Rekigistem
Uásturekigeh
Viermirekigistem teknisiih tiäđuh
Nommâ: Samediggi/Saamelaiskäräjät
Y-tubdâldâh:1052535-3
Viermireekkigčujottâs:003710525353
Sirdee tubdâldâh:003708599126
Sirdee: Liaison Technologies
Keevti rekigij sirdemân paajaabeln mainâšum viermireekkigčujottâs já sirdee tubdâlduv.
Uásturekigeh šleđgâpoostâ peht
Puávtáh vuolgâttiđ reekkig meid PDF-häämist šleđgâpoostâ peht čujottâsân: fennoa.FI.P.124808-7(at)docinbound.com
- Vuolgât reekkig šleđgâpoostâ labdostiätuvuárkkán.
- Puávtáh vuolgâttiđ maaŋgâid rekigijd oovtâ šleđgâpostâviestâst, mutâ jyehi reekkig ferttee leđe sierâ tiätuvuárkkán. Jyehi tiätuvuárhást ferttee leđe eres nommâ.
- Labde reekkig labdosijd siämmáá pdf-tiätuvuárkkán jieš rekigáin.
- Ele lukkâd teikkâ suoijii PDF-tiätuvuárháid syelisaanijn.
- Labdos noomâ meerhah pyehtih leđe táválâš čäällimmeerhah, a-z, A-Z, 0-9. Ele keevti eromâšmeerhâid, ko adelah noomâ labdosijd.
Reekkig pävirin poostâ peht
Jis jieh pyevti toimâttiđ reekkig šleđgâpoostâ peht, te puávtáh vuolgâttiđ tom poostâ peht čujottâsân: Sämitigge/Saamelaiskäräjät, PL 57273, 01051 LASKUT
Pälkki- já mätkirekigijd irâttâsâin (main lii y-tubdâldâh) puáhtá vuolgâttiđ šleđgâlávt viermirekigin.
Lasetiäđuh viermirekigistmist
Irmeli Moilanen
Sämitigge/Saamelaiskäräjät
irmeli.moilanen(at)samediggi.fi
+358 10 839 3130
Pälkki- já mätkirekigeh
Pälkki- já mätkirekigijd irâttâsâin (main lii y-tubdâldâh) puáhtá vuolgâttiđ šleđgâlávt viermirekigin.
Vuáláčáállum pälkki- já mätkirekigeh y-tubdâlduvttáá toimâttuvvojeh pááppárrekigin poostâ peht tâi skannajum rekigin šleđgâpoostâ peht Sämitige ekonomiatoimâttâhân. Meid pälkki- já mätkirekigijd, moh puátih olgoenâmijn, puáhtá toimâttiđ pááppárrekigin poostâ peht tâi skannajum rekigin šleđgâpoostâ peht Sämitige ekonomiatoimâttâhân.
Sämitigge/ ekonomiatoimâttâh
Sämikulttuurkuávdáš Sajos
FIN-99870 Aanaar
Pälkki- já mätkirekigeh šleđgâpoostâ peht čujottâsân:
talous(at)samediggi.fi
Viärukoortah, pargotuođâštusah, tienâsmonâttem sajânmáksuucâmušah já čielgiittâsah toimâttuvvojeh poostâ tâi šleđgâpoostâ peht. Šleđgâpoostâ peht toimâttum äššikirjeh vuolgâttuvvojeh jieijâs ovdâsvástádâsân.
- Sämitige pälkkinjuolgâdus (suomâkielân)
Puávtáh luođiđ vuoluubeln PDF-luámáttuv tevdim várás. Luámáttuv puáhtá tevdiđ meiddei uásist lađđuin, tegu Chrome teikkâ Internet Explorer.
Elektronlâš mätkireekkig
Sämitigge lii váldám anon elektronlâš Excel-vuáđulâš mätkireekkig pävirreekkig lasseen. Elektronlâš mätkireekkig toimâttuvvoo njuolgist ekonomiatoimâttâhân šleđgâpoostâ peht čujottâsân talous(at)samediggi.fi. Puávtáh labdeđ mätkirekigân elektronlâš vuáláčáállus, mutâ tot ij lah págulâš. Mađhâšeijee vuolgât mätkireekkig elektronlávt jieijâs ovdâsvástádâsân.
- Staatâ mätkinjuolgâdus 2020 (suomâkielân)
Persovntiäđuh
Persovntiätuluámáttâh toimâttuvvoo vuosmuu pälkkiluámáttuv lahtosin teikkâ ko tiäđuh nubásmeh.
Persovntiäđui kieđâvuššâm
Persovn- já pargokoskâvuotâtiäđui paijeentoollâm lii uási ruttâtuálutooimâ päälhirekinistemproosees. Almotteijest lii vuoigâdvuotâ tärhistiđ jieijâs kyeskee tiäđuid.