Nuortalašgielat alfabehtaide oahpisteaddji video lea válmmaštuvvan. Videos leaba mielde Tiina ja Elli-Dåʹmnn, soai ohcaba ja maid gávdnaba nuortalašgielat alfabehtaid. Juohke bustávas dadjaba sáni ovdamearkan. Video lea buvttadan Sámedikki skuvlen- ja oahppamateriáladoaimmahat. Buohkat sáhttet geahččat video friija. Videos leaba mielde Tiina Sanila-Aikio ja Elli-Dåʹmnn Aikio. Video giehtačállosa leaba bargan Tiina Sanila-Aikio ja Anna-Katariina Feodoroff. Video lea […]
Almmuheapmi Sámenuoraid dáiddadáhpáhussii álggii!
/in Ođđasat, Sámenuoraid dáiddadáhpáhus, Skuvlen ja oahppamateriála /by SámediggiAlmmuheapmi Sámenuoraid dáiddadáhpáhussii lea rabas 25.2.-25.3.2020 ja dahkkojuvvo interneahtas Webropol-prográmmain (gč. liŋkkaid vuolábealde). Amma fuomášehpet, ahte skuvlla oassálastin ja dánsunčájáhusat almmuhuvvojit sierra skoviiguin! Almmolaš almmuhanskovi galget deavdit buohkat, geat oassálastet dáhpáhussii – maiddái sii, geat eai oassálastte dánsunčájáhusaide. Sáhttibehtet váldit oktavuođa Unna-Maari Pulskai, juos leat muhtin jearaldagat. Guovttebeaivásaš dáiddadáhpáhus lágiduvvo dán jagi Anáris Sámekulturguovddáš Sajosis […]
Unna-Maari Pulska álggahii dáiddadáhpáhusa bargin
/in Ođđasat, Sámenuoraid dáiddadáhpáhus, Skuvlen ja oahppamateriála /by SámediggiSámenuoraid dáiddadáhpáhusa jahkásaš ordnemat besse ohpit johtui, go Unna-Maari Pulska álggahii Sámenuoraid dáiddadáhpáhusa bargin. Dáiddadáhpáhus lágiduvvo dán jagi Anáris Rivdola Vasatokkas ja Sajosis cuoŋománu 15.-16. beivviid. Jagi 2020 dáiddadáhpáhusa temá lea dánsa, man vuođul olles dáhpáhus huksejuvvo. Dáhpáhusas válljejuvvojit sámenuoraid ovddasteaddjit riikkaviidosaš Moves-dáhpáhussii, mii lágiduvvo Tamperes. Unna-Maari lea ovdalge, jagi 2016, leamaš lágideame dáhpáhusa, ja […]
OKM:a sámeoahpahusa ovddidanbargojoavku álggaha barggu Anáris
/in Ođđasat, Ođđasat sámi giellalága birra, Skuvlen ja oahppamateriála /by SámediggiOahpahusministtar Li Andersson ja dieđa- ja kulturministtar Hanna Kosonen leaba ásahan sámegielaid ja sámegielat oahpahusa ovddidanbargojoavkku. Bargojoavkku bargun lea guorahallat sámegielat árrabajásgeassima, kultur- ja giellabeassedoaimma, sámeoahpahusa ja – skuvlema dili oktan oppalašvuohtan. Bargojoavku čoahkkana vuosttas háve Anáris njukčamánu 11. beaivve. Sámedikki ságajođiheaddji Tiina Sanila-Aikio atná bargojoavkku ásaheami mearkkašahtti áššin ja dasa ásahuvvon doaimmaid dehálažžan. – […]
Sámi álbmotbeaivi 6.2.
/in Ealáhus ja vuoigatvuohta, Kultuvra, Nuorat, Ođđasat, Ođđasat sámi giellalága birra, Saamelaisten kansallispäivä, Sámi Giellagáldu, Skuvlen ja oahppamateriála, Sosiála ja dearvvasvuohta /by SámediggiSámediggi ordne rabas uvssaid beaivve Anára Sajosis sámi álbmotbeaivve 6.2.2020 dmu 11-15. Boađe oahpásmuvvat Sámedikki doaimmaide! Sámedikki almmolaš doaimmahat, skuvlen- ja oahppamateriáladoaimmahat ja sámegiela doaimmahat ovdan buktet doaimmaset Sajosis. Sámediggi fállá gussiide ávvokáfe ja Sajosa restoráŋŋa Čaijus sáhttá oastit álbmotbeaivve lunšša. Sámi álbmotbeaivvi 6.2. prográmma Anáris Bures boahtin buohkaide! diibmu 7.00 rájes Yle Sápmi sádde […]
Raporta rájá rasttildeaddji skuvlaovttasbarggu birra almmuhuvvui
/in Ođđasat, Skuvlen ja oahppamateriála /by SámediggiOvdaprošeavtta raporta ”Rájáhis sámeoahpahus” almmuhuvvui gaskavahku 4.12. Sámedikkis Kárášjogas, go prošeaktačálli Arla Magga geigii raportta sámediggeráđđái Mikkel Eskil Mikkelsenii. – Mii leat giitevaččat dan barggu ovddas mii lea dahkkon, mii šaddá dehálažžan Norgga, Suoma ja Ruoŧa beal Sámedikkiide boahtteáiggis mii guoská oahppoplánaide, oahpponeavvuide ja skuvlaovttasbargui. Dat láhčá dili eanet ovttasbargui, dadjá sámediggeráđđi Mikkel Eskil Mikkelsen. […]
Sámediggi juohká stipeanddaid guđa allaskuvlastudentii
/in Ođđasat, Skuvlen ja oahppamateriála /by SámediggiSáárá Seipiharju, Janne Hirvasvuopio, Tytti Kyrö, Suvi-Tuuli Veijola, Mira Rauhala ja Máren-Elle Länsman ožžot dán jagi Sámedikki allaskuvlastudeanttaid stipeanddaid. Sámediggi almmuhii guovvamánu 9. beaivve ohcanláhkai oktiibuot guhtta 500 euro stipeandda. Dat leat oaivvilduvvon sámegiela ja/dahje sámekultuvrra oaiveávnnas- ja oalgeávnnasstudeanttaide ja oahppiide geat leat alitdási oahpuin, mat válbmejit sámegielat bargoeallimii. Stipeandaohcamušat bohte oktiibuot 12. Stipeanddaid ohcanáigi […]
Sámenuoraid dáiddadáhpáhus 2020 ordnejuvvo Anár Sajosis ja Rivdol Vasatokkas
/in Ođđasat, Sámenuoraid dáiddadáhpáhus, Skuvlen ja oahppamateriála /by SámediggiSámenuoraid dáiddadáhpáhus 2020 ordnejuvvo Anáris, Sámekulturguovddáš Sajosis ja nuoraidguovddáš Vasatokkas, Rivdolis. Dáhpáhus lea 15. -16. beaivve cuoŋománu. Dáhpáhusa temán lea dánsa, man vuođul olles prográmma huksejuvvo. Dáiddadáhpáhusa leat ovttasbarggus ordnemin Taike sámekultuvrra leanadáiddár Auri Ahola, Sámedikki skuvlen- ja oahppamateriáladoaimmahat, nuoraidráđđi, Sámi mánáidkulturguovddáš Mánnu sihke filbma- ja musihkkaguovddážat. Dáiddadáhpáhusa ordnema birra dieđihuvvo dárkilabbot boahtte jagi bealde. […]
Sámediggi almmuha ohcanláhkai oktiibuot (6) guhtta stipeandda
/in Ođđasat, Skuvlen ja oahppamateriála /by SámediggiALMMUHUS Sámediggi almmuha ohcanláhkai oktiibuot (6) guhtta 500 euro stipeandda, mat leat dárkkuhuvvon sámegiela ja/dahje sámekultuvrra oaiveávnnas- ja siidoávnnasstudeanttaide ja oahppiide geat leat alitdási oahpuin, mat válbmejit sámegielat bargoeallimii. Ohcciin bivdojuvvojit erenomáš vuođustusat stipeandda oažžuma várás. Vuođustussan sáhttet leat ee. oahppočájánasbarggu ráhkadeapmái gullevaš erenomáš golut dahje ruoktobáikki ja studerenbáikki guhkes gaskkas šaddan mátkegolut. Bivdojuvvo ahte […]
Sámeguovllu badjeskuvllat ožžot skeaŋkan suoma- ja sámegielat girjjiid
/in Ođđasat, Skuvlen ja oahppamateriála /by SámediggiSámeguovllu badjeskuvllat ožžot girjeskeaŋkan 10 sámegielat ja 102 suomagielat girjji. Suoma kulturruhtaráju Lukuklaani-fidnu skeŋke girjjiid Suoma juohke badje- ja oktasašskuvlii. Juohke skuvlla oažžu 112 girjji. Lukuklaani-fidnu ollašuhttimis vástida Lastenkirjainstituhta ja sámegielat girjjiid oasil Sámedikki skuvlen- ja oahppamateriáladoaimmahat. Sámegielat girjepakeahtas leat sámegillii čállojuvvon ja jorgaluvvon girjjit, diktagirjjit ja máidnasat, fantasiijagirjjit ja muitalusat duohta eallimis.
Ođđa oahppamateriálasiiddut ja neahttagávpi rahpasedje
/in Ođđasat, Skuvlen ja oahppamateriála /by SámediggiSámedikki oahppamateriálain leat dál ođđa siiddut ja oahppamateriála neahttagávpi! Ođđa siidduid bokte skuvllat sáhttet álkit diŋgot girjjiid Sámedikki skuvlen- ja oahppamateriáladoaimmahagas. Maiddái priváhta olbmot sáhttet diŋgot girjjiid siidduid bokte. Sámediggi juohká nuvttá iežas sámegielat oahppamateriála Suoma vuođđoskuvllaide, nuppi dási oahppolágádusaide ja sámegielat árrabajásgeassinossodagaide. Oahppogirjjit doaimmahuvvojit jogo poastta mielde dahje daid sáhttá viežžat Sajosa infos, go […]
Anárašgiela vieris giela oahppagirjeráidu gárvvásnuvai
/in Ođđasat, Skuvlen ja oahppamateriála /by SámediggiAnárašgiela vieris giela oahppagirjeráidu Hitruu lea dál gárvvis teakstagirjjiid oasil. Skuvlajagi álgui almmustuvai ráiddu maŋimus oassi Hitruu 4 -Sämieennâm. Oahppogirjeráidu lea oaivvilduvvon anárašgiela vieris giela oahpahussii vuođđooahpahusluohkáide 3.-6. Ráiddus leat ovdalis almmustuvvan oasit Ááhu kuuvl, Pennuuseibi ja Skipáreh. Dál almmustuvvan ođđa girji lea oaivvilduvvon guđátluohkkálaččaide. Ánná ja Saammâl fearánastiba oahppogirjjis vuot duođalaš, boares ja […]
Ođđa nuortalašgielat máinnasgirji Silbbseiʹbb rieʹmjj almmustuvai
/in Ođđasat, Skuvlen ja oahppamateriála /by SámediggiOđđa nuortalašgielat máinnasgirji Silbbseiʹbb rieʹmjj lea almmustuvvan. Silbbseiʹbb rieʹmjj – girji muitala guovtti riebana ustitvuođas ja das, mo dat veahkeheaba nubbi nuppi. Máinnas, man Elina Moshnikoff lea čállán, lea áibbas ođđa muitalus vaikko das leat vuohttimis oktavuođat boares muitalusaide. Heidi Juliana Gauriloff ivdnás govat geasuhit lohkat ja guldalit máidnasa go vaikkoba áhčči, eadni, áhkku dahje […]
Ođđa bargogirji davvisámegillii almmuhuvvui
/in Ođđasat, Skuvlen ja oahppamateriála /by SámediggiOđđa davvisámegiela bargogirjji GEA-oahppogirjeráidui lea almmustuvvan. Gea-ráidu lágiduvvo vuolleskuvlla vieris giela oahpahussii. GEA 3 bargogirji čakčii lea oaivvilduvvon vuođđooahpahusa goalmmát luohká vieris giela oahpahussii GEA 3 lohkangirjji bálddas. Girjji teavsttaid lea čállán Oona Länsman ja dat sisttisdoallá máŋggabealat hárjehusaid čakčabadjái. Girjji govaid lea sárgon ja layout ráhkadan Nora Bäck. Diŋgojumit: kirjatilaus(at)samediggi.fi Lassedieđut: skuvlen- ja oahppamateriáladoaimmahat […]
Sámegielat ávnnasoahpaheaddjiid skuvlenfidnu álggahuvvui
/in Ođđasat, Skuvlen ja oahppamateriála /by SámediggiSámegielat ávnnasoahpaheaddjiid skuvlenfidnu, Ketterä allaskuvla álggahuvvui giellaoahpuiguin Anáris maŋŋebárgga 13.8. Fidnu mihttomearrin lea skuvlet jođánit ođđa ávnnasoahpaheaddjiid sihke sámegielaid ja eará oahppoávdnasiid oahpahussii. Oahpaheaddjit lea buot golmma sámegielas ja olles riikkas uhcán. Sámediggi barggai 2017 ovdačielggadusa, man dieđu mielde sámegielat oahpaheaddjit eai leat doarvái. Davvisámegielat luohkáoahpaheaddjit ja davvisámegielat ávnnasoahpaheaddjit leat válmmaštuvvan eanemus, muhto maid sidjiide […]
Ođđa vieris giela hárjehusgirji anárašgillii almmuhuvvon
/in Ođđasat, Skuvlen ja oahppamateriála /by SámediggiOahppit, geat lohket anárašgiela vuođđooahpahusa viđat luohkás, ožžot ođđa hárjehusgirjji. Hitruu! 3 Hárjuttâsah -bargogirji lea almmustuvvan. Bargogirjji lea čállán Henna Aikio ja dat sisttisdoallá hárjehusaid Hitruu! Skipáreh -teakstagirjái. Girji lea oaivvilduvvon vuođđooahpahusa viđat luohkkái vieris giela oahpahussii. Hárjehusgirjji bargobihtáin hárjehallet teakstagirjji sisdoaluid máŋggabealágit. Buot girjjis almmuhuvvon sátneruossalasaid lea vejolaš bargat maid digitálalaččat Cloubi-vuođus. Diŋgojumit: kirjatilaus(at)samediggi.fi […]
Muitalusat, girjjit ja hárjehusat rivdet digitála hápmái – Skuvlen- ja oahppamateriáladoaimmahagas lea hušša!
/in Ođđasat, Skuvlen ja oahppamateriála /by SámediggiSámedikki lea bálkáhan dán geassái njeallje prošeaktabargi ráhkadit oahppamateriálaid. Juohke sámegillii lea sierra bargi ja dan lassin lea bálkáhuvvon okta digimateriálabargi. Anáraš- ja davvisámegielat bargiguovttos leaba bálkáhuvvon Sámegielaid gáiddusoahpahusa pilohttafidnui ja soai rahčaba gárvendihtii digitálamateriálaid jođaneamos lági mielde gáiddusoahpahusa várás. Davvisámegiela oahppamateriálabargi Solja Magga ráhkada Gea 2 -girjjis digitálalaš veršuvnna Cloubi -vuđđui. Digitála materiálas lea […]
Anáraš- ja davvisámegiela bustávvatávvalat leat almmustuvvan
/in Ođđasat, Skuvlen ja oahppamateriála /by SámediggiOahpaheaddjiid guhká sávvan anáraš- ja davvisámegielaid bustávvagovvatávvalat leat almmuhuvvon. Anárašgiela bustávvatávvalat leat almmuhuvvon fiermmis, davvisámegiela bustávvatávvalat sihke fiermmis ja printejuvvon hámis. Anárašgiela bustávvagovaid lea ráhkadan oahpaheaddji-govvadáiddar Tania-Maria Moilanen. Bustávvatávvaliid sáhttá luđet ja printet dás. Davvisámegiela bustávvatávvaliid govaid lea ráhkadan Nora Bäck, gii lea govvadahkkin maiddái Sámedikki almmuhan Gea-oahppamateriálaráidui. Bustávvatávvaliid sáhttá luđet ja printet dás, dahje […]
Sámegielaid gáiddusoahpahusfidnu válmmaštallá doaimma stáđásmahttima
/in Ođđasat, Skuvlen ja oahppamateriála /by SámediggiSámegielaid gáiddusoahpahusfidnu ohcá čovdosiid, vai doaibma stáđásmuvvá. Fidnu álggahuvvui čakčat 2018 ja dat nohká jagi 2020 loahpas. Ovdal dán fitnu doaibmit galget ráhkadit oahpahus- ja kulturministeriijai evttohusa sámegielaid gáiddusoahpahusa stáđásmahttimii sámiid ruovttuguovllu olggobealgielddain. Sullii 70 % vuođđooahpahusahkásaš sámemáná ásset ja gazzet oahpu ruovttuguovllu olggobealgielddain. Vuosttaš doaibmajagi fidnu attii sámegielaid gáiddusoahpahusa oktiibuot 16 nuortalašgiela, 18 anárašgiela […]
Sámediggi jugii stipeanddaid – nuortalašgiela studeantaiskosa čállit eanet go goassige ovdal
/in Ođđasat, Skuvlen ja oahppamateriála /by SámediggiSámediggi jugii skuvllaid giđđafeasttain stipeanddaid oahppiide, geat leat bures menestuvvan sámegiela oahpuin. Stipeanddat juhkkojuvvojedje oktiibuot 20 vuođđooahpahusa čađahan oahppái ja ovcci ođđa studentii, geat leat čađahan sámegiela iskosa studeantadutkosis. Sámi oahpahusguovddáža oahppiin stipeandda ožžo 15 oahppi, geain ovccis čađahedje nuortalašgiela ja golmmas anárašgiela studeantaiskosa. Sámedikki ságadoalli Tiina Sanila-Aikio illuda erenomážit das, go nu máŋggas leat […]
Čohkket dieđuid sámi skuvlaovttasbarggus – bivdit vástidit!
/in Ođđasat, Skuvlen ja oahppamateriála /by SámediggiSámi Parlamentáralaš ráđđi lea ásahan oktan ulbmilin sámi skuvlaovttasbarggu viiddideami ja nannema. Norgga Sámediggi lea ásahan davviriikkalaš bargojoavkku, mii lea dál čielggadeame ášši ja válmmaštallame evttohusaid rájáhis sámi skuvlaovttasbarggu ovddideapmái. Barggu duohken ja vuođđun lea Suoma Ohcejoga ja Norgga Sirpmá skuvllaid guhkesáigge ovttasbargu, man vásáhusaid lea vejolaš ávkkástallat maid eará sajiin. Barggu ulbmilin lea láhčit […]
Geassebargu Sámedikki skuvlen- ja oahppamateriáladoaimmahagas
/in Ođđasat, Rabas virggit, Skuvlen ja oahppamateriála /by SámediggiSámediggi bálkáha geassit 2019 guovtti mánotbadjái ovtta sesoŋgabargi ráhkadit nuortalašgielat oahppamateriála ja ovtta digimateriálabargi. Digimateriálabargi bargun lea bidjat davvisáme- ja anárašgielat materiálaid Cloubi-vuođu ala. Álggahanáigi sohppojuvvo sierra. Geassebargguide sáhttá ohcat maiddái hárjehallin, juos ii leat ovdal bargan Sámedikkis. Hárjehalli barggu eaktun lea, ahte oahppi/ stuđeanta oažžu iežas oahppolágádusas hárjehallandoarjaga. Juos leat beroštuvvan bajábealde máinnašuvvon geassebargguin deavdde ja sádde ohcamuša vuolábeale liŋkkas Sámediggái […]
Atte máhcahaga Sámenuoraid dáiddadáhpáhusas 2019!
/in Dáhpáhusat, Nuorat, Ođđasat, Sámenuoraid dáiddadáhpáhus, Skuvlen ja oahppamateriála /by Anna LumikiviSámenuoraid dáiddadáhpáhusas lea gollán dál mánotbadji. Čoaggit máhcahagaid dáhpáhusa birra Webropolis gaskavahku 22.5. dmu 12.00 rádjái. Dáhpáhusa ordnejeaddjit váldet hui mielas vuostá máhcahaga dáhpáhusas – mii lei buorre, maid livčče sáhttit buorebut boahtte háve? Sáhtát čállit máhcahaga iežat sániiguin ja addit maid áibbas konkrehtalaš ovdamearkkaid omd. bargobájiin, maid sávat dáiddadáhpáhussii boahttevaš jagiid! Máhcahatskovvi gávdno dáppe: […]
Atte máhcahaga sámegielaid gáiddusoahpahusas!
/in Ođđasat, Skuvlen ja oahppamateriála /by SámediggiSámegielaid gáiddusoahpahusfidnu bivdá ahte oahppit, fuolaheaddjit ja virgeolbmot, geat leat oassálastán gáiddusoahpahussii, addet máhcahaga vássán lohkanjagis. Prošeaktabargit sávvet máhcahaga beliin, maid seahtá ovddidit ja maid beliin, main fidnu lea lihkostuvvan. Vástidemiin sáhttá maid addit ideaid dahje evttohusaid boahtte lohkanjagi várás. Prošeaktabargit sávvet ahte nu ollugat vástidivčče, go vejolaš. Vástideapmi váldá áiggi sullii vihtta minuhta. Máhcahanskovit […]
Čearpmahat vuolgá ovddastit sámenuoraid riikkaviidosaš Teatris-dáhpáhussii
/in Dáhpáhusat, Nuorat, Ođđasat, Sámenuoraid dáiddadáhpáhus, Skuvlen ja oahppamateriála /by Anna LumikiviVuohččulaš nuoraid teáhterjoavku Čearpmahat vuolgá ovddastit sámenuoraid riikkaviidosaš Teatris-dáhpáhussii Jyväskyläi miessemánus. Joavkkus leat oktiibuot njeallje nuora ja sin bagadallin doaibmá Mathis Ole Vars. Duopmárat rámidedje joavkku ovdanbuktimis earenomážit dan čielga ollisvuođa. Anára Sajosis gaskavahku ja duorastaga 10. – 11.4. ordnejuvvon Sámenuoraid dáiddadáhpáhus lihkostuvai bures. – Dáhpáhussii eai goassige ovdal leat oassálastán nu olu mánát ja […]
Sámenuoraid dáiddadáhpáhus álgá
/in Dáhpáhusat, Nuorat, Ođđasat, Sámenuoraid dáiddadáhpáhus, Skuvlen ja oahppamateriála /by Anna LumikiviDe dál dat viimmat álgá – Sámenuoraid dáiddadáhpáhus beassá johtui gaskavahku 10.4. rahpamiiguin! Sajosa auditorias gullat musihkkaovdanbuktimiid buot Suomas hupmon sámegielaide dmu 18.00 rájes. Dáhpáhusa váldobeaivve, duorastaga 11.4. auditorias lávddi nala njuikejit sámenuorat iežaset sámegielat teáhterčájáhusaiguin. Duorastaga Sajosa uvssat rahpasit dmu 8.00, goas rahpasit maiddái almmuhanbáiki sihke bargobajit Sajosa stuorrafeaskáris ja Soljjus. Bargobájiid lassin dáhpáhusas […]
Katja Gauriloff, Ánneristen Juuso ja Heli Huovinen dáiddadáhpáhusa duopmárin – dáhpáhusa prográmma almmustuvvon
/in Dáhpáhusat, Nuorat, Ođđasat, Skuvlen ja oahppamateriála /by Anna LumikiviFilbmabagadeaddji Katja Gauriloff, filbmanásti/neavttár Ánneristen Juuso ja neavttár/sámegielat mánáid TV Unna Junná buvttadeaddji Heli Huovinen barget Sámenuoraid dáiddadáhpáhusa duopmárin 10.-11.4. Anáris Sajosis. Ordnejeaddjit illudit, go dovddus ealligovva- ja tv-násttit leat mielde. – Iežas kultuvrra ovddasteaddji beakkálmasaid oaidnin iežas dáhpáhusas lea hui fiinnis. Sáhttá dušše govahallat, mo orru ovdanbuktit iežas teáhtera stuorra máilmmis bálkkašuvvon dáiddáriid ovddas, […]
Guoktenuppelot teáhterbihtá Sámenuoraid dáiddadáhpáhussii!
/in Dáhpáhusat, Nuorat, Ođđasat, Sámenuoraid dáiddadáhpáhus, Skuvlen ja oahppamateriála /by Anna LumikiviSámenuoraid dáiddadáhpáhussii almmuheapmi nogai 15.3., ja dáhpáhussii almmuhuvvojedje olu čájálmasat! Dáhpáhusa váldobeaivve, duorastaga 11.4., oaidnit 12 sámegielat čájálmasa, main leat fárus oktiibuot badjel čuođi máná ja nuora. Dáhpáhusa ordnejeaddjit illudit sakka ná valjis oassálastiid mearis. Lassedieđut dáhpáhusa áigetávvaliin almmuhuvvojit maŋimustá bearjadaga 29.3. Dál lea goit juo sihkar, ahte duorastaga prográmma álggahuvvo árabut go ovdal lea […]
Sámegielaid gáiddusoahpahusfitnu ohppiidlohku lassána – ain geargá almmuhit oahpahussii
/in Ođđasat, Skuvlen ja oahppamateriála /by SámediggiSámegielaid gáiddusoahpahusa pilohttafitnu ohppiid- ja studeanttaidlohku lassána. Lohkanjagi 2018–2019 fidnu gáiddusoahpahusa leat ožžon oktiibuot sullii 50 oahppi. Lohkanjahkái 2019–2020 oahppit ja studeanttat leat almmuhuvvon badjelaš 60. Almmuhanáigi čuovvovaš lohkanjagi oahpahussii nogai guovvamánus ja almmuheamit dahkkojedje eanaš elektrovnnalaš skoviin. Fitnu oahpahus lea vuođđooahpahusa ja logahatskuvlejumi dievasmahtti sámegiela oahpahus 2 vd/oahpahusjoavku. Lohkanjagi 2019–2020 fidnu pilotere sámegielaid oahpahusa […]
Sámenuoraid dáiddadáhpáhussii almmuheapmi álggii
/in Dáhpáhusat, Nuorat, Ođđasat, Skuvlen ja oahppamateriála /by Anna LumikiviAlmmuheapmi Sámenuoraid dáiddadáhpáhussii lea álgán, ja dat dáhpáhuvvá neahtas, Webropolis. Almmuheapmi lea rabas 1.-15.3. Buohkat, geat oassálastet dáhpáhussii, galget deavdit almmolaš almmuhanskovi – maiddái sii, geat eai oassálastte teáhter- dahje máinnastangilvvuide. Guovttebeaivásaš dáiddadáhpáhus ordnejuvvo dán giđa Anáris Sámekulturguovddáš Sadjosis 10.-11.4. Dáhpáhusa riikaviidosaš temán lea teáhter ja sámetemán Máinnasteami máŋggat hámit. Dáhpáhusa rahpan dollojuvvo gaskavahku 10.4. […]
Anna Lumikivi álggahii dáiddadáhpáhusbargin
/in Dáhpáhusat, Nuorat, Ođđasat, Skuvlen ja oahppamateriála /by Yllä PitäjäSámenuoraid dáiddadáhpáhusa ordnen vuolgá dál duođas johtui. Nuortalašgielat musihkkár Anna Lumikivi lea álggahan dáiddadáhpáhusbargin skuvlen- ja oahppamateriáladoaimmahagas. Dáiddadáhpáhus ordnejuvvo Anáris Sadjosis cuoŋománu 10.-11. beivviin, temán leat teáhter ja muitaleami máŋggat hámit. Dáhpáhusas válljejuvvojit sámenuoraid ovddasteaddjit riikka dási Teatris-dáhpáhussii, mii ordnejuvvo Jyväskyläs miessemánus. Dasa lassin bálkkašuvvojit buoremus muitaleaddjit. Muitaleami hámit sáhttet leat iešguđetlágán sátnedáidaga hámit sihke […]
Sámegielaid gáiddusoahpahusfidnu galledii Etäkoulu Kulkuri -gáiddusskuvllas
/in Ođđasat, Skuvlen ja oahppamateriála /by SámediggiSámegielaid gáiddusoahpahusa pilohttafidnu prošeaktabargi guovttos Eila Tapiola ja Arla Magga galledeigga 24.–26.1. Helssegis Etäkoulu Kulkuris, Pasila vuođđoskuvlla suoma-sáme-luohkás ja oahpahus- ja bajásgeassinsuorggi dáhpáhusas Educas. Erenomáš galledan- ja oahppanbáikin lei Etäkoulu Kulkuri, mii fállá earret eará iežas eatnigiela oahpahusa gáiddusoahpahussan suopmelaš mánáide, geat ásset miehtá máilmmi. Prošeaktabargi guovttos deaivvadeigga Etäkoulu Kulkuris skuvlla jođiheaddji Tuija Tammelander, oahpporávvejeaddji […]
Ministeriija ja Oahpahusráđđehus ávžžuhit skuvllaid váldit vuhtii sámiid álbmotbeaivvi
/in Dáhpáhusat, Ođđasat, Skuvlen ja oahppamateriála /by SámediggiSámi álbmotbeaivi lea heivvolaš beaivi oahpásnuvvat buorebut Eurohpá uniovnna áidna eamiálbmogii ja dan kultuvrii. Oktavuohta.com -siidduin gávdno valjis materiála oahpahussii. Álbmotbeaivve sáhttá čuovvut Sámi oahpahusguovddáža live-oahppodiimmu. Sápmelašvuhtii sáhttá vuojulduvvat maiddái nuvttá hárjehusgihppagiin dahje skuvlagalledemiiguin. Sápmelašvuhtii sáhttá oahpásnuvvat ovdamearkka dihte filmma, musihka dahje iešguđegelágan sápmelašvuođa gieđahalli temáid, degomat sámegielaid, sámi gárvvuid, sámi ealáhusaid dahje álbmogii laktáseaddji dovddaldagaid […]
Sámediggi almmuha ohcan láhkái mearreáigásaš sámenuoraid dáiddadáhpáhusa prošeaktabargi doaimma
/in Dáhpáhusat, Ođđasat, Rabas virggit, Skuvlen ja oahppamateriála /by SámediggiSámediggi almmuha ohcan láhkái mearreáigásaš SÁMENUORAID DÁIDDADÁHPÁHUSAPROŠEAKTABARGI DOAIMMA Bargu álgá soahpamuša mielde ja joatkašuvvá 30.4.2019 rádjái. Prošeaktabargi bargun lea vástidit Sámenuoraid dáiddadáhpáhusa plánema, lágideami, oktavuođa doallama dáhpáhusa oassálastiiguin ja lágideddjiiguin, dieđiheami, eará ovdaválmmaštallama ja dáhpáhusa loahppabargguid. Dáiddadáhpáhus lágiduvvo 10.-11.4. Sadjosis. Prošeaktabargi bargá Sadjosis skuvlen- ja oahppamateriáladoaimmahagas, man ovdaolmmožin bargá skuvlenčálli. Doaimma ceavzilis dikšun eaktuda sámegiela […]
Sámediggi almmuha ohcan láhkái mearreáigásaš doaimmahatčálli barggu
/in Ođđasat, Rabas virggit, Skuvlen ja oahppamateriála /by SámediggiSámediggi almmuha ohcan láhkái mearreáigásaš DOAIMMAHATČÁLLI BARGGU Bargu álgá soahpamuša mielde ja bistá 31.12.2019 rádjai. Doaimmahatčálli bargá Sajosis skuvlen- ja oahppamateriáladoaimmahagas, man ovdaolmmožin bargá skuvlenčálli. Doaimmahatčálli bargguin lea mearriduvvon sámedikki bargoortnega 41 §:s. Seađáhusvuđđosaš gelbbolašvuođagáibádussan lea barggu eaktudan skuvlejupmi ja lassin gáibiduvvo sámegiela dáidu (sámedikkis addojuvvon ásahus 1727/1995). Virggi ceavzilis dikšuma veahkeha máŋggabealat hárjánupmi doaimmahatbargguide. […]
Sámegielaid gáiddusoahpahusfidnu neahttasiiddut rahppojedje – oahpahussii almmuheapmi álgán
/in Ođđasat, Skuvlen ja oahppamateriála /by SámediggiSámegielaid gáiddusoahpahusa pilohttafidnu neahttasiiddut leat rahppojuvvon. Siidduide beassá dán liŋkkas. Oahpahussii lohkanjahkái 2019-2020 sáhttá almmuhit skoviin, mii gávdno siidduin. Neahttasiiddut fállet áigeguovdilis dieđu sámegielaid gáiddusoahpahusfidnus, dan bargiin ja oahpaheddjiin ja maiddái sámegielat oahppamateriálain. Siidduin gávdnojit maiddái erenomážit skuvllaide ja fuolaheddjiide dárkkuhuvvon fidnu áššegirjjit ja lassin ságastallansiidu ohppiide ja studeanttaide. Siidduide beaiváduvvojit fidnu áigeguovdilis dáhpáhusat, ođđasat […]
Sámenuoraid dáiddadáhpáhus 2019 ordnejuvvo Sajosis Gáregasnjárgga skuvlla sisáibmováttisvuođaid dihte
/in Dáhpáhusat, Ođđasat, Skuvlen ja oahppamateriála /by SámediggiSámenuoraid dáiddadáhpáhus 2019 ordnejuvvo Sámekulturguovddáš Sajosis cuoŋománu 10.-11. beivviin. Dáhpáhus ii ordnejuvvo Ohcejoga Gáregasnjárgga skuvllas ja máŋggadoaibmahálla Njálas nugo ovdal lea dieđihuvvon. Skuvllas leat gávnnahan duođalaš sisáibmováttisvuođaid. Skuvla, Ohcejot gielda ja Sámedikki skuvlen- ja oahppamateriálalávdegoddi leat soahpan áššis. Sámediggi oaččui duorastaga 10.1. dieđu Gáregasnjárgga skuvlla duođalaš sisáibmováttisvuođain. Seammás gieldda bealis sávve, ahte dáhpáhus ii ordnejuvvošii […]
Sámedikkit háliidit nannet rájiid rasttildeaddji skuvlaovttasbarggu sámeguovlluin
/in Ođđasat, Skuvlen ja oahppamateriála /by SámediggiNorgga, Ruoŧa ja Suoma Sámedikkit leahkastit ođđa siiddu rájiid rasttildeaddji sámi skuvlaovttasbarggu nannema dáfus. Sirpmás ja Ohcejogas lea leamašan juo guhká skuvlaovttasbargu, mii doarju sámegiela. Dán háliidit dorvvastit. Seammás čielggadit eará rádjeguovlluid skuvllaid, mat addet sámeoahpahusa, ovttasbarggu dili ja vejolašvuođaid. Sápmelaš skuvlaovttasbarggu ovddideapmi lea oassin Sámi Parlamentáralaš Ráđi mihttomeriid. Norgga Sámediggi jođiha davviriikkalaš bargojoavkku, mas […]
Sámenuoraid dáiddadáhpáhus 2019 Gáregasnjárgga ođđa Njálla hállas
/in Ođđasat, Skuvlen ja oahppamateriála /by SámediggiSámenuoraid dáiddadáhpáhus 2019 ordnejuvvo Gáregasnjárgga ođđa Njálla máŋggadoaimmathállas ja skuvlla birrasis cuoŋománu 10.-11. beaivve. Riikaviidosaš temán dáhpáhusas lea teáhter ja sápmelaš temán ”Muitaleami máŋggat hámit / Kertomisen monet muodot”. Dáhpáhusa oktavuođas ordnejuvvo maiddái lagašoahpahusbeaivi oahppiide, geat lohket sámegielaid ruovttuguovllu olggobealde. Riikaviidosaš temá rávvagat leat https://nuorikulttuuri.fi/ – siidduin. Sápmelaš temá sáhttá leat ovdamearkka dihte juoigan, livđe, […]
Anárašgiela bustávvavideo válmmaštuvai
/in Ođđasat, Skuvlen ja oahppamateriála /by SámediggiAnárašgiela bustávaide oahpisteaddji video lea válmmaštuvvan. Videos leaba mielde Sáárákáisá ja Siiri. Soai ohcaba ja maid gávdnaba anárašgiela alfabehtaid. Juohke bustávas dadjaba sáni ovdamearkan. Video lea buvttadan Sámedikki skuvlen- ja oahppamateriáladoaimmahat. Buohkat sáhttet geahččat video friija. Videos leaba mielde Sáárákáisá Seurujärvi ja Siiri Angeli. Video giehtačállosa leaba bargan Henna Lehtola ja Neeta Jääskö. Video lea […]
Nuortalašgielat alfabehtavideo lea válmmaš
/in Ođđasat, Skuvlen ja oahppamateriála /by SámediggiNuortalašgielat alfabehtaide oahpisteaddji video lea válmmaštuvvan. Videos leaba mielde Tiina ja Elli-Dåʹmnn, soai ohcaba ja maid gávdnaba nuortalašgielat alfabehtaid. Juohke bustávas dadjaba sáni ovdamearkan. Video lea buvttadan Sámedikki skuvlen- ja oahppamateriáladoaimmahat. Buohkat sáhttet geahččat video friija. Videos leaba mielde Tiina Sanila-Aikio ja Elli-Dåʹmnn Aikio. Video giehtačállosa leaba bargan Tiina Sanila-Aikio ja Anna-Katariina Feodoroff. Video lea […]
NEKK – Noveʹllnorldõk 2 – girjji almmuhandilálašvuohta Čeavetjávrri skuvlla sáles 31.10.2018 dmu 12.00
/in Dáhpáhusat, Ođđasat, Skuvlen ja oahppamateriála /by SámediggiSámediggi lea buvttadan Niilo Aikio čállin ja Marketta Nilsen govven noveallačoakkaldaga nuppi oasi davvi-, nuorta- ja anársámegillii. Davvi- ja anársámegielat girjjit almmustuvve giđđat. Ávvudit dál nuortasámegielat girjji almmustuvvama Čeavetjávrri skuvlla sáles gaskavahkut 31.10.2018 dmu 12.00. Buohkat leat buresboahtán dilálašvuhtii. Girjeráiddu nuppi oasi noveallain joatkašuvvet nuorra gándda fearánat Buolbmátjávrri gilis. Girječálli Niilo Aikio lea ieš Nigá láhkái […]
Sámegielaid gáiddusoahpahusfidnu sávvá sámeservviin doarjaga lagašoahpahusbeivviid lágideapmái
/in Ođđasat, Skuvlen ja oahppamateriála /by SámediggiSullii 60 vuođđooahpahusa oahppi studerejit anáraš-, nuortalaš- dahje davvisámegiela lohkanjagi 2018–2019 sámegielaid gáiddusoahpahusa pilohttafidnu bokte. Oahpahus ordnejuvvo gáiddusoahpahussan. Gáiddusoahpahusfidnu ollašuhttit, Ohcejoga gielda ja Sámediggi, sávvet sámeservviin doarjaga sámegielaid lagašoahpahusbeivviid lágideapmái. Oahpahusa doarjjan ja fierpmepedagogihka mielde sámegielaid gáiddusoahpahusfidnui lea boahtán idea lágidit lagašoahpahusbeivviid, mat livčče sámemánáide ja -nuoraide oaivvilduvvon dáhpáhusaid oktavuođas. Idea ovdanbuktojuvvui 18.9. gáiddusoahpahusfidnu vánheneahkedis […]
Govva-jietna-ráidu Deanu fatnasa duddjomis
/in Ođđasat, Skuvlen ja oahppamateriála /by SámediggiDeanu fanas – govvaráidu Deanu fatnasa duddjomis lea almmustuvvan. Govvaráiddu sáhttá geavahit sihke duoji ja davvisámegiela oahppamateriálan. Govvamuitalusas Elle Ásllat Niillas Jovnna, Jouni Laiti, muitala Deanu fatnasa duddjomis. Fanasduddjoma muttot leat govviduvvon Sámeguovllu oahpahusguovddáža gurssas. Bargomuttuid govvideaddji govaid lassin materiála sisttisdoallá Jovnna jearahallama. Jearahallin lea Jávrri Juhan Niillas, Niilo Aikio. Materiála lea govven Ilona […]
Oahpa sisteduoji vearbbaid davvisámegillii!
/in Ođđasat, Skuvlen ja oahppamateriála /by SámediggiDieđátgo mot olmmoš bargá go vajulda? Naba go šalmmasta? Leago sátni loaskut oahpis dutnje? Galle sáni dáin dovdet ovddežis? Sisteduddjon-video bokte oahpat sámiid mávssolaš sisteduodjesániid. Sisteduodje-videoi giehtačállosa lea bargan Rauna Vieltojärvi ja son maid duddjo videos. Govvema ja editerema lea bargan Eeva Mäkinen. Video lea buvttadan Sámedikki skuvlen- ja oahppamateriáladoaimmahat. Video sáhttá geavahit ovdamearkka dihte […]
Davvisámegiela alfabehtafilmmaš gárvvásmuvai
/in Ođđasat, Skuvlen ja oahppamateriála /by SámediggiDavvisámegiela alfabehtii láidesteaddji filmmaš lea gárvvásmuvvan. Bustávafilmmažis ohcat ja ovdanbuktit davvisámegiela alfabehta. Guđege bustávas addojuvvo ovdamearkasátni. Filmmaža lea buvttadan Skuvlen- ja oahppamateriáladoaimmahat, ja buohkat geain lea dasa beroštupmi, ožžot geavahit filmmaža friddja. Giehtačállosa lea čállán Solja Magga ovttas doaimmahaga eará geassebargiiguin, ja filmmaža lea govven ja editeren Eeva Mäkinen. Doaimmahat lea ráhkadeame bustávafilmmažiid maiddái […]
Riikkaviidosaš lohkanlihkadus álggii
/in Ođđasat, Skuvlen ja oahppamateriála /by SámediggiLohkandáidu lea miela superfápmu, mii doarju olbmo oppa eallinagi, ovddida jurddašeami ja váikkuha njuolga oahppanbohtosiidda, muitala oahpahusministtar Sanni Grahn-Laasonen. – Lohkan eastada eretduvdáseami ja buvttada máŋggalágan ilu ja ávkki. Ministtar hálidivččii loktet Suoma riikan, gos olbmot lohket eanemusat. Mánáid ja nuoraid movttiidahtti lohkanlihkadus lea álggahuvvon. Lohkandáidu ii mearkkaš dušše fal girjjiid lohkama. Lohkan lea multimodála. […]
Sámeguovllu skuvllaide skeŋkejuvvojit sáme- ja suomagielat lohkangirjjit
/in Ođđasat, Skuvlen ja oahppamateriála /by SámediggiSámiid ruovttuguovllu skuvllat ožžot skuvlajagi álgui stuorra girjepáhka, mas leat sáme- ja suomagielat lohkangirjjit. Páhkka sisttisdoallá logi iešguđet sámegielat girjji ja gávcci iešguđet suomagielat girjji. Juohke páhkas leat oktiibuot 50 girjji, maid ulbmilin lea nannet erenomážit 3.- ja 4.-luohkálaččaid lohkanmovtta ja lohkama astoáiggeájanassan. Girjjiid skeŋkema goasttida Suoma kulturfoandda Lukuklaani-fidnu, mainna Sámedikki skuvlen- ja oahppamateriáladoaimmahat bargá […]
Mánát ja nuorat oassálastet oahppamateriála báddenbargguide
/in Ođđasat, Skuvlen ja oahppamateriála /by SámediggiSámekulturguovddážis báddenstudios lea suoidnemánus hušša, go mánát ja nuorat oassálastet digitála oahppamateriála ja eará mánáidgirjjiid báddenbargguide. Mánáid ja nuoraid jienat báddejuvvojit Gea-girjeráiddu nuppi luohká digitála oahppamateriálii ja Bluppe-mánáidgirjjiide. Dán vahkus báddenbargui oassálaste Mihkku Laiti, Áilu Laiti ja Niillas Laiti Ohcejogas. Mihkku lea leamašan báddemis mielde juo moadde jagi dassái Gea 1- digimateriálas. Dán gease son […]
Guovttegielat mánáidlávllagirjjis almmustuvvan ođđa preanttus
/in Ođđasat, Skuvlen ja oahppamateriála /by SámediggiOulu universitehta oaččui ruhtadeami sámegielat ávnnasoahpaheddjiid skuvlenprošektii
/in Ođđasat, Skuvlen ja oahppamateriála /by SámediggiOahpahus- ja kulturministeriija juolludii Oulu universitehtii 750 000 euro sámegielat ávnnasoahpaheddjiid skuvlenprošektii. Prošeaktaohccin lei Oulu universitehta Giellagas-instituhtta ja ovttasbargoguoibmin bajásgeassindiehtagiid dieđagoddi, Sámi oahpahusguovddáš ja Sámediggi. – Prošeavtta ruhtadeapmi lea duođaid buorre ođas, illuda Sámedikki sátnejođiheaddji Tiina Sanila-Aikio. Sámegielat oahpaheddjiid váilun lea leamašan guhká min dieđus, ja oktan deháleamos áššiin bargolisttus. Oahpaheaddjidili buorideapmi namuhuvvo maiddái Sámedikki […]
Geassebargit álggahedje bargguset skuvlen- ja oahppamateriáladoaimmahagas
/in Ođđasat, Skuvlen ja oahppamateriála /by SámediggiOahppamateriálabargit álggahedje bargguset Sámedikki skuvlen- ja oahppamateriáladoaimmahagas, ja sin bargu bistá guokte mánu. Doaimmahagas álggahedje ovcci sámegielat oahppamateriálabargi, geat ovddastit sihke anáraš-, nuortalaš- ja davvisámegiela. Doaimmahagas leat vuosttaš háve ná máŋga geassebargi. Miessemánu álggus leaba álggahan Terhi Harju, nuortalašgielat oahppamateriálabargi, ja Gabriela Satokangas, guhte bargá fas davvisámegielat materiála. Geassemánu álggus oahppamateriálabargiid jovkui serve lassin nuortalašgielat […]
Sámegielaid gáiddusoahpahusfidnu álgá
/in Ođđasat, Skuvlen ja oahppamateriála /by SámediggiSámegielaid gáiddusoahpahusa pilohttafidnu álgá, go Ohcejoga stivra lea vuos dohkkehan fidnu iežasruhtadanoasi. Ohcejoga gieldda čuvgehuslávdegoddi válljii iežas čoahkkimis 7.6. fidnu prošeaktahoavdan luohkáoahpaheaddji Eila Tapiola. Hoavdda bargui ledje njeallje ohcci. Prošeaktahoavda bargagoahtá borgemánus álggus. Sámedikkis prošeaktakoordináhtorin lea álggahan fil.magist. Arla Magga, guhte bargá skuvlen- ja oahppamateriáladoaimmahagas. Ohcejoga gielda oaččui miessemánus Oahpahus- ja kulturministeriijas ruhtadeami sámegielaid gáiddusoahpahusa […]
Vuosttaš digitála oahppamateriála almmustahtton
/in Ođđasat, Skuvlen ja oahppamateriála /by SámediggiSkuvlen- ja oahppamateriáladoaimmahat mearrida sámegielat oahppamateriálaid ráhkadeami, ja dat bidjá návccaid deaddiluvvon oahppamateriála lassin maid materiálaid digitálavuhtii. Vuordda lea ahte digitála oahppamateriálat šaddet ain dábáleabbon iešguđet oahppolágádusas. Skuvlen ja oahppamateriáladoaimmahaga ođđaseamos digitála materiála lea Gea 1 Gollemeahcci (http://iioppi.fi/Saame/Gea/1/). Materiála lea oaivvilduvvon vuolleskuvlla vuosttaš luohká ohppiide, geat lohket davvisámegiela vierisgiellan. Digimateriála ja dan hárjehusat fállet Gea […]
Sámediggi bálkkašii viššalis sámegiela oahppiid
/in Ođđasat, Skuvlen ja oahppamateriála /by SámediggiSámediggi attii skuvllaid giđđafeasttain stipeanddaid oahppiide, geat leat bures menestuvvan sámegiela oahpuin. Stipeanddat juhkkojuvvojedje oktiibuot guhtta ođđa stuđentii, geat leat čađahan sámegiela iskosa stuđeantadutkosis, njealljenuppelot vuođđooahpahusa čađahan oahppái ja gávcci Sámi oahpahusguovddážis válmmaštuvvan oahppái. Sámedikki stipeandda ožžo čuovvovaš nuorat: Stuđeanttat: Avvila logahat: Iina Kyrö (anárašgiella), Janita Känsälä (davvisámegiella), Sara Keränen (davvisámegiella) Ovnnešvári logahat, […]
Sámediggi giittii Oahpahusráđđehusa ovttasbarggus
/in Dáhpáhusat, Ođđasat, Skuvlen ja oahppamateriála /by SámediggiSámediggi giittii Oahpahusráđđehusa buori ovttasbarggus ja sámeoahpahusa ovddideami duvdimis. Oahpahusráđđehus lea almmuhan sámiid ja sámi kultuvrra iežas temán eurohpalaš kulturárbejahkái 2018. Sápmelaččat ja sámeoahpahus ledje vuossárgga 28.5. fáddán Oahpahusráđđehusas ordnejuvvon Unna Skábmagovat -dáhpáhusas. Sámedikki ja Oahpahusráđđehusa ovttasbarggus leat leamaš máŋggat ođđa áššit maŋimuš jagiin. Oahpahusráđđehus lea juo guhká ruhtadan sámegielat oahppamateriálabarggu. Sámediggi ollašuhttii ovttasbarggus Oulu […]
Buresboahtin Nigá 2-girjji almmuhandilálašvuohta 12.4. dmu 14.00 Sajosis
/in Ođđasat, Skuvlen ja oahppamateriála /by Eeva MäkinenSámenuoraid dáiddadáhpáhus lea vejolaš čuovvut LIVE-STREAMIS ja INSTAGRAMIS
/in Dáhpáhusat, Ođđasat, Skuvlen ja oahppamateriála /by Eeva MäkinenSámenuoraid dáiddadáhpáhus – PROGRÁMMA
/in Dáhpáhusat, Ođđasat, Skuvlen ja oahppamateriála /by Eeva MäkinenMinisteriija mieđihii lasseruđa Sámenuoraid dáiddadáhpáhussii – Sámediggi giitá!
/in Ođđasat, Skuvlen ja oahppamateriála /by SámediggiOahpahus- ja kulturministeriija lea mieđihan Sámenuoraid dáiddadáhpáhusa ordnemii mearreruđa, mainna sihkkarastojuvvo dat, ahte dáiddadáhpáhusa ordnen lihkostuvvá boahtte vahkku duorastaga 12.4. seammaláhkai go ovdalge. Sámedikki ságadoalli Tiina Sanila-Aikio giitá kulturminister Sampo Terho dan ovddas, ahte sámenuoraide nu mávssolaš dáhpáhusa lea vejolaš ordnet. – Sávan sámenuoraide ja gehččiide ilolaš buresboahtima Sajosii boahtte vahku duorastaga, go Sámenuoraid dáiddadáhpáhus […]
Sámenuoraid dáiddadáhpáhus cuoŋománus Anáris – tubedeaddji Mansikkka duopmárin
/in Dáhpáhusat, Ođđasat, Skuvlen ja oahppamateriála /by AdministratorSámenuoraid dáiddadáhpáhus lágiduvvo dán jagi 12.4. Anáris. Jagi 2018 dáiddadáhpáhusa teman lea ”iežas jietna” ja dáhpáhusa fáttát leat musihkka ja tubben dahjege YouTube-videoid govven. – Musihkka lea maiddai riikadásis fáddán dán jagi ja go teman lea iežas jietna, heive tubben maiddái hui bures midjiide, muitala Sámenuoraid dáiddadáhpáhusa buvttadeaddji Aleksi Ahlakorpi. Tubben-gilvvu duopmárin lea Mansikkka dahjege […]
Oahpahus- ja kulturministeriija ja Oahpahusráđđehus bovdejit ávvudit sámiid álbmotbeaivve!
/in Ođđasat, Skuvlen ja oahppamateriála /by Yllä PitäjäOahpahus- ja kulturministeriija ja Oahpahusráđđehus bovdejit ávvudit sámiid álbmotbeaivve. – Sámiid álbmotbeaivi addá buori vejolašvuođa oahpásmuvvat sámiide Eurohpa áidna eamiálbmogin ja maiddái sámiid kulturtradišuvnnaide, dadjá Oahpahusráđđehusa oaivehoavda Olli-Pekka Heinonen. Dieđáhus 4.2.2018 Oahpahus- ja kulturministeriija ja Oahpahusráđđehus bovdejit doallat sámiid álbmotbeaivve! Sámiid álbmotbeaivi dollojuvvo guovvamánu 6. beaivve. Dat lea doaisttážii oalle nuorra ávvubeaivi, daningo suopmelaš albmenáhkkii […]