Sämimađhâšem eettisiih ravvuuh

Ovdâsvástádâslii já eettisávt kilelis sämimađhâšem toimâprinsiipeh láá tuhhiittum Sämitige čuákkimist 24.9.2018. Eettisij ravvui váldu-ulmen lii meddâlistiđ sämmilâšvuođáin ávhástellee mađhâšem sehe sämmiláid kyeskee puástutiäđu, mii leevvân mađhâšem peht. Nubben tiäddučuogâstâhhân lii turviđ mađhâšem ulguupiäláá aalmug kulttuurtaavijd já ärbivuovijd.

Kiäs eettisiih ravvuuh láá uáivildum?

Eettisiih ravvuuh láá uáivildum vuosâsaajeest sämisiärváduv ulguupiáláid tuáimeid, kiäh hárjutteh sämikulttuur puovtân rähtim, oovdânpyehtim já viestâdem mađhâšemsyergist.

Maid uáivild sämimađhâšem?

Sämimađhâšem iberduvvoo taan ohtâvuođâst maađhâšmin, mast sämikulttuur vyeimivarijguin ávhástâlmáin pyevtitteh mađhâšempalvâlusâid já fäälih taid finnodâhtoimâlij agâiguin. Tot puáhtá leđe sämmilâšvuotân vuáđuduvvee mađhâšem, mast sämisiärváduv ulmuuh tuáimih mađhâšemiäláttâs hárjutteijen, tâi sämmilâšvuođáin ávhástellee mađhâšem, mast sämisiärváduv ulguubeln puáttee mađhâšemiäláttâs hárjutteijeeh já eres mađhâšemtuáimeeh ávhásteleh sämikulttuurân lohtâseijee já/tâi čujotteijee elementijguin mađhâšempalvâlusâin olmâ ohtâvuođâttáá sämisiärvádâhân.

Ovdâsvástádâslii já eettisávt kilelis sämimađhâšem toimâprinsiipeh

  • 1) Sämmilij kulttuuräärbi áárvu já riggoduv tubdâstem já kunnijâttem

  • 2) Sämmilii kulttuuräärbi suojâlem já ton toollâm eellimvuáimálâžžân puáttee suhâpuolváid

  • 3) Puoh uásipeelijd hiäđutteijee ohtsâšibárdâs já oovtâstpargo

  • 4) Sämimađhâšem čuolmâsajeh já toi huámmášem já rievdâdem

  • 5) Sämimađhâšem positiivliih vaikuttâsah sämiaalmugân, sii kulttuurân sehe pirrâsân

  • 6) Sämimađhâšem ovdâsvástádâslâš já eettisávt kilelis markkânistem já mađhâšemviestâdem

  • 7) Ollâtásásiih mađhâšeijeefeerimeh – kvaliteetvisásmittem

Luođii eettisijd ravvuid.

Lasetiäđuh:

Sämitige saavâjođetteijee Tiina Sanila-Aikio, 050 300 1780, tiina.sanila-aikio(at)samediggi.fi

Vuávájeijee Kirsi Suomi, Kulttuurlávt ovdâsvástádâslâš sämimađhâšem, 010 839 3118, kirsi.suomi(at)samediggi.fi