Sämitige nuorâirääđi De!-projektist ovdedeh nuorâi astoäigitooimâ puoh Suomâst sarnum sämikielân. Proojeekt ulmen lii movtijdittiđ säminuorâid vuáváđ jieš, ete maggaar sämikielâlii astoäigitooimân sij halijdiččii uásálistiđ. De!-projektist karttih meid, ete maggaar sämikielâlii nuorâitooimâ jieškote-uv kieldah já seervih tääl uárnejeh. Proojeekt ääigi olášuteh nuorâi vuávám sämikielâlii astoäigitooimâ pilotijd. Ulmen lii nanodiđ sämikielâlii nuorâikulttuur já ruokâsmittiđ nuorâid kevttiđ sämikielâid meid astoääigis.

De!-proojeekt ovdánem puáhtá čuávvuđ Nuorâirääđi sosiaallii media kanavijn, Instagramist já Facebookist. Proojeekt olášuttoo 1.10.2018-30.8.2019 já tom ruttâd Leader Pohjoisin Lappi.