Saaʹmi meersažpeiʹvv 6.2.
Šiõǥǥ saaʹmi meersažpeiʹvv pukid!
Pyeri säämi aalmugpeivi puohháid!
Buori sámi álbmotbeaivvi buohkaide!
Saaʹmi meersažpeeiʹv prääʹzkjet juõʹǩǩ eeʹjj täʹlvvmannu 6. peeiʹv. Prääʹzniǩvuõđid riâššât teʹl ääʹrbvuâlželd pirr Sääʹmjânnam da tääʹl Sääʹmjânnam åålǥbeäʹlnn še.
Saaʹmi meersažpeiʹvv lij õhtt saaʹmi liiʹpptempeeiʹvin. Prääʹzniǩpeiʹvven meersažpeiʹvv lij õinn nuõrr, läʹddlaž kaʹlndaaʹre tõn mieʹrǩǩeeš eman eeʹjjest 2004. Meersažpeeiʹvest tuʹmmješ kuuitâǥ juʹn eeʹjjest 1992, da prääʹzniǩpeeiʹv preddan lie pâʹjjel čueʹtt eeʹǩǩed mââiåʹrnn, eeʹjjest 1917. Teʹl Taarrjânnam Trondheimist rieʹššeš vuõssmõs tâʹvvjânnmallaš sääʹmsåbbar, koon mieʹrren leäi smiõttâd saaʹmi jieʹllemvuäittmõõžžid da väʹldded beäʹl saaʹmid kuõskki kõõččmõõžžid.
Teâtt saaʹmi pirr mättjummša da jeärrsid ǩeäiʹd miõl ǩeäss: www.oktavuohta.com.
Sääʹmteʹǧǧ reäšš ääv uusi peeiʹv
Sääʹmteʹǧǧ reäšš ääv uusi peeiʹv Aanar Sajoozzâst saaʹmi meersažpeiʹvven 6.2.2020 čiâss 11-15. Puäʹđ tobdstõõttâd Sääʹmteeʹǧǧ tuåimmjummša!
Teâđ saaʹmi pirr mättʼtõʹsse
Oktavuohta.com -seeid taʹrjjee teâđ mättʼtõʹsse da jeärrsid, kook haaʹlee teâđ säʹmmlai pirr. Seidd lij tooimtum Sääʹmteeʹǧǧ da Mättʼtõshalltõõzz õhttsažtuâjjan. Seeid âʹnne seʹst teâđ säʹmmlai meersaž symboolin, sääʹmkulttuur sueʹrjin, sääʹmõhttsažkååʹddest da šõddmõõžžin teeʹkstivuiʹm, snimldõõǥǥivuiʹm da videoivuiʹm. Oktavuohta.com -seeid lie veâl lääʹddǩiõllsa.
Čaaŋŋâl sääʹmkulttuuʹre mobiilsiõr ååʹblǩest
Nuõrisuåvtõs õlmstâtt õõutsââʹjest Nuõri Akatemiain Sukellus saamelaiskulttuuriin–mobiilsiõr. Siõr veäkka ǩiččlõõđât lââʹzzted tieʹttemvuõđ sääʹmkulttuurâst jeeʹres vueiʹnnemkuuʹlmi pääiʹǩ.
#SámiÁlbmotbeaivi #SäämiAalmugpeivi #SaaʹmiMeersažpeiʹvv #SámiNationalDay #SaamelaistenKansallispäivä
VIRTU -PALVELUPISTE
