Sámi Álbmotbeaivi 6.2.2019

Buori sámi álbmotbeaivvi buohkaide! Pyeri Säämi aalmugpeivi puohháid! Šiõǥǥ saaʹmi meersažpeiʹvv pukid! Hyvää saamelaisten kansallispäivää kaikille!

Sámiid álbmotbeaivi dollojuvvo jahkásaččat guovvamánu 6. beaivve. Ávvodoalut lágiduvvojit dalle árbevirolaččat Sámeguovllu sierra guovlluin ja dán áigge maiddái Sámeguovllu olggobealde.

Sámiid álbmotbeaivi lea okta sámiid leavgabeivviin. Ávvobeaivin álbmotbeaivi lea vel nuorra, dasgo suopmelaš albmenáhkkái dat merkejuvvui easkka jagi 2004. Álbmotbeaivvis mearriduvvui goittotge juo jagi 1992, ja ávvobeaivve ruohttasat ollet badjel čuohte jagi duohkái, jahkái 1917. Dalle Norgga Troanddimis ordnejuvvui vuosttas davviriikkalaš sámečoahkkin, man dárkkuhussan lei guorahallat sámiid eallinvejolašvuođaid ja váldit beali sámiid guoski gažaldagaide.

Sámiid guoski dieđut oahpahusa ja eará berošteaddjiid várás: www.oktavuohta.com. Siiddut leat doisttažii suomagillii.

Sámediggi bovde oahpásmuvvat doaibmasis sámiid álbmotbeaivve

Sámediggi ordne rabas uvssaid beaivve Anára Sajosis sámiid álbmotbeaivve 6.2.2019 dmu 10-15. Beaivvi dárkkuhussan lea dahkat Sámedikki doaimma oahpisin. Buohkat leat bures boahtin oassálastit beaivái!

Prográmma »

Diehtu sámeáššiin oahpahusa várás

Oktavuohta.com -siiddut fállet sámedieđu oahpahussii ja eará berošteaddjiide ja daid leat Sámediggi ja Oahpahusráđđehus doaimmahan ovttasbargun. Siiddut sisttisdollet dieđuid sámiid álbmotlaš symbolain, sámekultuvrra sierra surggiin, sámeservožis ja dáhpáhusain. Siidduin leat artihkalat, govat, videot ja liŋkkat. Siiddut leat doisttažii suomagillii.

Metodapáhkka- oahppamateriála skuvllaide sápmelašvuođa gieđahallamii

Dihtosis -metodapáhkka lea dárkkuhuvvon oahpahusa doarjjan ovdamearkan sámiid álbmotbeaivve (6.2.) doallamii skuvllain miehtá Suoma. Makkár orošii skearroárvvoštallan sámemusihkas dahje oahpásmuvvan sámegielat dearvvahusaide? Iešguđetlágan ja sierra guhkkosaš hárjehusaid vehkiin sáhtát čohkket miela miel oahppadiimmu sápmelašvuođas.

Ministeriija ja Oahpahusráđđehus ávžžuhit skuvllaid váldit vuhtii sámiid álbmotbeaivvi

Sápmelašvuhtii sáhttá oahpásnuvvat ovdamearkka dihte filmma, musihka dahje iešguđegelágan sápmelašvuođa gieđahalli temáid, degomat sámegielaid, sámi gárvvuid, sámi ealáhusaid dahje álbmogii laktáseaddji dovddaldagaid bokte. Oahpahusgeavahussii gávdnojit valjis materiála ja gárvves hárjehusat www.oktavuohta.com-siidduin. Daid lea buvttadan Sámediggi ja ruhtadan Oahpahusráđđehus.

#SámiÁlbmotbeaivi #SäämiAalmugpeivi #SaaʹmiMeersažpeiʹvv #SámiNationalDay #SaamelaistenKansallispäivä