Govven
Elen Anne Sara
Čáppagirjjálašvuođa teavsttat
lea logahaga eatnigiela goalmmát gurssa fáddán. Lyrihkka lea Sámi nannoseamos ja beakkáneamos girjjálašvuođa šládja, muhto dan lassin sápmelaččat leat dađisdaga buvttadišgoahtán máŋggalágan čáppagirjjálaš teavsttaid, omd. teáhterbihtáid ja rap-lyrihka.
Dán girjji ulbmilin lea oahpásmuhttit oahppiid čáppagirjjálašvuođa teavsttaid dulkomii ja movttiidahttit sin čálligoahtit čáppagirjjálaš teavsttaid. Ulbmilin lea maiddái, ahte oahppi ipmárdus sátnedáidagis, giela doaimmas ja dan kultuvrralaš mearkkašumis lassána.
