Jieʹllemvueʹǩǩ- da vuõiggâdvuõttluʹvddkåʹdd valmštââll Sääʹmteeʹǧǧ eʹtǩǩõõzzid, aalǥtõõzzid da ceâlklmid da jeeʹres peäʹlestvälddmõõžžid, kook kueʹsǩǩe säʹmmlai vuõiggâdvuõđid, jieʹllemvuõʹjjid da kulttuurääʹrb di säʹmmlai dommvuuʹd pirrõõzz da mäddâânnmõõžž. Luʹvddkåʹdd reâugg ǩiiddâs õhttsažtuâjast jeeʹres õhttsažtuâjjkuõiʹmivuiʹm da čõõnõsjooukivuiʹm, koin vääžnʼjummuz lie jm. säʹmmlai dommvuuʹd paalǥâskååʹdd da sääʹmjieʹllemvuõʹjji harjjtõõtti, Sääʹm-muʹzei Siida, Meäʹcchalltõs di säʹmmlai dommvuuʹd kååʹdd.

Luʹvddkåʹdd rääjj juõʹǩǩ eeʹjj čiõlǥtõõzz Sääʹmteeʹǧǧ såbbra säʹmmlai spesialvuõiggâdvuõđi teâuddjummšest da siʹjjid kuõskki lääʹjjšiõttâmhaʹŋǩǩõõzzi ouddnummšest. Luʹvddkåʹdd rääjj juõʹǩǩ vaalpââjas Säʹmmlai vuõiggâdvuõtt-, jieʹllemvueʹǩǩ-, kulttuuräʹrbb- da pirrõspoliittlaž prograamm, koʹst meäʹrtõõlât luʹvddkååʹdd tuåimmvuuʹd vääžnʼjummuz täävtõõzzid da tuåimid vaalpââʹjest. Programm tuärjjad Sääʹmteeʹǧǧ vaalpââʹj tuåimmprograamm čõõđ viikkmõõžž.

Jieʹllemvueʹǩǩ- da vuõiggâdvuõttluʹvddkååʹdd ouʹddepuhttjen tuåimmje Sääʹmteeʹǧǧ lääʹǩǩpiisar, pirrõspiisar di jieʹllemvueʹǩǩpiisar. Jieʹllemvueʹǩǩ- da vuõiggâdvuõttluʹvddkåʹdd norrââtt nuʹtt neellj vuâra eeʹjjest.

Luʹvddkådda koʹlle iiʹjjin 2020 – 2023 täk vuäzzla:

Vuäzzla:
Länsman Asko, sj.
Porsanger Veikko, vsj.
Kustula Kirsti
Saijets Jan
Hetta Karen-Anni
Semenoff Tuomas
Näkkäläjärvi Minna

Väärrvuäzzla:
Sujala Antti
Nuorgam Piia
Tervaniemi Marko
Musta Inka
Magga Jari
Wesslin Heini
Palojärvi Oula-Matti