Mättmateriaal

Sääʹmteʹǧǧ oouʹdad sääʹmǩiõli, sääʹmǩiõllsaž di sääʹmkulttuur mättʼtõõzz. 

Sääʹmteeʹǧǧ škooultõs- da mättmateriaal-luʹvddkåʹdd di škooultõs- da mättmateriaalkoontâr tuåimma õhttsažtuâjast säʹmmlai dommvuuʹd kooʹddivuiʹm, jeeʹres škooultõõzz riâššjivuiʹm, tâʹvvjânnmallaš vaʹstteei orgaanivuiʹm da riikk mättʼtõsvaldšmin. Sääʹmteʹǧǧ eeʹttkâstt säʹmmlai jiõn škooultõspolitiikkâst. Sääʹmǩiõli da sääʹmkulttuur sââʹjj mättʼtõõzzâst lij õhtt vääžnʼjummuz säʹmmlai puõʹttivuõđ kõõččmõõžžin.

Sääʹm-mättʼtõs da mättmateriaaltuâjj 

Sääʹmǩiõll lij kuullâm škooul mättʼtõsprograʹmme vuâđđškooul vuõssmõs eeʹǩǩlååi rääʹjest. Sääʹmǩiõllsaž mättʼtõs jåʹttji Uccjooǥǥâst da Aanrest 1970-lååǥǥ peäʹlrääʹjest. Puk säʹmmlai dommvuuʹd vuâđđškooul da lookkjiškooul ouʹdde ânnʼjõžääiʹj sääʹmǩiõl mättʼtõõzz da puk vuuʹd kååʹdd sääʹmǩiõllsaž vuâđđmättʼtõõzz še.

Sääʹmǩiõllsaž mättmateriaal 

Sääʹmteʹǧǧ puuʹtat da teäggat sääʹmǩiõllsaž mättmateriaal vuõss- da vuâđđmättʼtõõzz, lookkjiškoouli, ämmtallaš da vuõrâsoummiškooultõõzz taarbid. Tääiʹben piâzzak ǩiõččâd da tiʹllʼjed sääʹmǩiõllsaž mättmateriaal.

Škooultõs- da mättmateriaalkoontâr 

Škooultõs- da mättmateriaalkoontâr vaʹsttad sääʹmǩiõllsaž mättmateriaal plaanummšest, valmštõõllmest da jueʹǩǩmest, sääʹmnuõri čeäʹppvuõđpeeiʹv riâššmõõžžin, õlmstâtt sääʹm-mättʼtõõzz statistiikkid da âânn õhttvuõđ sääʹm-mättʼtõõzz riâšši kooʹddid da škooulid di mättʼtõõzz vaaldšma.

Škooultõs- da mättmateriaal-luʹvddkåʹdd

Škooultõs- da mättmateriaal-luʹvddkåʹdd lij Sääʹmteeʹǧǧ škooultõspoliittlaž di sääʹmǩiõllsaž peiʹvvhoiddu õhttneei eʹtǩǩõõzzi, aalǥtõõzzi, ceâlklmi da peäʹlestvälddmõõžži valmštõõlli. Luʹvddkåʹdd tuʹmmai mättmateriaaltuâj plaanin da budjeeʹttest še.

Sääʹmteâtt mättʼtõʹsse

Oktavuohta.com -seiddõs taʹrjjad sääʹmteâđ mättʼtõʹsse da jeärrsid, ǩeäi miõl tõt ǩeäss. Seiddõs lij tuåimtum Sääʹmteeʹǧǧ da Mättʼtõshalltõõzz õhttsažtuâjjan. Seiddõs âânn seʹst teâđ säʹmmlai meersaž symboolin, sääʹmkulttuur vueʹssvuuʹdin, sääʹmõõutstõõzzâst da šõddmõõžžin teeʹkstivuiʹm, snimldõõǥǥi- da kaartivuiʹm da videoivuiʹm.

Sääʹmnuõri čeäʹppvuõđpeiʹvv

Sääʹmteʹǧǧ reäšš juõʹǩǩ eeʹjj õhttsažtuâjast kooʹddivuiʹm da pääiklaž sääʹmorganisaatioivuiʹm Sääʹmnuõri čeäʹppvuõđpeeiʹv. Čeäʹppvuõđpeeiʹv riâššât vuârriiʹjji jeeʹres kooʹddin da tok kååččat pukid sääʹmpäärnaid da -nuõrid di sääʹmǩiõl leʹbe sääʹmǩiõllsaž mättʼtõõzzâst åårrai päärnaid da nuõrid.

Sääʹmǩiõli ougglõsmättʼtõs

Sääʹmǩiõli ougglõsõhttvuõđid äuʹǩǩeei mättʼtõõzz piʹlotthaʹŋǩǩõs lij Uccjooǥǥ kååʹdd jååʹđtem da Sääʹmteeʹǧǧ koordinâʹsttem haʹŋǩǩõs, koon čõõđtemäiʹǧǧ lij 1.8.2018–31.12.2020. Haʹŋǩǩõõzzâst uuʹdet sääʹmǩiõli (aanar-, nuõrtt- da tâʹvvsääʹmǩiõl) ougglõsmättʼtõõzz. Haʹŋǩǩõõzz teäggat mättʼtõs- da kulttuurministeria.

Kuáti-materiaalbaŋkk

Kuáti.fi lij Sääʹmteeʹǧǧ tuõʹllʼjam säʹmmlaž ouddpeâmm materiaalbaŋkk. Seiddõõzz mieʹrren lij tuåimmad säʹmmlaž ouddpeâmm jååʹđtummuž pedagooglaž, ǩiõl da kulttuur meâldlaž tuåimmjummuž di säiʹmmõõttmõõžž neävvan.

Ođđ materiaal mättʼtõʹsse

Puõccu ǩeässtummuš Čeʹvetjääuʹrest

Nuõrttsääʹmǩiõllsaž mättʼtemvideo puõccu ǩeässtummšest. Olga Semenoff vuäʹppast Juha Feodoroffin mäʹhtt puõccu ǩeässtet.

Puõccu ǩeässtummuš -sannõsvideo

Čeʹvetjäuʹrrneǩ Olga Semenoff vuäʹppast nuõrttsääʹmǩiõllsaž puõccu ǩeässtummuž sannõʹsse õõutsââʹjest Anna-Katariina Feodoroffin da Juha Feodoroffin. Nuõrttsääʹmǩiõllsaž mättʼtemvideo.

Aanarsääʹmǩiõl alfabeʹttvideo

Videost lie mieʹldd Sáárákáisá da Siiri, suäna åʹcce da käuʹnne aanarsääʹmǩiõl alfabeeʹttid. Juõʹǩǩ bukvast uuʹdet ouddmiârkksääʹn.

Nuõrttsääʹmǩiõl alfabeʹttvideo 

Videost lie mieʹldd Tiina da Elli-Dåʹmnn, suäna äʹcce da käuʹnne nuõrttsääʹmǩiõl alfabeeʹttid. Juõʹǩǩ bukvast uuʹdet ouddmiârkksääʹn.

Tâʹvvsääʹmǩiõl alfabeʹttvideo 

Alfabeʹttvideost ooʒʒât da čuäʹjtõõlât tâʹvvsääʹmǩiõl bukvaid. Juõʹǩǩ bukvast uuʹdet ouddmiârkksääʹn. 

Aanar- da tâʹvvsääʹmǩiõl alfabeʹttkartt-taaul

Uʹčteeʹli kuuʹǩǩ tuäivvam aanar- da tâʹvvsääʹmǩiõl alfabeʹttkartt-taaul lie iʹlmstõõvvâm. Aanarsääʹmǩiõl alfabeʹtt-taaul lie õlmstõttum neeʹttest, tâʹvvsääʹmǩiõl alfabeʹtt-taaul lie nuʹtt neeʹttest ko teäddum hääʹmest.

Mattu šeʹšnntuâj veeʹrbid tâʹvvsäämas

Toobdak-a šeʹšnntuâj veeʹrbid tâʹvvsäämas? Teâđak-a mâiʹd miârkkšâʹvve veeʹrb vajuldit, šalmmastit da loaskut?

Snimldõkräidd jiõnin Teän võnnâz raajjmest iʹlmstõõvi

Deanu fanas -snimldõkräidd Teän võnnâz raajjmest lij iʹlmstõõvvâm. Snimldõkrääid vuäitt ââʹnned nuʹtt sääʹmǩiõtt-tuâj ko tâʹvvsääʹmǩiõl mättmateriaalân.

Sääʹmteʹǧǧ iʹlmmat ooccâmnalla õhttseʹžže kutt (6) stipeeʹnd

IʹLMMTÕS Sääʹmteʹǧǧ iʹlmmat ooccâmnalla õhttseʹžže…

Ođđ mättmateriaalseeid da neʹttkaupp ävvne

Sääʹmteeʹǧǧ mättmateriaal lie vuäǯǯam ođđ seeidaid…

Aanarsääʹm veeʹresǩiõl mättǩeʹrjjräidd lij vaalmâš

  Aanarsääʹm veeʹresǩiõl mättǩeʹrjjräidd…

Ođđ nuõrttsääʹmǩiõllsaž maainâsǩeʹrjj iʹlmstõõvi

Ođđ nuõrttsääʹmǩiõllsaž maainâsǩeʹrjj Silbbseiʹbb…

Ođđ tâʹvvsääʹmǩiõl tuejjǩeʹrjj iʹlmstõõvi

Ođđ tâʹvvsääʹmǩiõl tuejjǩeʹrjj GEA-mättǩeʹrjjraiddu…

Sääʹmǩiõllsaž aaunâsuʹčteeʹli škooultõshaʹŋǩǩõs aaʹlji

Sääʹmǩiõllsaž aaunâsuʹčteeʹlid škooulteei Ketterä…

Mainnsid ruõkkât, ǩiiʹrjid da ǩiõllharjjtõõzzid digiprograʹmme - mättmateriaal ǩieʹsstuâjjla hooddâst!

Sääʹmteʹǧǧ lij paʹlǩǩääm ǩeäzzas nellj projekt-tuâjjla:…

Aanar- da tâʹvvsääʹmǩiõl alfabeʹtt-taaul kaartivuiʹm iʹlmstõʹvve

Uʹčteeʹli kuuʹǩǩ vueʹrddem aanar- da tâʹvvsääʹmǩiõl…

Sääʹmǩiõli ougglõsmättʼtõshaʹŋǩǩõs valmštââll tuåim põõššjen piijjmõõžž

Sääʹmǩiõli ougglõsmättʼtõshaʹŋǩǩõs valmštââtt…
Sää’mte’ǧǧ | Saamelaiskäräjät
Sajos
FI-99870 INARI
tel +358 (0) 10 839 3100
info(at)samediggi.fi

Kontakt-teâđ konttâr
Laasktummuš

Čuâv miʹjjid sosiaalʼlaž mediast