Luʹvddkååʹdd
Sääʹmteeʹǧǧ sååbbar nõõmad vaalpââʹj ääiǥas nellj luʹvddkååʹdd, sääʹm ǩiõllsuåvtõõzz da vaal-luʹvddkååʹdd, koon tuåimmpââʹjj lij vuäʹnkab ko jeeʹres luʹvddkooʹddi.
Luʹvddkååʹdd tuåimmje halltõõzz vuâllsiʹžžen valmštõõleeʹl jiiʹjjes tuåimmvoudda kuulli aaʹššid da tuejjeeʹl tuʹmmstõõǥǥid jiiʹjjes suârgga kuulli vaaʹri jueʹǩǩmest da ââʹnnmest.
Luʹvddkooʹddi saaǥǥjååʹđteei da väärrsaaǥǥjååʹđteei âʹlǧǧe leeʹd Sääʹmteeʹǧǧ väʹlddveârlaž vuäzzla. Sij lââʹssen juõʹǩǩ luʹvddkådda koʹlle vitt jeeʹres vuäzzla da juõʹǩǩʼkiʹžže jiiʹjjes väärrvuäzzlaž.
Luʹvddkååʹdd âʹlǧǧe eeʹttkâʹstted nuʹtt puârast ko vueiʹtlvaž Lääʹddjânnam säʹmmlai ǩiõlʼlaž da vooudlaž jooukid da šiõǥǥ äʹšštobddmõõžž tuåimmvuuʹdstes. Luʹvddkooʹddi tuâjain lij mieʹrruum Sääʹmteeʹǧǧ tuâjjriâššmõõžžâst. Luʹvddkååʹdd håidda tuåimmvouddses õhttneei teâđtummuž.
