Oppâmateriaaleh

Anarâškielâ

Nuorttâlâškielâ

Orjâlâškielâ

Sämitigge pyevtit já ruttâd sämikielâlijd oppâmateriaalijd ovdâ- já vuáđumáttááttâs, luvâttuvâi, áámmátlii já rävisolmoošškovliittâs tárboid. Lasetiäđuid addel Sämitige škovlim- já oppâmateriaaltoimâttâh Anarist.

Návt tun tiilááh oppâmateriaalijd

Tiervâpuáttim tiiláđ Sämitige oppâmateriaalijd! Nuurâ puoh kiirjijd, maid tun halijdah, uástukoorin já vuolgât tiilám škovlim- já oppâmateriaaltoimâttâhân. Ko tiilám lii valdum vuástá, mij vuolgâttep tunjin reekkig, mii siskeeld rekigistemmáávsu (5,00 €) já postâkoloid tiilám tiädu mield. Tiilám vuolgâttuvvoo, ko reekkig lii maksum.

Škovláid

Sämitigge juáhá nuuvtá sämikielâlii oppâmateriaal, maid tot ráhtá, Suomâ vuáđuškovláid, nube tääsi oppâlájádâssáid já sämikielâlii arâšoddâdemohtâduvváid. Oppâkirjeh toimâttuvvojeh jo-uv poostâ peht teikâ taid puáhtá viežžâđ Saijoos infoost tiilámkuuitâ vuástá. Škoovlâin piärroo 5,00 eur rekigistemmáksu já postâkoloh.

Huám. toimâttemääigih! Avžuuttuvvoo, ete čoovčâ oppâkirjeh tiilájuvvojeh jo kiđđuv ovdil ko škovlâ nohá, vâi kirjeh kiergâneh ääigild luuhâmpaje aalgân.

Priivaat ulmuuh

Meid priivaat ulmuuh pyehtih tiiláđ Sämitige oppâmateriaalijd. Huám. rekigân lasettuvvoo 5,00 € rekigistemmáksu já postâkoloh tiilám tiädu mield. Tiilám vuolgâttuvvoo, ko reekkig lii maksum.

Uccâ tiiláámijn mij avžuuttep rähtiđ tiilám Duodji Shop nettikäävpist čujottâsâst www.duodjishop.fi.

Olgoeennâm tiiláámeh

Olgoeennâm tiiláámijn pivdoo, ete reekkig máksoo muuneeld, mon maŋa kirjeh vuolgâttuvvojeh.

Digitaallâš materiaal

Ko tun tiilááh digitaallijd oppâmateriaalijd, te tun koolgah lahteđ tuu tiilám mieldi škoovlâ noomâ, materiaal kevttee uáppei lohomere sehe máttáátteijee noomâ já šleđgâpostâčujottâs. Škovlim- já oppâmateriaaltoimâttâh vuolgât máttáátteijee šleđgâpoostân máttáátteijee já uáppei čáládâttâmtubdâlduvâid. Suomâ škovláid digitaalliih oppâmateriaaleh láá nuuvtá.