Sämitige váldutoimâttâh já parlamentsali láá Sämikulttuurkuávdáš Sajosist Aanaar markkânist. Suomâ sämmilij parlamenttáálun puáhtá uápásmuđ uásálistmáin Sämikulttuurkuávdáš Saijoos ornim uápistum kolliistâlmân. Meid Sämitige puoh tievâsčuákkimeh láá ávus tilálâšvuođah.
Uápistum kolliistâlmeh
Saijoos uápistum kolliistâllâm argâpeeivij tme 12. Kolliistâllâm pištá s. 45 minuttid já ton ääigi piäsá uápásmuđ Sämitiigán já Sajosân. Loopâst čáittoo 15 miinuut kukkosâš Sápmi – The Way of Being uánihisfilmâ, mast piäsá uáiniđ tááláá ääigi eellim Säämist. Kolliistâllâm hadde lii 8 eurod ulmuu kuáttá já tot tuálá sistees käähvi/teejâ kähviviäsu Čaijust.
Uápistem juávhoid sopâmuš mield, hadde 150 eurod juávhu kuáttá. Väridem já tiäđuštâllâm sajos(at)samediggi.fi teikâ 010 839 3168.
Tievâsčuákkim čuávvuđ
Sämitige čuákkim čokkân 4-5 keerdi ivveest táválávt Sämikulttuurkuávdáš Sajosist. Čuákkimeh láá almoliih já taid puáhtá čuávvuđ pääihi alne parlamentsalist. Parlamentsalist tulkkumpiergâseh láá almolávt kiävtust.
