23. – 24.5.2018

Sajos, Aanar

 

Šiõǥǥ vuässõõtti,

Tät sättǩeʹrjj âânn seʹst lââʹssteâđ iʹlmmtõõttâm, aassâm, vuässõõttâm-määus da jeeʹres lokkuväʹlddem aaʹšši pirr.

Iʹlmmtõõttmõš

Raukkâp iʹlmmtõõttmõõžž da pääiʹǩ vaʹrrjummuž mââimõõzzâst 23.4.2018 Milja Guttormist Čeäppõõzz õõuʹdeemkõõskõõzzâst; neʹttpooʹštin: milja.guttorm(at)taike.fi leʹbe teʹlfoonin: +358 295 330 865. Ǩeʹnnvânji iʹlmmet nõmmâd, vuässõõttâmpeivvad, organisaatiod, porrmõšvaʹlljummšääd da õhttvuõtt-teâđääd.

Instummuš

Meeʹst lie suåppmõšhââʹdd hoteʹll Kultahovin (teʹl +358 16 5117 100), hoteʹll Inarin (teʹl. +358 16 671 026) da Erähotelli Inarin (teʹl. +358 50 430 7600/430 9648). Uuʹccab budjeeʹtt instempääiʹǩ lie vuäǯǯmest Lomakylä Inarist (teʹl. +358 40 179 6069). Juõʹǩǩkaž vuässõõtti vaʹrrai jiiʹjjes instempääiʹǩ ââʹneeʹl koodd “Konferenssi”.

Jååʹđtõõzz

Instempaaiʹǩi da Sajoozz kõõsk jåått konfereʹnssjååʹđtõs, koonn tääʹrǩab äiʹǧǧmieʹrid iʹlmmtet mââibeäʹlnn. Âʹvvel ǩeʹrddemǩeeʹddest peäss Aanra buussin da taksin. Äiʹǧǧmeäʹr käunnʼje tääiʹben: https://www.eskelisen.fi/wp-content/uploads/2018/02/ivalo-airport-inari-mar2018.pdf. Takss: 0100 87888 (Takss Âʹvvel), 0100 84644 (Takss Suâlčiõʹlj).

Vuässõõttâm-mähss

Vuässõõttâm-mähss lij 20,00 euʹrred da tõn määuʹset Sääʹmteeʹǧǧ tiʹlle õuʹddel konfereeʹns äʹlǧǧem. Muuʹšt väʹldded mähsskuuit mieʹldd. Sääʹmteeʹǧǧ tiillnââmar lij: FI57 5645 0020 0098 33. Määusast i leäkku viiʹttjemnââmar. Piij saakk-ǩeâdda tiõtt “Konferenssi 2018”.

Konfereʹnssprogramm

Konfereʹnss- da kulttuurprograamm lie Sajoozzâst. Sajoozz kääʹrdest lij vuäʹpstempäiʹǩǩ, koʹst ooumaž vuäʹppast vuässõõttjid. Liŋkk prograʹmme käunnai tääiʹben da Aanar kartt käunnai tääiʹben: https://www.inari.fi/media/tek.-os.-kaavoitus/osoiteasiat//inarin-varitetty-osoitekartta.pdf.

Lââʹssteâđ

Milja Guttorm, Čeäppõõzz õõuʹdeemkõõskõs milja.guttorm@taike.fi +358 295 330 865