Govven
Bálgát medialohkanmáhttui ja Bálgát programmerenmáhttui -rávagirjjážiiguin sáhttá ovddidit mánáid ja nuoraid medialohkanmáhtuid árrabajásgeassimis ja ovdaoahpahusas, jahkeluohkáin 1-6 ja jahkeluohkáin 7-9 árrabajásgeassinplána ja ovda- ja vuođđooahpahusa oahppoplánaid vuođuštusaid mielde. Rávagirjjážiin leat buvttaduvvon nuortalaš-, anáraš- ja davvisámegielat čoahkkáigeasut, mat gávdnojit Tehtävät-oasis.
Oahpaheddjiide oaivvilduvvon ofelaččat sisttisdollet Uudet lukutaidot -ovddidanprográmmas almmuhuvvon medialohkanmáhtu govvádusaid ja ahkejoavkkuide heivvolaš geavatlaš ovdamearkkaid. Medialohkanmáhtu rávagirjjážiin ovdamearkkat dorjot nu media dulkoma ja árvvoštallama go media buvttadeami máhtu sihke máhtu doaibmat mediabirrasiin. Programmerenmáhtu rávagirjjážiin ovdamearkkat ovdánahttet programmerenaláš jurddašeami, dutkan ja hutkáivuođa máhtu sihke programmerejuvvon birrasiid ipmirdeami ja gearggusvuođa doaibmat dain.
Uudet lukutaidot -ovddidanprográmma lea oassi oahpahus- ja kulturministeriija viidásut Oikeus oppia -ovddidanprográmma (2020-2023) ja dan ulbmilin lea ovddidit mánáid ja nuoraid medialohkanmáhtu, programmerenmáhtu sihke digitála máhtu ja diehto- ja gulahallanteknologalaš máhtu. Ovddidanprográmmas Našuvnnalaš audiovisuála instituhtta (Kansallinen audiovisuaalinen instituutti) vástida medialohkanmáhtu ja programmerenmáhtu oasseollisvuođain ja Oahpahusráđđehus digitála máhtu sihke diehto- ja gulahallanteknologalaš máhtu oasseollisvuođas.
Liŋka mediataitokoulu.fi -siidui:
Polkuja medialukutaitoon ja Polkuja ohjelmointiosaamiseen -oppaat – Saamen kielet
