Ouddâz pirr
Laaʹrkaž vuäʹppsen – sääʹmmaainâs
Ǩeeʹrjtam Satu Moshnikoff, kaart Tanja Sanila
Saaʹmi mainnsin mainstet nåkam oummust, koonn nõmm leäi Laaʹrkaž. Čuuʹđ väʹldde suu vuäʹppsen, ko sij joʹtte sääʹmsiidin. Laaʹrkaž kuuitâǥ tuejjii nuʹtt, što ij ni mii ǩeähn šõddâm saaʹmid, son pâi čuuʹđid hiâvti. Väʹsǩǩ Moshnikoff (š. 1909) lij täʹst mainstam, što mäʹhtt Laaʹrkaž õʹhttešt tuejjii.
Sääʹmteʹǧǧ 2001
