Ouddâz pirr
Kåʹllpäʹdd – Siperia mainnâz (“Šamaanisiskot”)
Vaʹlljääm, tooimtam da lääʹddǩiõʹlle jåårǥlâttam Kirsti Siraste, karttääm Hannu Lukkarinen, nuõrttsääʹmǩiõʹlle jåårǥlâttam Kati-Claudia Fofonoff.
Tundra, taiga, kåʹšǩǩjõõlgâs da jõnn jooǥǥ liâ mainnsi kueʹstelm tän Siperia meerai kõõskâst norrum norldõõǥǥâst. Mainnsin kollʼje luâtt, jieʹlli, šamaan, luâttviõǥǥ, oummi jieʹllem, åsklvažvuõtt da rääʹǩǩesvuõtt – nuʹtt mäʹhtt meermainnsin pukveeʹzz. Tät alggviõgglaž da luâttââldâs norldõk mušttal moččânji jeeʹres meerai äʹrbbvuõʹjji da åskkmõõžži pirr, ǥu juõʹǩǩʼkaž meer maainast mainnseez jiiʹjjes oʹdinaknallšem naaʹlin.
