Mähss- da tuåimtõsmääin

 

Laasktõs

Pukin laasktemnallšem tiʹllʼjõõzzin peʹrrjet 5,00 eeuʹr laasktõsmääus.

Dommjânnam tiʹllʼjõõzzin laask tuåimtet tiʹllʼjõõzz õhttvuõđâst. Ålggjânnam tiʹllʼjõõzzin laskk âlgg mäʹhssed ouddǩiõʹtte, koon mâŋŋa ǩeʹrjjvuõlttõõzz tuejjeet.

Tuåimtõsnääʹl

Tiʹllʼjõõzz vuäitt viǯǯâd Sajoozzâst suåppum äiʹǧǧen tiʹllʼjõskuuit vuâstta leʹbe tiʹllʼjõõzz tuåimtet äʹššnekka pååʹšt mieʹldd.

Tuåimtõskuul

Tiʹllʼjõõzz pååʹštkuul meäʹrtâʹvve tiʹllʼjõõzz teädd mieʹldd.

Tuåimtõsäiʹǧǧ

Tuåimtõsäiʹǧǧ lij ǩidd tiʹllʼjum ouddsi vuäǯǯamvuõđâst. Ääiʹtest åårrai ouddsi tuåimtõsäiʹǧǧ lij 7 tuâjjpeiʹvved. Jeeʹres ouddsi tuåimtõsääiʹj vaajtâʹlle. Tiʹllʼjõõzzâst säʹtte pueʹtted mäŋgg tuåimtõsvueʹzz, kuäʹss tiʹllʼjum ouddsid laasktet tuåimtõsvueʹzzi mieʹldd.

Ko tuåimtõs äjjan jiânnai, põrggâp iʹlmmted tõʹst äʹššnekka mââʹjeeǩâni.

Vääldak âma lokku tuåimtõsaaiʹjid! Čõõuč mättǩiiʹrjid siâzztõõlât tiʹllʼjed juʹn ǩeâđđa ouddâl ko škooul poʹtte, što ǩeeʹrj ǩiõrggne lookkâmpââʹj äʹlǧǧe.

Tiʹllʼjõõzz čåuddõõttmõš da maacctemvuõiggâdvuõtt

Neʹttkaaup äʹššniiʹǩǩin lij õõʹnnisuõjjlääʹjj meâldlaž vuõiggâdvuõtt čåuddõõttâd tiʹllʼjummšest leʹbe vueʹzzest tõʹst nelljmlo (14) peeiʹv seʹst tiʹllʼjõõzz vuâsttaväʹlddmest. Liâđǥlaž materiaali maacctemlååʹpp âlgg pâi suåppâd jeeʹrab.

Ouddsi maacctemaddrõs, ko tiʹllʼjõs čåuddjââvv:

Škooultõs- da mättmateriaalkoontâr / Sääʹmteʹǧǧ
Sajos
FI99870 Aanar

Ooudâs, kååʹtt ij leäkku õnnum leʹbe koon vuäitt kaaupšed ooudårra, mieʹldd âlgg õhtteed tiʹllʼjõõzz mieʹldd tuåimtum maacctemlomaakk.

Hoʹhs. Laaddum ouddâz klasstõõlât kääzzkõssân, koon ij vueiʹt maaccted leʹbe koʹst ij vueiʹt čåuddõõttâd ouddâz laaddâm mâŋŋa. Kõõččmõõžžâst lij nuʹtt sarnnum vuõigg âânnmõš.

Tiʹllʼjõʹsse da tuåimtummša õhttneei reklamaatioid vuäitt vuõltteed addrõʹsse: kirjatilaus(at)samediggi.fi