Ná ohcalat Sámedikki válgalogahallamii:

Mana čujuhussii www.samediggi.fi ja čálit olggos ohcanskovi.

Devdojuvvon ohcanskovvi ferte leat Válgalávdegottis maŋimuštá 31.12.2018 ovdal dmu 16, muitte sáddet ohcamuša áiggil!

Deavdde ohcanskovis ovdasiiddu sihke ovtta siidduin 1-3, don it dárbbaš deavdit buot siidduid. Vállje siiddu man deavddát dan mielde, mainna ákkain ohcalat válgalogahallamii.

Ovdasiidu

Deavdde iežat persovdnadieđuid sihke čuoggá, doalatgo iežat sápmelažžan.

Siidu 1

Válgalogahallamii sáhttá ohcalit sámegiela (3 § 1) vuođul, juos du dahje du vánhemiin dahje áhkuin dahje ádjáin unnimustá okta lea oahppan sámegiela vuosttas giellanis. Juos don leat oahppan sámegiela vuosttaš giellan, riekkis rivttes giela ja deavdde du bearašlahtuid vuosttaš gielaid. Muitte vuolláičállit skovi ovdal sáddema!

Siidu 2

Válgalogahallamii sáhttá ohcalit čuoggá (3 § 2) mielde. Sádde ohcanskovi mielde arkiivavirgeoapmahačča duođaštusa das, ahte du máttarvánhen lea merkejuvvon duottar-, vuovde- dahje guolásteaddjilappalažžan dihto eana-, vearroguoddin- dahje heaggagirjái. Dasa lassin mielde ferte laktit virgeoapmahačča čielggadeami, ahte leat máinnašuvvon máttarvánhema maŋisboahtti.

Siidu 3

Válgalogahallamii sáhttá ohcalit maiddái dainna ákkain, ahte vánhemat leat merkejuvvon válgalogahallamii (3 § 3). Vaikke du vánhemat eai leat merkejuvvon válgalogahallamii, muhto livčče sáhttán leat, sáhtát ohcalit maiddái dainna ákkain. Deavdde du vánhemiin jerrojuvvon dieđuid ja lavtte mielde virgeduođaštusa, mas boahtá ovdan, ahte leat máinnašuvvon olbmo mánná. Muitte vuolláičállit skovi ovdal sáddema!

Sádde skovi poastta mielde buriin áiggiin čujuhussii:

Sámedikki Válgalávdegoddi
Sajos, Menesjärventie 2 A
99870 Anár

Molssaevttolaččat sáhtát doalvut dan Sajosii. Válgalávdegotti doaimmahat lea goalmmát gearddis. Bivdde infos, ahte válgavirgeolmmoš dahje eará Sámedikki virgeolmmoš finašii vuollegearddis dahje riŋge ieš válgavirgeolbmo/eará virgeolbmo viežžat skovi. Sámedikki telefonmolssa nummir lea 010 839 3100.