjummuž neʹttpååšta tõʹst, što lomakk lij vuâsttavalddum.
• Vaiggâdvuõttvueʹjjin leäkku õhttvuõđâst Sääʹmteeʹǧǧ vaalkonttra: teʹl. 010 839 3155, neʹttpååʹšt: vaalit(at)samediggi.fi, suõjjuum neʹttpååʹšt vuäitt vuõltteed liiŋk: https://secmail.com/send/m7jcWH7B pääiʹǩ, vuâsttavaʹlddi: vaalit(at)samediggi.fi