Kuvvim
Ella Sarre
Anarâš pivtâstem
Kirje čällee, Anttii Mat Saammâl Ella, oopâi tuoijum enistis säämi ärbivuáválâš oppâmvyevi mield. Sun lii tuoijum puohlágánijd sämituojijd já toimâm távjá meiddei tyejikuursâi máttáátteijen.
Taan kiirján Ella lii čokkim eellimäigistis čoggâšum ja haahâm tyejimaalijd, tááiđuid ja pargovuovijd anarâškielân. Suu eenist puoh maalih ja mitoh lijjii jieijâs uáivist, ige sun kiävttám pááppár maalij sárgumân. Tääl puáris maalih, pargovyevih ja tyejikielâ laa rahtum kirjálâš háámán.
Anarâš pivtâstem almostui ive 2012. Ive 2021 kirje uđâsmittui kielâs tááhust já siämmást toos lasettui vyesinähkikappeer ucceeb myenstereh. Kirje lii lamaš almostuumis rääjist uáli jo anolâš já tergâdis uási anarâšâi tyeji. Maaŋgah kuárrooh láá finnim ravvuid já iše kirjeest.
