De!-projektist ovdedeh sämikielâlii nuorâitooimâ
Sämitige nuorâirääđi De!-projektist ovdedeh nuorâi astoäigitooimâ puoh Suomâst sarnum sämikielân. Proojeekt ulmen lii movtijdittiđ säminuorâid vuáváđ jieš, ete maggaar sämikielâlii astoäigitooimân sij halijdiččii uásálistiđ. Proojeekt olášuttoo 1.10.2018-30.8.2019 já tom ruttâd Leader Pohjoisin Lappi.
Kielâkäldee-proojeekt (Säämi Kielâkäldee)
Proojeekt mittomereh
Proojeekt ääigi Säämi Kielâkäldee juátká säämi kielâohtsâšpargo ovdedem, koordinistem já nanosmittem. Säämi Kielâkäldee juátká toimâm meiddei säämialmug kielâaašijd alemus ohtsâš merideijee toimâorgaanin. Säämi Kielâkäldee mittomeerin lii siäiludiđ já ovdediđ sämikieláid lahtoo kulttuuräärbi já toimâđ áámmátlâš äššitobdeeorgaanin. Áámmát- já reesuurskuávdáást lii meiddei alemus oovdâsvástádâs kielâkevtteid uáivildum sämikielâg kielâpalvâlusâin. Proojeekt ääigi Säämi Kielâkäldee toimâmorganáid lasettum kielârääđi aalgât tooimâs, já jo ovdil vuáđudum maadâ-, julev-, tave-, aanaar- já nuorttâsämikielâi kielâjuáhuseh juátkih tooimâs. Kielâpargeeh, kiäh láá maadâsämikielâst 2, julevsämikielâst 2, tavesämikielâst 3, anarâškielâst 1 já nuorttâlâškielâst 1, västideh keevâtlii kielâpargoost. Proojeekt Säämi Kielâkäldee já Sämitigeh nanosmitteh já ovdedeh oovtâst sämikielâid nuuvt, ete jieškote-uv kielâjuávhu jiešlágán táárbuh, háástuh já resursseh váldojeh vuotân.
Säämi Kielâkäldee pargoh
Áámmát- já reesuurskuávdáá pargoh láá eereeb iärrás kielâtipšom, kielâ ovdedem, termipargo, normim já sajenommâpalvâlus. Kielâpargeeh adelih ravvuid ja iše sämikielâi kevttimân kyeskee koččâmâšâin já valmâštâlleh jieijâs kielâi aašijd kielâjuáhusáid meridemnáál. Kielâjuáhuseh adelih avžuuttâsâid sämikielâi kevttimân kyeskee aašijn, tegu normimist já teermijn.
Säämi Kielâkäldee päikkisiijđoin www.giella.org kávnojeh tärkkilub tiäđuh Säämi Kielâkäldest já äidikyevdilis tiäđuh áámmát- já reesuurskuávdáá tooimâin, sehe uđđâ teermih já normimeh. Säämi Kielâkäldest lii meiddei FB-sijđo www.facebook.com/SamiGiellagaldu, mon peht puáhtá vuolgâttiđ sämikielâi kevttimân kyeskee koččâmâšâid. Siijđoin tieđettep meiddei Säämi Kielâkäldee tooimâin. Kielâkoččâmâšâid puáhtá vuolgâttiđ meiddei šleđgâpostáin info()giellagaldu.com teikkâ suáittiđ njuolgist Säämi Kielâkäldee kielâpargeid.
Sakaste
SaKaste – Sämmilij sosiaal- já tiervâsvuođâpalvâlusâi ovdedemrááhtus-proojeekt
PaKaste 2 – Tavekuávlu Kaste-proojeekt uásiproojeekt
1.10.2011 – 31.10.2013
SaKaste- proojeekt ääigi pyeredii sämikielâlij já kulttuurân vuáđuduvvee palvâlusâi kvaliteet, vai-kuttemvuođâ, finnim sehe kezidii kuávlulijd iäruid läčimáin sämikielâlijd já -kulttuurân vuáđuduvvee šiev pargovuovijd já toimâmaalijd. Ovdedempargoproosees ääigi sämmilij pargei jieijâs áámmátidentiteet nanodui já koskânâs äššitobdeeviärmádâh vijđánij já šoodâi čavosin.
Ovdedempargo porgui prooseesluándulávt já sämikulttuur vuolgâsoojijn. Säämi arâšoddâdmist já puárásijpargoost pargee sämikielâlâš pargoviehâ toimâi juávkkupargo ääigi ovdedeijeeäššitobden. Sii oovdeb mättim sehe kulttuurlâš sämmilâš ärbitiätu lijjii merhâšittee uásist uđđâ toimâmaalij rähtimist. Äššigâsvuolgâvuotâ oinui tast, ete pargeeh tubdii äššigâsâi táárbuid já sii stivrejii ovdedempargo ääigi tubdâđ äššigâs sämikielân já kulttuurân vuáđuduvvee palvâlusâi táárbuid.
Sämitige lasseen ovdedempargoost lijjii fáárust sämikuávlu kieldah, Sámi Soster ry, Tave-Suomâ sosiaalsyergi mättimkuávdáá sämiohtâdâh já Säämi máttááttâskuávdáš.
Säämi puárásijpargo
Ovdedemráhtus vievâst uccii puárásijpaargon, maid pargeh sämmilij juávhust, tagarijd pargomaalijd, moh ovdedeh sämmilii elilâmulmuu kielâlij já kult-tuurlij vuoigâdvuođâi olášume.
Säämi puárásijpargo tyejipiergâskassâ
Säämi arâšoddâdem
Arâšoddâdempaargon, maid pargeh sämikuávlust já ton ulguubeln, uccii ovdedempargo vievâst sämmilii arâšoddâdempargoviehân tagarijd pargomaalijd, moh išedeh já tuárjuh pargovievâ mättim soddâdempargoost nuuvt, ete sämipárnái kielâliih já kulttuurliih vuoigâdvuođah olášuttuuččii.
Säämi arâšoddâdemvuávám
Säämi arâšoddâdem aargâ tooimâi ravvuuh
kuati.fi oovdânpyehtimvideo
Mättim nanodem já tiäđupyevtittem
SaKaste – proojeekt ääigi nanodii sämikuávlust pargee sosiaal- já tiervâsvuođâsyergi pargovievâ sämikielâ já -kulttuur mättim sehe lasettii merideijei sämikielâ já -kulttuur vuotânväldee tooimâ tiäđulâšvuođâ merhâšume. Luuvâ lase
SaKaste- proojeekt tábáhtusah
Raporteh
