NJUOLGÂDUSAH SOUNDS 2018

1. STIIJLAH

Klassisâš muusik

• orkestereh

• muusikjuávhuh

• lávlumjuávhuh

• lávlummuusikjuávhuh

Aalmugmuusik

• muusikjuávhuh

• lávlummuusikjuávhuh

Ritmâmuusi tego rock, pop, jazz, ballaad, hiphop, reggae, dance

• muusikjuávhuh

• lávlummuusikjuávhuh

2. OHJELM KUKKODÂH

Ubâ ohjelm kukkodâh uážžu leđe enâmustáá 10 minuttid.

3. AHERÁÁIĐUH JÁ RAIJIITTÂSAH

Uásiväldeeh juáhhojeh kyevti aherááiđun:

2003-2008 -šoddâm (10-15 -ihásiih)

1998-2002 – šoddâm (16-20- ihásiih)

Juávhu stuárudâh kalga leđe ucemustáá kulmâ ulmuu. Enâmustáá 1/3 juávhu jesânijn uážžu spiekâstiđ aheraijiittâsâin. Raijiittâs ij kuoskâ ohjelmij ige juávhui stivrejeijeid. Tábáhtus lii vuávájum nomâlâsân nuoráid, kiäh astoääigi puđâldeh muusikáin . Nuorah, kiäh uážžuh válduáigápuáđus muusikist, láá muusik áámmátlii škovliimist (Sibelius-Akademia, suáldátmuusikškovlâ, muusikoppâlájádâs áámmátliih linjáh) teikkâ láá olášuttám muusik áámmátlii tutkos, iä pyevti väldiđ uási tábáhtusân. Raijiittâs ij kuoskâ Sibelius-Akademia nuorâi škovlim uáppeid. Kuávlu- já väldikodálâš tábáhtusâst siämmáš juávkku puáhtá väldiđ uási tuše oovtâ juávkkušlaajân. 2/3 juávhu jesânáin kalgeh leđe uđđâ, vâi juávhu puáhtá keččâđ uđđâ juávkkun.

4. KUÁVLUTÁBÁHTUSÂST VÄLDIKODÁLŠ TÁBÁHTUSÂN

Kuávlutábáhtussáid pyehtih väldiđ uási puoh kuávlust ässee nuorah. Kuávlutábáhtus kalga leđe toollum ive 2018 njuhčâmáánu loopâ räi. Tuámáreh väljejeh kuávlutábáhtusâin ovdâsteijeid väldikodálâš Sounds 2018 tábáhtusân, mii lii Mikkelist 25.-27.5.2018. Kuávlutábáhtusâin jootkân peessâm almotteh jieijâs väldikodálâš tábáhtusân Mikkelin majemustáá 9.4.2018 räi. Taan maŋa puáttám almootmeh iä tuhhiittuu.

Säminuorâi taaiđâtábáhtusân uážžuh uásálistiđ puoh säminuorah já -párnááh, já toh, kiäh láá sämikielâlâš teikkâ sämikielâ máttááttâsâst.

5. MACÂTTÂS

Puoh tábáhtusân uásálistám juávhuh uážžuh ohjelmistis njálmálii já kirjálii macâttâs. Nuorâ Kulttuur Sounds 2018 tuámáreh tiädutteh dialog nuorâ musikkárijguin. Tuámáreh keččâleh pajediđ savâstâlmân ohjelm nanosvuođâid já meid aašijd, moiguin musikkárijn ličij máhđulâš ovdániđ jieijâs muusikrähtimist. Tuámáreh kiddejeh huámmášume ovdâmerkkân

• ohjelm siskáldâsân

• lávlum já čuojâttem jiešvuođâid

• nuorâi koskâsii vuáruvaikuttâsân

• olgospyehtimân lohtâseijee aššijd

• lattiimân já oromân lyeve alne

• jiešlágán ohjelmân

• lyeve alne leijee já kuldâleijei koskâsii vuáruvaikuttâsân

Säminuorâi taaiđâtábáhtusâst lii meiddei kuálmád aheráiđu:

-vuálá 10-ihásiih