Sääʹmǩiõl koontâr veekk čõõđ sääʹmǩiõll-lääʹjj (lääʹǩǩ 1086/2003, asetõs 108/2004) meâldlaž tuâjaid. Tõt âânn huõl lääʹjjest jurddum jåårǥlõõzzi tuåimtummšest jeeʹres veʹrǧǧniiʹǩǩid da stroiʹttlid, veäʹǩǩat veʹrǧǧniiʹǩǩid da stroiʹttlid sääʹmǩiõlltäiddsaž tuulki haʹŋǩǩummšest di jeeʹres sääʹmǩiõll-lääʹjjest jurddum tuâjaivuiʹm di seuʹrrai sääʹmǩiõll-lääʹjjest šiõttuum täävtõõzzi teâuddjummuž da tuejjeeʹl taarbšeʹmmen aalǥtõõzzid sääʹmǩiõl âânnmõõžž oouʹdeem diõtt.
Sääʹmǩiõl konttâr tuâjjlažkåʹdd vuäʹppast da veäʹǩǩat miõlstes sääʹmǩiõʹlle da sääʹmǩiõll-läkka õhttneei aaʹššin.
Ǩiõllkonttrest lie sääʹm ǩiõllstaanpiisar da sääʹm ǩiõllaaʹšši piisar viiʹrji lââʹssen nellj tâʹvvsääʹmǩiõl ǩiõlljåårǥlõõʹtti veeʹrj di õhtt aanarsääʹm da õhtt nuõrttsääʹm ǩiõlljåårǥlõõʹtti veʹrǧǧ. Sääʹmteeʹǧǧ sååbbar vuäitt altteed taarb mieʹldd jeeʹres viiʹrjid še.
Ǩiõllkonttrest vuäitt leeʹd jeeʹres tuâjjlažkååʹdd še.
Sääʹm ǩiõllstaanpiisar tuåimmai ǩiõllkonttâr ouddooumžen.
Ǩiõllstaanpiisar
Anne Kirste Aikio
- konttâr ouddooumaž
- sääʹmǩiõll-lääʹjj teâuddjummuž vuåppmõš da seuʹrrjummuš
- ǩiõll-lääʹjjest da säʹmmlai ǩiõlʼlaž vuõiggâdvuõđin teâđtummuš
- sääʹmnarood da veʹrǧǧniiʹǩǩi vuäʹpstummuš da raʹvvjummuš sääʹmǩiõll-lääʹjj ââʹnnmest da suåvldummšest
- tuåimmvoudda õhttneei säʹmmlaid kuõskki aaʹšši ǩiõttʼtõõllmõõžž seuʹrrjummuš jeeʹres veʹrǧǧniiʹǩǩin
- sääʹm ǩiõllsuåvtõõzz ouʹddepuhtti da piisar di tuʹmmstõõǥǥi tueiʹmmepiijji tuâjees kuulli aaʹššin.
Ǩiõllpieʹssohjjeei
Niina Aikio-Siltala
- Ǩiõllpieʹzzi tuâjjlažkååʹdd pedagooglaž tuärjjummuš
- Õhttsažtuâjj ǩiõllpieʹsstuåimmjummuž jäʹrjsteeʹjivuiʹm
- Ǩiõllpieʹssteäggtõõzz vaaldšmummuš
- Puärrsi vuäʹpstummuš da raʹvvjummuš ǩiõllpeässa da ǩiõll-lauggja õhttneei aaʹššin
Ǩiõlljåårǥlõõʹtti
- Ǩiõlljåårǥlõʹtti – Irma Laiti, tuåimmpäiʹǩǩ Aanar
- Ǩiõlljåårǥlõʹtti – Anja Vest, tuåimmpäiʹǩǩ Aanar
- Mä. Ǩiõlljåårǥlõʹtti – Mággá Välimaa
- Mä. Ǩiõlljåårǥlõʹtti – Seija Aikio-Järviluoma
- Mä. Ǩiõlljåårǥlõʹtti – Rauna Saijets
- Aanarsääʹm ǩiõlljåårǥlõʹtti – Tanja Kyrö
- Mä. aanarsääʹm ǩiõlljåårǥlõʹtti – Henna Lehtola
- Nuõrttsääʹm ǩiõlljåårǥlõʹtti – Merja Fofonoff
- Mä. nuõrttsääʹm ǩiõlljåårǥlõʹtti – Hilkka Fofonoff