Säämi aalmugpeivi 6.2.2023
Säämi aalmugpeivi ávuduvvoo 6.2. – Sämitige tooimân piäsá uápásmuđ Anarist
Sämitige maaŋgâpiälásii tooimân piäsá uápásmuđ Säämi kulttuurkuávdáš Sajosist Anarist Sämitige ávus uuvsâi peeivi.
Sämitige ávus uuvsâi peivi álgá Saijoos auditoriost tme 9.45 Sämitige saavâjođetteijee aalmugpeeivi tiervâttâssáin. Sämitige muusikkuávdáš, párnáikulttuurkuávdáš Mánnu já elleekovekuávdáš Skábma västideh peeivi ohjelmist. Sämitigge fáálá kuosijd juhlekäähvi já Saijoos raavâdviäsu Čaijust puáhtá uástiđ juhlepeivimáállás. Pääihi alne lii meid máhđulâš uásálistiđ vuárbumân, mast puáhtá vyeittiđ kyehti liipu Ijâttes ijjâ -festivaalân. Tilálâšvuotâ lii puohháid ávus.
