Sämitige pargon lii hoittáđ sämikielâ já kulttuur sehe sämmilij sajattuv kyeskee aašijd algâaalmugin. Pargoidis kullee aašijn puáhtá Sämitigge toohâđ virgeomâháid alguid já oovdânpyehtimijd sehe adeliđ ciälkkámušâid. Täin áášijn puáhtá Sämitigge kevttiđ lasseen meridemvääldi nuuvt ko tom kyeskee laavâst tâi eres lahâaasâtmist asâttuvvoo.

Sämitige toimâ asâttuvvoo sämitiggelaavâst (974/95 maŋeláá toohum nubastusâidiskuin) já –asâttâsâst (1727/95), säämi kielâlaavâst (1086/03) já staatârääđi asâttâsâst säämi kielâlaavâ olášutmist (108/04) sehe eres lahâaasâtmist asâttum já meridum lavâiguin já asâttâsâiguin. Ovdeláá mainâšum lasseen Sämitige tooimâst heiviittuvvoo jieijâs pargo-oornig.