Sääʹm parlamenttaarlaž suåvtõs (SPN) lij Lääʹddjânnam, Taarr da Ruõcc sääʹmteeʹǧǧi kõskksaž parlamenttaarlaž õhttsažtuâjjorgan. Ruõššjânnâm sääʹmorganisaatia liâ põõʹšši vuässla (Permanent Participants) SPN:st, ku Ruõššjânnam saaʹmin ij leäkku nåkam organ, koon sääʹmnarod lij vaʹlljääm. Ruõššjânnam saaʹmin liâ kueʹhtt põõʹšši võboršeʹǩǩed Sääʹm parlamenttaarlaž suåvtõõzzâst. Sámiráđđi vaʹlljad siʹjjid neellj eeǥǥas vuâras. Sámiráđđi SPN altteeš eeʹjj 2000 pâʹzzlâšttam-mannu 2. peeiʹv. Ruõcc Sää ʹmteʹǧǧ õhttõõvi suåvtõʹsse njuhččmannust 2000. Taarr, Ruõcc da Lääʹddjânnam Sää ʹmteeʹǧǧ jååʹđte suåvtõõzz 16 mannu pââʹjj. Piizarkåʹdden tuåimm tõt sääʹmteʹǧǧ, kuäʹss ǩeäʹst vuârrstes lij jååʹđtemvasttõõzz vuârr.

Saaǥǥjåå´đtemvuõtt

SPS:z (SPN:n) õhttsažtuâj lij pieʹhssam Ruõcc da Lää´ddjânnam sääʹmmteeʹǧǧi teäggtõõzz occnjažvuõtt. Taarr sääʹmteʹǧǧ lij tuärjjääm Lääʹddjânnam da Ruõcc sääʹmteeʹǧǧi saaǥǥjååʹđtemvuõđ ääiʹjben täälbeäʹlnn. Lääʹddjânnam sääʹmmteʹǧǧ lij leämmaž ääiʹjben SPS:z saaǥǥjååʹđteeʹjen eeʹjjin 2005-2007. SPN:z saaǥǥjååʹđtemvuõtt seʹrddõõvi Lääʹddjânnam sääʹmtegga Ruõcc sääʹmteeʹǧǧest 14.4.2010. Såbbrest primm’meš čõõđtumuužž tâʹvvjânnamlast sääʹmsuåppmõõžžâst, kååʹtt lij leäʹmmnemnalla tääiʹbe. Lââʹssen sååbbar priimi vuõssmõs saaʹmi äimmpolitiikla tuåimmjemplaan, kååʹtt käunnai tääiʹben.

Lääʹddjânnam SPS:z saaǥǥjååʹđtempââj tuâjjan liâ tâʹvvjânnamlaž sääʹm ǩiõllõhttsažtuâj ođđestriâššmõš, äimmpolitiikkla tuåimmjemplaan veeidumuš äimmpolitiikkliʹžžen programmân, SPN:z tuåimmjumuužž ooudâsviikkmõš di tâʹvvjânnamlaž sääʹmsuåppmõõžžâst ravvumuužž ooudâsviikkmõš. Jiijjâsnallšem tuâj saaǥǥjååʹđtemvuõđ håiddmuʹšše lij Lääʹddjânnam sääʹmmtee´ǧǧ resuurzzi occnjažvuõtt.

Sääʹmparlamentneeʹǩǩi konferenss

Sääʹmparlamentneeʹǩǩi vuõssmõs õhttsaž konferenss rieʹššeš Jokkmokkist 24.2.2005. Konfereʹnsse vuässõʹtte Taarr, Ruõcc da Lääʹddjânnam Sääʹmteeʹǧǧi da Ruõššjânnam saaʹmi võborseeʹǩǩ. Ouddpeäʹlnn konfereens juõʹǩǩ jânnam sääʹmteʹǧǧ õõni tiuddsåbbar Jokkmokkist. Sääʹmparlamentneeʹǩǩi konferenss leäi histoorlaž šõddmõš. Konferenss priimi Jokkmmookk čõõđtumuužž, koon mieʹldd õhttsaž konferenss leäi histoorlaž podd sääʹmpolitiikklaž tuâjast. Konferenss muštt’ti tõʹst, što säʹmmla liâ õhtt narod, koon õhttnazvuõđ riikki raai jiâ vuäǯǯ tårmmad. Čõõđtumuš teâddad ama tõn, što säʹmmlai jiõččmieʹrreemvuõiggâdvuõtt da tuâjj tâʹvvjânnamlaž sääʹmsuåppmõõžž äiggavuäǯǯam diõtt. Jokkmokkist tuʹmmješ, što sääʹmparlamenttneeʹǩǩi õhttsaž konfereens riâžžât koolm eeʹjj kõõski.

Sääʹm ǩiõll’luʹvddkå´dd

Sääʹm ǩiõll’luʹvddkåʹdd (SǨL), kååʹtt koʹrvvii ääiʹjab Sámiráđđi õhttvuõđâst tuåimmâm Sääʹm ǩiõllsuåvtõõzz, altteeš Sääʹm parlamenttaarlaž suåvtõõzz vuâlla eeʹjj 2002. SǨL piizarkåʹdd tuåimm seämma põõrtâst, ko Taarr sääʹmteeʹǧǧ ǩiõllaaʹššid håiddai koontâr.

Sääʹm naroodlaž symbooli luʹvddkåʹdd

Sámiráđđi da Saaʹmi parlamenttaarlaž suåvtõs liâ alttääm õhttsaž luʹvddkååʹdd, koon tuâjjân lij vaaldšed saaʹmi naroodlaž symboolid. Luʹvddkååʹddest liâ eeʹttǩeei SPN:st da Sámiráđđist. Saaʹmi naroodlaž symbool liâ Sääʹm lipp, säʹmmlai meersažpeiʹvv da Sääʹm sooǥǥ laull.