Govven
Kerttu Vuolab: Golbma skihpáračča – Kulma skipárâš – Kolmm na´zvaanaž
Mánáide
Dát girji lea mu oappá, mu vilbeali ja mu birra, dallego mii leimmet mánát. Vervva, Várvva ja Geargámus namaid mii leat hutkan mánnán duhkorattadettiin. Min áddjá lávii muitalit midjiide máidnasiid, muhto son lávii dáhttut dan ovddas min čagaldahttit julggiidis.
Áddjá lávii muitalit čalmmit gitta ja mis gii nu čagaldahtii su juolgevuođuid. Go áddjá muitalii, máidnasat orro mu mielas dego luođit dahje lávlagat. Mu oabbá ii goassige oaidnán earágo mánnávuođa ja dát girji maiddái muitala máná morrašis. Morraša maŋŋá gávdno fas ođđa lihkku, dego beaivvadat arvvi maŋŋá. Ja arvečalmmit čuvget beaivebáitagis.
