Ouddâz pirr
Ima da Tiina päärna – Päärnailaulli
Maaiʹlm vuõssmõs nuõrttsääʹmǩiõllsaž päärnai cd-ceärnnaz čõõđteš Aanrest 26.1.2017. Ima leʹbe Inger-Mari Aikio päärnai cd-ceärnnaz “Ima mánážat” laull’jid lij jåårǥlâttam sääʹmǩiõʹlle Tiina Sanila-Aikio. Alggveärlaž sääntõõžžid lij ǩeeʹrjtam tâʹvvsääʹmǩiõʹlle Inger-Mari Aikio, laull’jid lij suõmmääm da puuʹt’tam Miro Mantere. Cd-ceärnnsest lie 12 laulli.
Ima da Tiina päärna- cd-ceärnnsest läulla Elli-Dåʹmnn Aikio, Pirita Lotvonen, Hannele Fofonoff, Anna Lumikivi, Pieti Niemenmaa, Tiina Sanila-Aikio, Heidi Gauriloff, Pauliina Feodoroff, Lilja Ljetoff, Jasmin Semenoff da Tauno Ljetoff.
Cd-ceärnnaz vuäitak kõõččled: https://duodjishop.fi/yhteystiedot/
