Sääʹm ǩiõllsuåvtõõzzâst lie eeʹttkõsttum puk kolmm Lääʹddjânnmest mainstum sääʹmǩiõl: tâʹvvsääʹmm, aanarsääʹmm da nuõrttsääʹmm.

Ǩiõllsuåvtõõzz tuâjaid koʹlle jm. tuõʹllʼjed da ooudâsviikkâd Lääʹddjânnmest õnnum sääʹmǩiõlid, uʹvdded vuäʹppõõzzid da siâzztõõzzid ǩiõll- da nõmmõshuõʹlle da terminologiaaʹje õhttneei aaʹššin, oouʹdeed ǩiõl tuʹtǩǩummuž, jueʹǩǩed teâđ sääʹmǩiõlin da vuässõõttâd tâʹvvjânnmallaš ǩiõllõhttsažtuõjju. Lââʹssen sääʹm ǩiõllsuåvtõs oudd õõutsââʹjest sääʹmǩiõl konttrin vaalpõõʹji Sääʹmtegga čiõlǥtõõzz sääʹmǩiõl kuõskki lääʹjjšiõttummuž suåvldummšest di säʹmmlai ǩiõlʼlaž vuõiggâdvuõđi teâuddjummšest da ǩiõllåårrmõõžži ouddnummšest. Sääʹmǩiõll-lääʹjj 29 § õõlǥtam čiõlǥtõs lij uvddum vuõssmõs vuâra eeʹjj 2008 pâʹsslašttâm-mannust.

Ǩiõllsuåvtõõzzâst lij vääžnai poliittlaž rool sääʹmǩiõllsai vuõiggâdvuõđi vuåppjen da sääʹmǩiõli oouʹdeeʹjen õõutsââʹjest Sääʹmteeʹǧǧ piisarkååʹddest tuåimmjeei sääʹmǩiõl konttrin.

Vääžnai vueʹss ǩiõllsuåvtõõzz tuâjast lij õhttsažtuâjj sääʹm ǩiõll-luʹvddkooʹddin di jeeʹres sääʹm- da uuʹccbõsǩiõlivuiʹm da ǩiõlltuʹtǩǩummšin reâuggai tuåimmjeeʹjivuiʹm, koid lie ouddm. Kotus (Dommjânnmallaš ǩiõli kõõskõs). Ǩiõllsuåvtõõzzâst lij jiiʹjjes eeʹttǩeei Euroopp uuʹccbõsǩiõli konttâr (Eblul) Lääʹddjânnam juâǥǥas, Fibluli halltõõzzâst še. Ǩiõllsuåvtõs lij tuâjstes ooudääm tiõttum sääʹmǩiõl sannõsprojeeʹktid še.

Sääʹm ǩiõllsuåvtõs juâkk õõut vuâra vaalpââʹjest Sääʹm ǩiõlltuâjj-ciist.

Sääʹm ǩiõllsuåvtõʹsse koʹlle iiʹjjin 2020-2023 täk vuäzzla:

Vuäzzla:
Ljetoff Tauno, sj.
Seurujärvi-Kari Irja, vsj.
Aikio Matti
Jääskö Neeta
Valkeapää Niko
Sara Magreta
Eriksen Kati

Väärrvuäzzla:
Harju Terhi
Magga Arla
Magga-Vars Petra
Seurujärvi Jussa
Pautamo Ellen
Magga Juhan-Tuommá
Lukkari Sammol