Sääʹmnuõri čeäʹppvuõttpeiʹvv Aanrest – Tubeʹtteei Mansikka ärvstõõllʼjen

Sää´mnuõri čeä´ppvuõđpei´vv

16.03.2017
2017 Teeʹmmen lij pleässjummuš da “duodji/ tyeji/ tuejj”

Sääʹmnuõri čeäʹppvuõđpeeiʹv 2017 riâžžât Hetta ođđ sporttpõõrtâst 5. mannu 4. peeiʹv (neäʹttel 18). Eeʹjj vuâđđjuurd lij pleässjummuš da säʹmmlaž vuâđđjurddjen lij sääʹmǩiõtt-tuejj ”duodji/ tyeji/ tueʹjj”. Hetta čeäʹppvuõđpeiʹvv lij õõutpeiʹvvsaž.

Uʹčteeʹl da oʹhjjeei vueiʹtte iʹlmmted jooukâs nettist tåʹlǩ Webropol-kääzzkõõzz pääiʹǩ. Iʹlmmtõõttmõš lij äävai 7.4. räjja, koon mâŋŋa nett- iʹlmmtõõttmõš mâânn ǩidd. Mâŋŋnam iʹlmmtõõttmõõžžid jeäʹt huõl. Webropooʹle peäss tän liiŋkâst.

Mij tättap päärnaid da nuõrid tooimted jiijjâs sääʹmǩiõtt-tuejaid riâššmõõžž õhttvuõđâst åårrai čuäjtõõzz diõtt. Ǩiõtt-tuejain noorat čuäjtõs, kååʹtt lij vueiʹnnemnalla õuʹddel čeäʹppvuõttriâššmõõžž. Pueʹrmõzz ǩiõtt-tuejj raajjʼjid uuʹdet stipendd.

Väʹlddkååddlaž pleässjempeiʹvv MOVES riâžžât Ruäʹvnjaarǥ gåårdest 26.-28.5.2017. Šõddmõõžž väʹlddkååddlaž teeʹmest da šlaajin tääʹrǩab teâđaid kaaunak seiddõõzzâst www.nuorikulttuuri.fi. Sääʹmnuõri čeäʹppvuõđpeeiʹv vuäʹpstõõzz lie seämma, peʹce šõddmõʹšše vuäiʹtte vuässõõttâd še vueʹll 10-ekksa.

Logo: Tanja Sanila

Sääʹmteʹǧǧ reäšš piirieeʹjji õhttsažtuâjast sääʹmvuuʹd kooʹddi da pääiklaž sääʹmorganisaatiaivuiʹm sääʹmnuõri čeäʹppvuõđpeeiʹv (sámenuoraid dáiddadáhpáhus).

Čeäʹppvuõđpeiʹvv riâžžât vuâreeʹjji jeeʹres kooʹddin da tõõzz kååččât puk sääʹmǩiõl leʹbe sääʹmǩiõllsaž mättʹtõõzzâst åårrai päärnaid da nuõrid. Vuässõõttmõš škoouli åålǥbeäʹlnn lij še vuäittmõõžž mieʹlddsaž.

Čeäʹppvuõđpeeiʹv liâ kaggâm mäŋggsid ođđ čieʹppid da vuässõõttmõš tõõzz lij leämmaž pâi mieʹrr mieʹldd šiõǥǥ. Sääʹmnuõri čeäʹppvuõđpeiʹvv kooll väʹlddkååddlaž Nuõri Kulttuur –poʹdde vuʹvddkooʹddi čeäʹppvuõđpeeiʹvi veʹrddeemnallšem tobddõõttmõʹššân (musiikk, teaʹtter leʹbe pleässjumuš). Sääʹmčeäʹppvuõđpeeiʹvi šlaai liâ leämmaž pâi siõmmna jeeʹresnallšem väʹlddkååddlâž šlaajin.

Riâžžji miõlâst lij leämmaž vääžnai tueʹrjjeed tõn staarjõõttâmtuåimmjumuužž, mii sääʹmnuõrid lij tobddâmnallšemda mõõnn jäänmõsân staarjõõđât. Tõʹnt juõiʹkk da laaul liâ leämmaž šlaajjân tääuʹjab ku jeeʹrab. Musiikkčuäjtõõzz liâ leämmaž še siâssum da tõõi valmštumuš lij šõddääm uʹcc, čårrsiidi škooulin veäʹlkõsnallšem staarjõõttâmtuåimmjumuužž. Sääʹmnuõri čeäʹppvuõđpeivva jeät leäkku haaluum čõõnnâd nuõrid tåʹlǩ äʹrbbvuõđi kâʹddmõʹšše, leša še jeeʹres čeäppõsšlaai liâ vaajtõõll’lânji mieʹldd.

Raportti saamelaisnuorten taidetapahtumasta 2017
Raportti 2016 – Raporta jagi 2016 dáhpáhusas Anáris
Raportti vuoden 2015 taidetapahtumasta Utsjoella
Raporta Soađegilis 2014 – Raportti Sodankylän tapahtumasta 2014
Raporta Heahtás 2013 – Raportti Hetan tapahtumasta 2013
Raporta Sajosis 2012 – Raportti Sajoksen tapahtumasta 2012
Raporta Ohcejogas / Raportti Utsjoen tapahtumasta 2011
Raporta Roavvenjárggas / Raportti Roin tapahtumasta 2010
Sää´mnuõri čeäppvuõđpei´vv 2010: Ǩiõčč snimldõõǥǥid tä´st.
Raporta Vuohču dáhpáhusas / Raportti Vuotson tapahtumasta 2009
Raporta Heahtá dáhpáhusas / Raportti Hetan tapahtumasta 2008
Raporta Ohcejoga dáhpáhusas / Raportti Utsjoen tapahtumasta 2007
Raporta Anára dáhpáhusas / Raportti Inarin tapahtumasta 2006
Raporta Vuohču dáhpáhusas / Raportti Vuotson tapahtumasta 2005