Nigá noveallačoakkáldat 1

Jávrri-Juhán Niillas (Niilo Aikio), 2023
23,00 
álv. 0%

Vuorkkas (194 st)

Buvttagovvádus

Nigá-nammasaš sámegándda mánná- ja nuorravuođa dáhpáhusat sajáiduvvet 1940–50-loguide. Girjji 25 novealla vuođđun leat sámebearraša duohta eallindáhpáhusat. Bearaš háhká birgenlágiset meahcce- ja guollebivddus smávva duottargilážis.

Sápmelaš girječálli Niilo Aikio lea ieš eallán Nigá láhkai mánná- ja nuorravuođas Buolbmátjávrre meahccegilážis duon seamma áigodagas, ja sus leage duohta vásáhus girjji eallimis. Girječállin son nagoda ealáskahttit dološ báikkiid ja eallindiliid. Meahcce- ja guollebivddu ja vel šibitdoalu birra Aikio máhttá muitalit iežas vásáhusaid vuođul dárkilit ja áššedovdi láhkai.

Govvadáiddár Marketta Nilsen lea sárgon juohke novealla dáhpáhussii gova iežas dáiddalaš dulkoma bokte. Ulbmilin lea veahkehit nuorra lohkki vuodjut Nigá máilbmái ja fuobmát, man gelddolaš ja somás áššiid nuorat máhttet hutkat maiddái boaittobealbáikkiin. Go olmmoš lea hutkái ja diehtoáŋgir, son ii astta dolkat. Girjji logadettiin lohkki beassá Nigá fárus dakkár áigái ja máilbmái, man son dálá Sámis ii muđuid fáhte.

Girječálli lea ieš čállán girjji sihke suomagillii ja davvisámegillii.

2. prentehus. ISBN 978-952-441-490-6.

GirjjálašvuohtaDeaddiluvvon buktagatDavvisámegiellaVuolleskuvlaBadjeskuvlaSámi čáppagirjjálašvuohta
  • Almmustahttinjahki 2023
  • Jávrri-Juhán Niillas (Niilo Aikio)

Seamma kategoriija buktagat

Oahpásmuva maiddái dáidda