Sääʹmnuõri čeäʹppvuõttpeiʹvv da Nuori Kulttuur On Air Inari ǩeâđđa 2024

Sääʹmteʹǧǧ reäšš eeʹjj 2024 sääʹmnuõri čeäʹppvuõttpeeiʹv Aanrest, Sääʹmkulttuurkõõskõs Sajoozzâst. 24.-25.4.2024. Sääʹmnuõri čeäʹppvuõttpeeiʹvest vaʹlljeet eeʹttkõʹstti väʹlddkååddlaž Nuõrr Kulttuur-šõddmõʹšše, kååʹtt riâžžât pieʹǩǩšõddmõššân kuuđ jeeʹres päiʹǩǩ-kååʹddest sueʹvet 11.5.2024. Tââʹvmõs pieʹǩǩšõddmõš Nuori Kulttuuri On Air Inari riâžžât sääʹmkulttuurkõõskõs Sajoozzâst.

Sääʹmnuõri čeäʹppvuõttpeeiʹvest liâ väʹlddkååddlaž šõddmõõžž mieʹldeeʹl nellj teeʹm: čuäʹjteeʹjen čeäppõs-šlaajjân liâ taʹnss di sääʹm äʹrbbvuõđlaž vokaalmusikkšlaaj leuʹdd, livđe da luohti. Lââʹssen teeʹmmen liâ vuäʹniǩvideo säʹmmlaž sääʹm kulttuuräʹrbbvuõđâst di karttčeäppõs teeʹmmen kulttuurpirrõs. Juâkksast teeʹmest liâ kolmm ââʹǩǩrääid: 6-8-âkksa, 9-12-âkksa di 13-20-âkksa. Čeäʹppvuõttpeiʹvv lij ääv teeʹmid vuässõõđjid vuâđđškooul da nuuʹbb tääʹzz sääʹm-mättʼtõõzzâst åårrai päärnaid da nuõrid.

Sääʹmnuõri čeäʹppvuõttpeeiʹv 2024 vuâkkõõzz:

1. Sääʹmnuõri čeäʹppvuõttpeivva vueiʹtte vuässõõttâd vuâđđškooul da nuuʹbb tääʹzz sääʹm-mättʼtõõzzâst åårrai 6-20-âkksa päärna da nuõr.

2. Čeäʹppvuõttpeeiʹv ǩiõllân liâ nuõrtt-, aanar-, da tâʹvvsääʹmm.

3. Čeäʹppvuõttpeeiʹvest liâ nellj teeʹm (pääiʹǩ 4-7).

4. Vuäʹniǩvideo

• Vuäʹniǩvideo teeʹmmen lij sääʹm äʹrbbvuõđlaž teâtt (árbevierru, árbediehtu).
• Vuäppõs: Leäk-a mättjam sääʹm äʹrbbvuõđlaž tuâjaid leʹbe tääidaid? Määŋg tuâjjnääʹl jieʹllemvuõʹjjin, duodjist, päiʹǩǩnõõmin, juõiggummšest, åskkmõõžžin da luâđast liikkummšest seʹst âʹnne säʹmmlai äʹrbbvuõđlažteâđaid. Čuäjtõõl video pääiʹǩ säʹmmlai äʹrbbvuõđlaž teâđaid da jiijjâs vuässõõttmõõžžad äʹrbbvuõđlaž mättjeeʹjen leʹbe siʹrddjen.
• Videoin âlgg čuäjtõõllâd sääʹm äʹrbbvuõđlaž tiõttu da tääidaid õhttneei siiskõõzzid. Tõt vuäitt leeʹd rajjuum õʹhtte temma leʹbe vaiddsab mainstummša ääʹššest.
• Videoin vueiʹtte leeʹd jeeʹres oummu, ǥu vuässõõtti jiõčč.
• Video kovveet teʹlfoonin leʹbe tableeʹttin. Video vuäitt leeʹd ceäggad leʹbe läskkad.
• Video kookkadvuõtt vuäitt leeʹd kuuʹǩǩmõsân 3 minuutt.

5. Karttčeäppõs

• Karttčeäppõõzz teeʹmmen lij sääʹm-maall mieʹldd rajjum kulttuurkueʹstelm da kulttuurpirrõs.
• Vuäppõs: Jälstak-a kueʹllčaaʹʒʒi paaldâst avi tuõddâr- vuuʹdest? Teâđak-a koʹst päiʹǩǩ lij vuäǯǯam nõõmâs? Måkam lij sääʹmnallšem kueʹstelm? Mâid säʹmmliʹžže ekksažjårrõʹsse õhttneei tuâjaid tiõttum paaiʹǩin tueʹjjeet?
• Kartt tueʹjjeet karttčeäppõõzz kuånstin. Kaart raajjmõš vuäitt leeʹd kälkkõs (akryyl, oljj leʹbe akvareʹll), pirstõs (euʹnnleeik, polstkarndaš leʹbe ill) leʹbe sieʹǩǩteknikk (jeeʹres tekniikkai õhttummuš)
• Tuõjju jeäʹt ââʹn teâttmašina prograammid.
• Tuâj šorradvuõtt: A 3.

6. Leuʹdd, livđe, luõđ

• Luõđ, livđe leʹbe leuʹdd čuäʹjtet õhttu leʹbe jooukâst.
• Čuäjtõs vuäitt nårrjed õõut leʹbe määŋgast juõiǥâst, livđest da/leʹbe leeuʹdest.
• Čuäjtõõzzâst vuäitt haaʹleen ââʹnned suõm siõrrmõõžž. Tuâǥǥažliânt âânnmõš ij leäkku seännum.
• Čuäjtõõzz pešttmõš vuäitt leeʹd jäänmõsân 5 minuutt.

7. Taʹnss

• Taʹnss-šlaajj lij jiijjad vaʹlljemnalla da tõt vuäitt leeʹd soolo- leʹbe joukkčuäjtõs. Taaʹns teeʹmm lij jiijjad vaʹlljemnalla.
• Taʹnss čuäʹjtet tuâǥǥažliântin. Ââʹnnemnallšem tuâǥǥažliântt vuäitt leeʹd sääʹm-musikk leʹbe jiõnnmaaiʹlm. Tuâǥǥažliânttân ââʹnnemnalla åårrai jiõntõs vuäitt leeʹd jiõčč rajjum leʹbe ǩeän-ne nuuʹbb tuejjõs.
• Čuäjtõõzzâst ââʹnnemnallšem tuâǥǥažliânt tååimtet šõddmõõžž jäʹrjsteeja ooudbeäʹlnn.
• Čuäjtõõzz pešttmõš vuäitt leeʹd jäänmõsân 5 minuutt.

8. Pukin šlaajin liâ koumm ââʹǩǩrääid:

• 6–8-âkksa
• 9–12-âkksa
• 13–20-âkksa

9. Vuâlla 13-âkksa vueiʹtte vuässõõttâd tiuddâkksa vuäʹpstõõzzâst.

Nuori Kulttuuri On Air

Lââʹssteâđ:

Bigga-Helena Magga, škooultõspiisar
bigga–helena.magga[at]samediggi.fi
010 839 3121