Ságajođiheaddji

Tuomas Aslak Juuso dahjege Gáijjot Ánte Issáha Duommá lea riegádan Lahtis guovvamánu 7. beaivve jagi 1985. Juuso lea bajásšaddan sihke Lahtis ja Gárasavvonis, muhto vuođđoskuvlla son lea vázzán váldoáššis Lahtis. Juuso lea čađahan boazo- ja luondduealáhusa ámmátdutkosa Sámi oahpahusguovddážis Gápmasa Doaivonjárggas. Lassin son lea čađahan boazodoalu sáttaolbmo  prográmma (The Reindeer ambassador program, International Centre for Reindeer Husbandry) ja kurssaid eamiálbmotvuoigatvuođain (Sámi University College, Guovdageaidnu). Dálá áigge Juuso orru Gárasavvonis.

Juuso válljejuvvui Sámedikki lahttun vuosttaš geardde jagi 2008. Son lea ain buot áiggiid nuoramus Sámediggái válljejuvvon lahttu. Juuso válljejuvvui Sámedikki 2. várreságadoallin válgabadjái 2016-2019 ja dál goalmmát badjái 2020-2023 Juuso válljejuvvui Sámedikki ságadoallin guovvamánus 2020.

Juuso lea leamaš aktiivvalaččat mielde sámeservodaga doaimmain gitta nuorravuođa rájes. Juuso doaimmai Suoma Sámi Nuorat rs stivrra ságadoallin jagiid 2005-2007 ja 2009-2012. Lassin son lea doaibman Ovttastuvvan našuvnnaid (ON) eamiálbmogiid nuoraid lihtu (G

lobal Indigenous Youth Caucus) ságadoallin jagiid 2012-2015 ja ON eamiálbmogiid máilmmikonferánssa oktavuođas doaibman eamiálbmogiid globála koordinašuvdnabargojoavkku lahttun 2012-2014. Son lea leamaš maid mielde máŋggain ON:in dáhpáhuvvan ráđđádallanproseassain, ovdamearkka dihte EMRIP (Expert Mechanism on the Rights of Indigenous Peoples) mandáhta ođasmahttinráđđádallamat, eamiálbmogiid oassálastinvuoigatvuohta ON:ide ja ON:id máilmmikonferánssa loahppadokumeantta ráđđádallamat.

Eamiálbmogiid vuoigatvuođat leat Juusoi dehálaččat ja son muitalage, ahte ON eamiálbmogiid julggaštus lea sivva dasa, manin son vulggii vuosttaš sámediggeválggaide mielde. Juuso boahtá Gáijjogiid dahjege Ávžžášjávrri siiddas, gos boazodoallu vuođđuduvvá boares siidaortnegii.

Tuomas Aslak Juuso
ságajođiheaddji

Oktavuođadieđut

tuomas.juuso(at)samediggi.fi
+358 40 687 3394 / +358 10 839 3101

Ságadoalli veahkki

Laura Olsén-Ljetoff
laura.olsen-ljetoff(at)samediggi.fi
040 617 5113 / 010 839 3190