Sámediggeválggat 2023
Sämitiggevaaljah 2023
Sääʹmteʹǧǧvaal 2023
Saamelaiskäräjävaalit 2023

Nuõrisuåvtõʹsse vaʹlljeet kueiʹt ekka vuârai saaǥǥjååʹđteei, väärrsaaǥǥjååʹđteei da vitt jeeʹres vuäzzla di juõʹǩǩʼkiʹžže jiiʹjjes väärrvuäzzla. Täk väʹlddveärlaž vuäzzla da väärrvuäzzla âʹlǧǧe leeʹd 18-28-âkksa, teʹl ko siʹjjid vaʹlljeet. Lââʹssen nuõrisuåvtõʹsse vaʹlljeet kueiʹt ekka vuârai jäänmõsân vitt põõšši äʹšštobddivuäzzla, kook âʹlǧǧe leeʹd 15-17-âkksa, teʹl ko siʹjjid vaʹlljeet. Nuõrisuåvtõõzz saaǥǥjååʹđteei da väärrsaaǥǥjååʹđteei jie taarbâž leeʹd Sääʹmteeʹǧǧ vuäzzla.

Nuõrisuåvtõs valmštââll tõid Sääʹmteeʹǧǧ ceâlklmid, aalǥtõõzzid da jeeʹres peäʹlestvälddmõõžžid, kook kueʹsǩǩe sääʹmnuõrid leʹbe sääʹmnuõri jieʹllemvuõʹjjid. Jeeʹres nuõrisuåvtõõzz väʹlddtuâj lie oouʹdeed sääʹmnuõri ǩiõlʼlaž da kulttuurlaž vuõiggâdvuõđid pirr Lääʹddjânnam di nââneed sääʹmnuõri kuullmõõžž sääʹmkulttuuʹre.

www.nuor.fi