Sámiin leat oktiibuot guoktenuppelohkái sámekonfereanssas dohkkehuvvon leavgabeaivvi (Helsset 1992, Murmánska 1996 ja Troanddin 2017).

6.2. Sámi álbmotbeaivi

2.3. Suoma Sámedikki vuođđudanbeaivi (1996)

Márjjabeaivi, sámiid árbevirolaš ávvudanbeaivi.

Mihcamárbeaivi, almmolaš ávvudanbeaivi.

9.8. ON:a riikkaidgaskasaš eamiálbmogiid beaivi

15.8. Sámi leavgga dohkkehanbeaivi (1986)

18.8. Sámiráđi vuođđudanbeaivi (1956)

26.8. Ruoŧa Sámedikki vuođđudanbeaivi (1993)

9.10. Norgga Sámedikki vuođđudanbeaivi (1989)

9.11. Sámi parlameantta vuođđudanbeaivi (1973). Sámi parlameanta lei Suoma Sámedikki ovdal.

29.11. Elsa Laula Renberga riegádanbeaivi. Elsa Laula Renberga (r. 1877) dollojuvvo rájáid rasttildeaddji sámiid ovttasbarggu álggaheaddjin. Son lei sáme nissonorganisašuvnna aktiiva ja son váikkuhii Troanddimis Norggas 6.2.1917 lágiduvvon vuosttas čoahkkima ollašuvvamii.

15.11. Vuosttas sámi riikkabeaivealmmái Isak Saba riegádanbeaivi. Isak Saba riegádii 15.11.1875 Unjárggas Várjjagis. Son lei Norgga Stuorradikki lahttu guovtte baji áigge (1906-1912).

Sámi leavgga lea plánen sápmelaš dáiddár Astrid Båhl. Leavgga fáddá boahtá lullisápmelaš Anders Fjellnera divttas Páiven párneh (Beaivvi bártnit), mas Fjellner govve sámiid beaivvi nieidan ja bártnin. Leavgga rukses gierdu govvida beaivváža ja alit mánu. Leavggas libardit rukses ja alit ivnni lassin fiskes ja ruoná ivdni. Seamma ivnnit leat árbevirolaččat atnojuvvon sáme gávttis.

Leavga dohkkehuvvui sámiid virggálaš symbolan sámiid 13. davviriikkalaš konfereanssas Åres borgemánu 15.  beaivve 1986. Seammás dohkkehuvvui maiddái Sámi soga lávlla. Sámiid leavgabeaivvit leat guoktenuppelohkái, main dehalamos lea Sámi álbmotbeaivi guovvamánu  6. Dáinna beivviin muitit vuosttas čoahkkima Troanddimis, Norggas.

Suoma sisáššiidministeriija ávžžuha sámi leavgabeivviid atnit maiddái almmolaš leavgabeaivin. Leavgga atnimis čuovvut guđege riikka lágaid. Ovttaskas olbmuin, servošiin ja fitnodagain lea ávvudeami, gudnejahttima dahje morraša čujuheamis friddjavuohta atnit Sámi leavgga maiddái eará áigge go virggálaš leavgabeaivve.

www.saamicouncil.net