Tuomas Aslak Juuso leʹbe Gáijjot Ánte Issáha Duommá lij šõddâm Lahti gåårdest 7. täʹlvvmannust 1985. Juuso lij rävsmam nuʹt Lahti gåårdest ǥu Karesuvannost, leša vuâđđškooul son lij jååttam vueiʹvvääʹššest Lahti gåårdest. Juuso lij spraavâm puäʒʒ- da luâtt-tääll ämmat-tuʹtǩǩõõzz Sääʹm škooultemkõõskõõzzâst Kaamâs Toivonjaarǥâst. Lââʹssen son lij spraavâm puäʒʒtääl päkldõõzz prograamm (The Reindeer ambassador program, International Centre for Reindeer Husbandry) di kuursid alggmeervuõiggâdvuõđin (Sámi University College, Kautokeino). Ååʹn Juuso jäälast pääiʹǩest Karesuvanto.

Juuso vaalšeš Sääʹmteeʹǧǧ vuäzzliʹžžen vuõssmõs vuâra eeʹjjest 2008. Son lij lââʹssen nuõrmõs Sääʹmtegga vaalšum vuäzzlaž. Juuso vaalšeš Sääʹmteeʹǧǧ 2. väärrsaaǥǥjååʹđteeʹjen vaalpâjja 2016-2019 da ååʹn kuälmad pâjjses 2020-2023 Juuso vaalšeš Sääʹmteeʹǧǧ saaǥǥjååʹđteeʹjen täʹlvvmannust 2020.

Juuso lij leämmaž aktiivlânji mieʹldd sääʹmöhttsažkååʹdd toiʹmmjummšest nuõrrpooddâst ääʹljeeʹl. Juuso tååimi Lääʹdd Sääʹmnuõr rõ halltõõzz saaǥǥjååʹđteeʹjen iiʹjjin 2005-2007 da 2009-2012. Lââʹssen son lij tåimmam Õhttõõvvâm meerkooʹddi (ÕM) alggmeeri nuõri leett (Global Indigenous Youth Caucus) saaǥǥjååʹđteeʹjen iiʹjjin 2012-2015 da ÕM alggmeeri maaiʹlmkonfereeʹns õhttvuõđâst tåimmam alggmeeri globaal koordinaatiojoouk vuäzzliʹžžen 2012-2014. Son lij še määŋgain ÕM:st šõddmin saǥstõõllâmproseeʹssin mieʹldd, ouddmiârkkân EMRIP (Expert Mechanism on the Rights of Indigenous Peoples) mandaatt oođeemsaǥstõõllmõõžž, alggmeeri vuässõõttâmvuõiggâdvuõđ raʹvvjummuž ÕM:st kuõskki saǥstõõllmõõžž da ÕM maaiʹlmkonfereeʹns loppdokumeeʹnt saǥstõõllmõõžž.

Alggmeeri vuõiggâdvuõđ liâ Juusooʹje vääžnai da son še särnn, što ÕM alggmeeri čuõjtõs lij mäinn tõõzz, mõõn diõtt son vuõʹlji pukin vuõssmõõzzid sääʹmteʹǧǧvaalid mieʹldd.  Juuso puätt Kaijukka leʹbe Raittjääuʹr siidâst, koʹst puäʒʒhåidd vuâđđââvv vuäʹmm sääʹmsijdd-riâžldõʹǩǩe.

Tuomas Aslak Juuso

Saaǥǥjååʹđteei

Õhttvuõtt-teâđ

tuomas.juuso(at)samediggi.fi
+358 40 687 3394 / +358 10 839 3101

Saaǥǥjååʹđteei veäʹǩǩteei
Niina Siivikko
niina.siivikko@samediggi.fi
teʹl. 010 839 3164 / 040 584 0697