Sámeturismma etihkalaš rávvagat

Sámedikki čoahkkin dohkkehii 24.9.2018 vásttolaš ja etihkalaččat suvdilis sámeturismma doaibmanprinsihpaid. Etihkalaš rávvagiid váldoulbmilin lea jávkadit sápmelašvuođa ávkingeavaheaddji turismma sihke turismma bokte leavvi sámiid guoski boastto dieđu. Nubbin váldoáššin lea sihkkarastit turismma olggobeale olbmuid kulturvuogádagaid ja árbevieruid.

Geasa etihkalaš rávvagat leat dárkkuhuvvon?

Etihkalaš rávvagat gusket ovdasajis sámeservoša olggobeale doaibmiid fállan sámekultuvrra buvttan ráhkadeami, ovdanbuktima ja diehtojuohkima turismma olis.

Maid dárkkuha sámeturisma?

Sámeturisma áddejuvvo dán oktavuođas turisman, mas sámekultuvrra resurssaid ávkin atnimiin buvttaduvvojit turismabálvalusat ja dat fállojuvvojit fitnodatdoaimmalaš vuođustusaiguin.  Dat sáhttá leat turisma, mii vuođđuduvvá sápmelašvuhtii, ja mas sámeservoša siste boahttit doibmet turismaealáhusa hárjeheaddjin, dahje juo sápmelašvuođain ávkkástalli turisma, mas sámeservoša olggobealde boahtti turismaealáhusa hárjeheaddjit ja eará turismadoaibmit ávkkástallet ja atnet ávkin sámekultuvrii gullevaš ja/dahje geažideaddji elemeanttaid turismabálvalusain almmá eakti oktavuođa haga sámeservošii.

Vásttolaš ja etihkalaččat suvdilis sámeturismma doaibmanprinsihpat

  • 1) Sámi kulturárbbi árvvu ja riggodaga dovddasteapmi ja gudnejahttin

  • 2) Sámi kulturárbbi suodjaleapmi ja dan doalaheapmi eallinfámolažžan boahttevaš buolvvaide

  • 3) Buot oassebeliide ávkin boahtti ovttaráđálašvuohta ja oktasašbargu

  • 4) Buncaraggát, mat gávdnojit sámeturismmas, ja daid vuhtii váldin ja njulgen

  • 5) Sámeturismma positiivvalaš váikkuhusat sámeálbmogii, sin kultuvrii sihke birrasii

  • 6) Sámeturismma vásttolaš ja etihkalaččat suvdilis márkanastin ja turismadiehtojuohkin

  • 7) Alladássásaš mátkkálašvásáhusat – kvalitehtasihkkarastin

Luđe etihkalaš rávvagiid dáppe.

Lassidieđut:

Sámedikki ságajođiheaddji Tiina Sanila-Aikio, 050 300 1780, tiina.sanila-aikio(at)samediggi.fi

Plánejeaddji Kirsi Suomi, Kultuvrralaččat vásttolaš sámeturisma, 010 839 3118, kirsi.suomi(at)samediggi.fi

Luđe etihkalaš rávvagiid dáppe
Kultuvrralaččat vásttolaš sámeturisma -prošeakta