Mannu meäʹcc

Ooudaskovvõs

Robert Crottet (1908-1987) jeäʹnn leäi kaʹrštar da eʹčč sveicclaž. Crottet leäi iiʹjjin 1938-39 mäŋgg määnpââʹjjed Suõʹnnʼjelsiidâst saaʹmi åʹrnn. Son silttii ruõššǩiõl da vueiʹti nääiʹt main­sted puârast Kaisja Gauriloovin, koon mainnsin Mannu meäʹcc ǩeʹrjj šõõddi.

Vueʹrbes Crottet da Kaisja kõʹsǩǩe šõõddi šiõǥǥ õhttsažtuâjj. Ǩeeʹrjteei kuʹvddli karndaš ǩiõđâst mäʹhtt ”viõusas, mooččas sääʹn, jõnn mieʹccest šõddâm, puõʹtte åålǥas Kaisja njääʹlmest.” Crottet nõõmti jiijjâs vääʹnn ǩeerʹrjteejen, kååʹtt måttmešt lââzzti da måttmešt kuõʹđi meädda mõõn-ne Kaisja mainnsin.

Kaart Erkki Tanttu, Säämas jåårǥlâttam Vassi Semenoja da Iʹllep Paavvâl Vaaʹssež.

1. teädldõk. ISBN 978-952-441-130-1.

• Õlmstâʹttemeeʹǩǩ 2006
• Robert Crottet