Sosiaal- da tiõrvâsvuõttluʹvddkåʹdd lij Sääʹmteeʹǧǧ sosiaal- da tiõrvâsvuõttpoliittlaž eʹtǩǩõõzzi, aalǥtõõzzi, ceâlklmi da peäʹlestvälddmõõžži valmštõõlli. Luʹvddkååʹdd tuâjjan lij oouʹdeed säʹmmlai vuõiggâdvuõđid da sââʹj Lääʹddjânnam sosiaal- da tiõrvâsvuõtthuõllriâšldõõǥǥâst.

Luʹvddkåʹdd tuʹmmai riikk tällõsarvvlõõzzâst (väʹlddklass 33, sosiaal- da tiõrvâsvuõttministeria) sääʹmǩiõllsaž sosiaal- da tiõrvâsvuõttkääzzkõõzzi staanmõʹšše čuäʹjtum riikkveäʹǩǩvuõđ ââʹnnmest. Tõt valmštââll Sääʹmteeʹǧǧ såbbra kuuʹǩǩab äiʹǧǧkõõsk plaan sääʹmǩiõllsaž sosiaal- da tiõrvâsvuõttkääzzkõõzzi puuʹtʼtummšest da oudd juõʹǩǩ eeʹjj Sääʹmteeʹǧǧ såbbra da Lappi lääʹnnhalltõʹsse čiõlǥtõõzz sääʹmǩiõllsaž sosiaal- da tiõrvâsvuõttkääzzkõõzzi staanmõʹšše čuäʹjtum riikkveäʹǩǩvuõđi ââʹnnmest. Luʹvddkåʹdd vaʹsttad da âânn huõl tõõi sääʹmnarood kääzzkõstaaʹrbi vuâmmšummuž ooudldeei tarbbsõs tuåimi håiddmest, kook lie mieʹrruum Tâʹvv-Lääʹddjânnam sosiaalsueʹrj siltteemkõõskõʹsse.

Luʹvddkååʹdd ǩiõttʼtõõllâm aaʹššid valmštâʹlle da peʹjje toiʹmme sosiaal- da tiõrvâsvuõttpiisar da Tâʹvv-Lääʹddjânnam sosiaalsueʹrj siltteemkõõskõõzz sääʹmjuâǥǥtõõzz plaaneei. Poske sääʹmjuâǥǥtõõzz tuåimmjummšest lie lââʹssteâđ tääiʹben.

Sosiaal- da tiõrvâsvuõttluʹvddkådda koʹlle iiʹjjin 2020-2023 täk vuäzzla:

Vuäzzla:
Hetta Karen-Anni, sj.
Magga Ulla-Maarit, vsj.
Hirvasvuopio Janne
Rahko Niila
Eriksen Heidi
Pekkala Aslak
Mäkinen Anne

Väärrvuäzzla:
Äärelä Inga
Länsman Aslak Uula
Niittyvuopio-Lämsä Leena
Itäkivi Minka
Veijola Ánte
Tervonen Joanna
Feodoroff Veikko