Sääʹm Ǩiõllkaʹlddi

Sääʹm Ǩiõllkaʹlddi (Saamen Kielikaltio) lij sääʹm meer õhttsažtâʹvvjânnmallaš äʹšštobddiorgaan sääʹmǩiõlid kuõskki aaʹššin. Lääʹdd, Ruõcc da Taarr Sääʹmtiiʹǧǧi vuâđđeem sääʹmǩiõli ämmat- da resursskõõskõs Sääʹm Ǩiõllkaʹlddi lij vuâđđuum ǩiiddâs jiõččnaž tåimmorgaanân Taarr Sääʹmteʹǧǧ õhttvuõʹtte 2022.

• Sääʹm Ǩiõllkaʹlddi vaʹsttad sääʹmǩiõlid kuõskki tâʹvvjânnmallaš õhttsažtuâj koordinâsttmõõžžâst, raavummšest da õõuʹdummšest.
• Sääʹm Ǩiõllkaʹlddi jurddjen lij sääʹm ǩeʹrjjǩiõli da mainstemǩiõli šõddeem kulttuurääʹrb seeiltummuš, käddmõš da õõudâsviikkmõš di sääʹmǩiõli seeiltummuš, raavummuš da õõudâsviikkmõš  vääʹldeeʹl seämmast lokku jeeʹres sääʹmǩiõli taarbid, vaʹǯǯtõõzzid da resuursid.
• Sääʹm Ǩiõllkaʹlddi vaʹsttad sääʹmǩiõli ǩiõllhuâlast.
• Sääʹm Ǩiõllkaʹlddi toiʹmmai õhttsaž äʹšštobddiorgaanân sääʹm ǩeʹrjjǩiõli noormtummuž kuõskki aaʹššin. Tääzz koʹlle terminologia noormtummuš da ǩeeʹrjtemvuâkkõõzz.
• Sääʹm Ǩiõllkaʹlddi tuâjjan lij regsmâʹtted sääʹmǩiõli sannõõzz da vieʹǩǩted nääiʹt peäʹlstes staanâd sääʹmǩiõli pueʹttiääiʹj.
• Sääʹm Ǩiõllkaʹlddi taʹrjjad ǩiõllõõʹnnʼjid vuäʹpstõõzz ǩiõllaaʹššin, mâta ouddm. ǩiõllhuõllu õhttneei kõõččmõõžžin.

Mika Saijets
Sääʹm Ǩiõllkaʹlddi jååʹđteei
+47 78 47 41 48, +47 902 01 138
mika.saijets(at)giellagaldu.org