Sámegiela doaimmahat

Sámegiela doaimmahat ollašuhttá sámi giellalága (láhka 1086/2003, ásahus 108/2004) namuhuvvon bargguid. Dat fuolaha lágas oaivvilduvvon jorgalusaid dahkamis virgeoapmehaččaide ja lágadusaide, veahkeha eiseválddiid ja lágadusaid sámegielat dulkkaid háhkamis sihke eará sámi giellalágas oaivvilduvvon bargguin sihke čuovvu movt sámi giellaláhka ollašuhtto ja dahká maid álgagiid sámegiela geavaheami ovddideapmi ovdii.

Sámegiela doaimmahaga bargit rávvejit ja veahkehit áinnas áššiin, mat gusket sámegillii ja sámi giellaláhkii.

Sámegiela doaimmahagas barget sámi gielladorvočálli ja sámi giellaáššiidčálli lassin njealjje davvisámegielat jorgaleaddji ja anárašgiela ja nuortalašgiela jorgaleaddjit. Sámedikki čoahkkin sáhttá dárbbu mielde ásahit earáge virggiid.

Sámi giellaáššiid čálli bargá dál Sámi Giellagáldu hoavdan.

Sámi giellaldorvočálli doaibma maid gielladoaimmahaga bargiid hoavdan.

Gielladorvočálli
Anne Kirste Aikio

  • Doaimmahaga hoavda
  • Sámi giellalága ollašuvvama gohcin ja čuovvun
  • Giellalágas ja eará sámiid gielalaš vuoigatvuođain dieđiheapmi
  • Sámiid ja virgeoapmahaččaid rávven ja oahpisteapmi sámi giellalága geavaheamis ja heiveheamis
  • Doaibmasuorgái gullevaš sámiid guoskevaš áššiid gieđahallama čuovvun sierra virgeoapmahaččain
  • Sámi giellaráđi áššemeannudeaddji ja čálli ja maiddái mearrádusaid ollašuhtti bargguide gullevaš áššiin

Giellabeassejođiheaddji
Annika Pasanen

  • Bargiid ja doaibmiid doarjun erenomážit sámegiela ja kultuvrra oahpaheami pedagogalaš metodaid ja kvalitehta ovddideamis
  • Váhnemiid oahpisteapmi ja rávven giela ealáskahttimii laktáseaddji áššiin
  • Giellabeasseruhtadeapmái guoski hálddahusbarggut
  • Giellabeassebargiid skuvlendárbbuid kárten

Giellajorgaleaddjit