Nigá nooveelčuágáldâh 1

Jávrri-Juhán Niillas (Niilo Aikio), 2023
23,00 
alv. 0%

Vuárhást (158 stk)

Pyevtittâskuvvim

Nigá-nommâsii säämikaandâ pärni- já nuorâvuođâ tábáhtumeh láá 1940-50 -lovvoin. Kirje 25 nooveel vuáđđun láá tuotâ tábáhtusah säämiperruu elimist. Peerâ finnee áigápuáđus miäccástmist já kuáláástmist tuárispele siijdâst. Perrui kuleh Jovnâ-eeči, Elli-enni já stulláás Nigá, kote lii puoh pargoin fáárust, veikkâ tom iä aainâs tuáivuččiigin. Návt puátteš meccialmai finnee elimis várás tiäđuid já tááiđuid, maid sun Säämi meccikuávluin puátteevuođâst taarbâš.

Sämmilâš čällee Niilo Aikio lii jieš iällám kirje kuávdáš-ulmuu Nigá náál párnážin já nuorrân Puálmágjäävri meccisiijdâst tuon siämmáá ääigi já sun tobdá čoođâ kirjees eellimpirrâs. Kirječällee lii-uv áppádâm kuvviđ eleččis vuáhán tovláid paaihijd já eellimvuovijd. Sun ko lii jieš porgâm kuálástem, miäcástem já šieveettuálu pargoid, te máttá čielgiđ taid tárkká já äššitubdâmuššáin.

Taaiđâčeppi Marketta Nilsen lii ráhtám jyehi novellân kove, mii kovvee nooveel tábáhtusâid kovetáiđár uáinu mield. Ulmen lii išediđ nuorâ lohhee puohčâliđ Nigá maailmân já huámášiđ, et mon keldees já hitruus fiäránijd nuorah finnejeh ááigán meiddei čuákkipaihij ulguubeln. Ko lii tuágádeijee já sahhii, te äigi ij kuássin šoodâ kukken. Kirje luvâdjin olmooš lävkkee mailmân, mast puáhtá Nigá fáárust jotteeđ taggaar ááigán já mailmân, mii ij lah innig tááláá Säämist kavnâmist.

Anarâškielân jurgâlâm Matti Morottaja.

2. teddilâs. ISBN 978-952-441-488-3.

KirjálâšvuotâTeddilum pyevtittâsahAnarâškielâliihVyeliškovlâPaješkovlâSämmilâš čaabâkirjálâšvuotâ
  • Almostittemihe 2023
  • Jávrri-Juhán Niillas (Niilo Aikio)

Siämmáá kategoria pyevtittâsah

Uápásmuu meid taid