Sämitige puoh tievâsčuákkimeh čáittojeh njuolgâ vuolgâttâssân stream peht. Toos lasseen meid sierâ tábáhtusâid puáhtá čuávvuđ stream peht.

Sämitige Flickr-tilist láá koveh ei. Sämitige tooimâst, jesânijn já tábáhtusâin. Kuuvijd puáhtá kevttiđ tárguttâssáid, moh palvâleh tiäđusirdem, šiev vuovij mield. Merkkii kove käldee já kovvejeijee noomâ, jis kovvejeijee lii mainâšum.

Sämitige kuuvijd uážžu kevttiđ tárguttâsâin, moh palvâleh uđđâsijd já eres tiäđusirdem. Kuuvij kevttim lii mávsuttem. Sämitige kuuvijd ij uážu kevttiđ máinumân já markkânistmân. Siämmáánáál kieldum lii toi kevttim ánsutárguttâsâst tego paaiđijn teikâ koopâin. Kuuvijd ij uážu pieijâđ arkkâdâhân ijge luovâttiđ kuálmád uásipeelijd. Kove käldee kalga almottiđ šiev täävi miäldásávt.

Kuuvij puoh kevttimtárguttâsâin kalga väldiđ huámmášumán kooveest orroo ulmuid já táárbu mield finniđ sii love kove kevttim várás. Sämitige kuuvijd ij uážu kevttiđ šiev täävi vuástásávt. Tain uáivilduvvoo kuuvij kevttim ovdâmerkkân taggaar ohtâvuođâst, mii puáhtá huánnuđ kooveest orroo ulmuu teikâ čuovâkovvejeijee áárvu. Kuuvij siskáldâs ij uážu mutteđ.

Kevttimiävtui lasečielgiittâsah

Kove kevttee ij taarbâš sierâ finniđ kovvejeijee love, tastko Sämitigge lii haahâm kuuvijd vijđes kevttimvuoigâdvuođâiguin. Ton sajan kevttimvuoigâdvuotâ ij luávdi mihheen eres luuvijd, maid kove kevttim ton siskáldâs teikâ čuosâttuv vuáđuld máhđulávt váátá. Tárbuliih loveh sättih leđe kuuvijn orroo ulmui mietâmâš kove kiävtun uđđâ kevttimohtâvuođâst. Jis kooveest láá rähteevuoigâdvuođâi vuáđuld syeijejum tyejeh teikâ täävvirmeerhah, kove kevttim sáttá vaattâđ toi vuoigâdvuođâi haldâšeijei love.

Jis kevttee kuárrid ovdil mainâšum tárbulij luuvij haahâm já kevttim luávkkáá kuálmád uásipeelij immateriaalvuoigâdvuođâid (rähteevuoigâdvuođâid, täävvirmerkkâvuoigâdvuođâid) teikâ eres vuoigâdvuođâid (om. kooveest orroo ulmuu vuoigâdvuođâid meridiđ jieijâs kove kevttimist), kevttee västid vahâgijn já koloin, moh šaddeh Sämitiigán taggaar luávkkájeijee kevttim tiet. Vuolgâsaijeen lii, ete kevttee västid njuolgist kuálmád uásipeelijd šaddee vahâgijn.

Kevttimiävtui vuáđđun láá kevttum ovdâskode kanslia kuuvij kevttimiävtuh.

Viestâdemčällee
Johanna Alatorvinen
johanna.alatorvinen(at)samediggi.fi
+358 (0)10 8393140, +358 (0)40 663 4493