Sääʹmteeʹǧǧ tuâjjan lij håiddad aaʹššid, kook kueʹsǩǩe säʹmmlai jiiʹjjez ǩiõl da kulttuur di sij sââʹj alggmeeran. Tuâjees kuulli aaʹššin Sääʹmteʹǧǧ vuäitt tuejjeed veʹrǧǧniiʹǩǩid aalǥtõzzid da eʹtǩǩõõzzid di uʹvdded ceâlklmid. Täin aaʹššin Sääʹmteʹǧǧ âânn lââʹssen mieʹrreemvääʹld nuʹtt mâʹte tõn kuõskki lääʹjjest leʹbe jeeʹres sââʹjest lääʹjjšiõttummšest šiõtteet.

Sääʹmteeʹǧǧ tuåimmjummuž šiõtteet sääʹmteʹǧǧlääʹjjest (974/95 mââjab muttsivuiʹm) da –asetõõzzâst (1727/95), sääʹmǩiõll-lääʹjjest (1086/03), da riikksuåvtõõzz asetõõzzâst sääʹmǩiõll-lääʹjj tiuʹddepiijjmest (108/04) da jeeʹres sââʹjest lääʹjjšiõttummšest šiõttuum da mieʹrruum laaʹjjivuiʹm da asetõõzzivuiʹm. Ooudbeäʹlnn peäggtum lââʹssen tuåimmjummšest suåvldet Sääʹmteeʹǧǧ jiiʹjjes tuâjjriâššmõõžž.