Säminuorâi taaidâtábáhtus

16.03.2017
Ive 2017 teeman lii tanssâ já “duodji/ tyeji/ tuejj”

Säminuorâi taaiđâtábáhtus 2017 tuálloo Hettast škoovlâ lihâdemhaalâst vyesimáánu 19. peeivi (ohhoost 18). Ive teeman lii tanssâ já säämi teeman lii säämi kietâtyeji ”duodji/ tyeji/ tueʹjj”. Hetta tábáhtus lii oovtpiäiválâš.

Máttáátteijeeh já stivrejeijeeh pyehtih almottiđ juávhus neetist tuše Webropol-palvâlus peht. Almottâttâm lii áávus 7.4. räi, mon maŋa nettialmottâttâm mana kiddâ. Maŋanum almottâtmeh iä valduu vuotân. Webropol-palvâlusân piäsá taan liiŋkâ peht.

Mij táttup párnáid já nuorâid toimâttiđ jieijâs säämi kietâtuojijd tábáhtume ohtâvuođâst uárnejum čáitálduv várás. Pyeremus kietâtyejirähteeh finnejeh stiipeend.

Väldikodálâš tanssâtábáhtus MOVES tuálloo Ruávinjaargâst 26.-28.5.2017. Tärhibeh tiäđuh tábáhtus väldikodálii teemast já šlaajâin láá siijđoin www.nuorikulttuuri.fi . Säminuorâi taaiđâtábáhtus njuolgâdusat láá siämmááh, peic ete tábáhtusân uážžuh väldiđ uási meiddei vuálá 10-ihásiih.

Logo: Tanja Sanila

Sämitigge uárnee ihásávt oovtâstpargoost kieldâiguin já páihálij sämiservijguin säminuorâi taaiđâtábáhtus (Sámenuoraid dáiddadáhpáhus).

Taaiđâtábáhtus uárnejeh vuáruiivij jieškote-uv kieldâin já toos kočoh puoh sämipárnáid já – nuorâid sehe sämikielâ teikâ sämikielâlii máttááttâsâst leijee párnáid já nuorâid.

Tábáhtus lii puáhtám oovdân maaŋgâid uđđâ taaidârijd já uásálistem toos lii ain lamaš valjaas. Säminuorâi taaiđâtábáhtus kulá väldikodálâš Nuorâ Kulttuur- tábáhtusân kejâlmâssân, mon puáhtá verdidiđ kuávlukieldâi tábáhtussáid. Väldikodálâš teema (muusik, teatter teikâ tanssâ) lasseen sämitábáhtusâst lii ain lamaš mottoom eromâš sämikulttuurân lohtâseijee teema.

Uárnejeijei mielâst lii lamaš tehálâš tuárjuđ tom puđâldemtooimâ, mii säminuoráid lii tijpâlâš já maid puoh enâmustáá puđâldeh. Tondiet juoigâm já lávlum láá šlaajân távjáb ko iärráseh. Muusikkovedâlmeh láá meid lamaš pivnuuh já tai rähtim lii ravkkâm uccâ, tuárisbeln leijee škoovlâin ennuv puđâldemtooimâ. Iä lah halijdâm, ete säminuorâi taaiđâtábáhtus čana nuorâid tuše ärbivuovij kattiimân peic meid eres taaiđâšlaajah láá vuáruluvâi fáárust.

Raport jagi 2017 dáhpáhusas
Raporta jagi 2016 dáhpáhusas Anáris
Raporta jagi 2015 dáiddadáhpáhusas Ohcejogas.
Raporta Soađegilis 2014 – Raportti Sodankylän tapahtumasta 2014
Raporta Heahtás 2013 – Raportti Hetan tapahtumasta 2013
Raporta Sajosis 2012 – Raportti Sajoksen tapahtumasta 2012
Raporta Ohcejogas / Raportti Utsjoen tapahtumasta 2011
Raporta Roavvenjárggas / Raportti Roin tapahtumasta 2010
Säminuorâi taaidâtábáhtus 2010: Keejâ kuuvijd täst.
Raporta Vuohču dáhpáhusas / Raportti Vuotson tapahtumasta 2009
Raporta Heahtá dáhpáhusas / Raportti Hetan tapahtumasta 2008
Raporta Ohcejoga dáhpáhusas / Raportti Utsjoen tapahtumasta 2007
Raporta Anára dáhpáhusas / Raportti Inarin tapahtumasta 2006
Raporta Vuohču dáhpáhusas / Raportti Vuotson tapahtumasta 2005